السلام عليكم
يا شباب عندي سؤال بخصوص التقديم على أكثر من دولة. إذا جاءك القبول في أكثر من دولة مثل كندا وأمريكا والدراسة تبدأ في وقت واحد تقريبا، كيف أقدر أقدم على الفيزا في السفارتين، وهل مسموح لي ذلك؟
شكرا
عرض للطباعة
السلام عليكم
يا شباب عندي سؤال بخصوص التقديم على أكثر من دولة. إذا جاءك القبول في أكثر من دولة مثل كندا وأمريكا والدراسة تبدأ في وقت واحد تقريبا، كيف أقدر أقدم على الفيزا في السفارتين، وهل مسموح لي ذلك؟
شكرا
اذا الدراسه للدولتين في وقت متقارب فأرى انك تستخير وتحدد اي مكان تحب تدرس فيه ولا داعي للتقديم على دولتين ، ترى عملية تطليع الفيزه ما هي سـهـله
أخوي خاصة الفيزة الأمريكية لايمكن ان تحصل عليه في الوقت الحالي لأن السفارة لديها مواعيد وابن خالي قدم على السفارة الأسبوع الماضي وموعده بعد شهرين أو ثلاثة
أشهر
وأنا أرى أن تقدم على الأسترالية لأنها الأسهل
ولاتنسى صلاة الاستخارة
اخوي انا رأيي مثل ما قالو الاخوان وفعلا الامريكيه ماهي سهله ومعقده واجراءاتها طويله وتحرق الاعصاب
اذا جاك قبول من كندا والله انها افضل مليون مره من امريكا سواء في مستوى التعليم الراقي فيها او في الطبيعه الاجتماعيه للحياه فيها ونسبة الامان (والامان بالله طبعا)
وشعبها طيب جدا ويتأقلم مع الغريب بسرعه
واجراءات الفيزا اسرع من امريكا مليون مره وممكن ما تحتاج مقابله اصلا وتطلع الفيزا بدون ما تعرف وين عنوان السفاره مجرد ترسل جوازك وترد تاخذه بالارامكس
يعني ان طولت معك اجراءاتها ما تتعدى شهر ونص وتكوت فيزتك معك انشالله واحتمال كير جدا انه تجيك الفيزا في اقل من كذا ممكن في 3 اسابيع
والله يوفقك
شكرا للإخوان على ردودهم.
بس حبيت أوضح وضعي الحالي علشان يفهمني الإخوان أكثر. أنا جاءني قبول من جامعة كويسة من أمريكا ولله الحمد وأنا ودي أروح لها، بس خايف إذا ما طلع لي الفيزا لا قدر الله أخسر حتى كندا اللي جاءني قبول منها أيضا الحمد لله.
فأنا الأصل ودي اطلع أمريكا بس للاحتياط ودي ما أضيع فرصة كندا أيضا، لذا أردت أن أقدم على السفارتين. أنا ودي أعرف هل السفارة الأمريكية عندها مشكلة إذا عرفت إني قاعد أقدم على السفارة الكندية وكذلك بالنسبة للسفارة الكندية إذا عرفت إني قاعد أقدم على أمريكا؟
شكرا
اقتباس:
المشاركة الأصلية كتبت بواسطة مشارك_جديد
اخوي طبعا انت صاحب القرار اولا واخيرا
انا الحمدلله حصلت على الفيزا الكنديه اول امس بفضل الله سبحانه وتعالى
بس ابي اوضحلك بعض النقاط الي صارت معي :
انا زمان من سنتين ونص تم رفض طلبي للحصول على فيزة طالب في السفارة الكنديه بالاردن
وبس ابي اقتبسلك جزء من الحديث الي دار بيني وبين الموظف الكندي الي سوى معي المقابله بخصوص (موضوع التقديم على امريكا)
انا كان جوازي عليه ختم رفض السفارة الامريكيه (فيزة زائر) زكان هاذا الكلام قبل لأقدم على الكنديه ب سنتين كاملين يعني انا قدمت وقتها على الكنديه سنة 2005 وكان ختم الرفض الامريكي لفيزة زائر موجود على جوازي بتاريخ 2003
جزء من الحوار الي صار بيني ةبين الموظف :
الموظف : انت عندك اخوان في امريكا ؟
انا : لا
الموظف :طيب في احد من اخوانك قدم على امريكا
انا : لا
الموظف : ابدا ابدا
انا :لا
الموظف ولا انت ؟
انا ما سمعت الكلمه احسبه بعده يكلمني عن اخواني قلت لا
قالي طيب وش هاذا؟؟؟؟؟ وقلب الجواز على اخر صفحه الي كان عليها ختم الرفض الامريكي
قلت له ياخي ما سمعت سؤالك عدل معقول ابي اقولك ما قدمت وختم الرفض موجود على جوازي؟؟؟
قالي ليش قدمت على امريكا
قلت له زيارة
قالي المن
قلت له لصديق الوالد
قالي وين عايش
قلت له شيكاغو
قالي ليش رفضوك؟؟؟؟؟؟؟؟
قلت له والله مادري
قالي كيف ماتدري ما قالولك السبب قلت له لا والله بعد ما خلص المقابله معي موظف السفارة الامريكيه قالي اسف وختم جوازي قدامي وعطاني ورقه مكتوب فيها اسباب رفض عامه تعطى لكل مرفوض
قال طيب ليش اخترت كندا للدراسه فيها قلت لانها ثاني افضل دوله بالعالم في مستوى التعليم
بعد امريكا
قالي نعم نعم ؟؟؟؟؟ بعد امريكا؟؟؟؟؟؟؟؟ قال انت كذا رايك ؟؟ قلت لا بس الناس يقولون كذا
قالي انا ابي رايك انت قلت والله البلدين مستواهم ممتاز
قال ليش ما تروح تدرس عند الامريكان ؟؟؟ قلت ما بي قال طيب ليش اوافق انا عليك دام انه الامريكان رفضوك ؟؟؟ ما دريت وش ابي ارد عليه المهم انه ختم جوازي بختم الرفض في نهاية المقابله
طولت عليك بس انا حبيت اوضحلك انه في حساسيه بين الدول لما تعرف انك مقدم لاكثر من دوله لان كل دوله تعتبر نفسها هي الافضل وانت لما تيجي تقدم عندهم وهم عارفين انك قدمت على غيرهم يعتبرونها اهانه او استخفاف بهم
حتى لو كانت الشغله بين امريكا وكندا الي هم قريبين جدا على بعض في السياسه والعلاقات
انا حبيت اعطيك صوره عن الوضع الي لا قدر الله ممكن يواجهك (لاني غلطت اني قدمت جوازي وعليه ختم الرفض الامريكي كان المفروض اني اجدد جوازي بالاول)
ونصيحتي لك انك تركز اهتمامك على دوله واحده فقط من الاثنين عشان لاقدر الله ما تخسر الخيارين للاسباب السابقه
يعني انت اختار يا امريكا يا كندا
لانها رح تكون مو زينه في صالحك قدامهم اذا دوله منهم دريت انك مقدم في نفس الوقت على الثانيه ورح يعتبروها استخفاف او استهتار فيهم وعدم جديه في طلبك
وانت صاحب القرار في الاخر
والله يوفقك واسف للاطاله عليك
واتوقع في نفس الوقت أن الجواز سوف يكون مع السفارة الكندية لمدة ثلاثة إلى ستة أسابيع وتخيل لو جت المقابلة الشخصية في السفارة الأمريكية والجواز مو معاك وش الحل
اتنى أنت تختار واحد من اثنين
وأنا أرى خيار كند أفضل وأسهل
وبالتوفيق........
ما قصروا الاخوان افادوك كثير واضم رايي لهم ان لاتقدم على اكثر من دوله في نفس الوقت
عندك حل ثاني بما انك ترغب امريكا اطلب من الجامعه الكنديه ، انا افترض انه قبول جامعه وليس لغه ، اطلب تأجيل قبولك فصل فصلين بقدر المده اللي تتوقع انك عرفت هل امورك متوجهه إلى امريكا فتروح امريكا ولا متعثرثه ومن ثم تقرر تغيير الجهه