الشحن إلى كندا

السلام عليكم جميعا..

راح ادخل بالموضوع على طول ..انا حاليا في كندا واهلي راح يرسلون لي اغراض من السعودية من ضمنها (تمر)
وطبعا الشحن عن طريق مكتب الطيار او المؤيد للي يحب يشحن مستقبلا بحيث انهم يعطونك 45 كيلو ب 600 ريال واي زيادة يحسبون الكيلو ب9 او 10 ريال << هذا اللي قالوا لي

لكن المشكلة ان الجمارك هنا ماتدخل اي اكل إلا لما يكون عليه تاريخ انتهاء ..حتى مكتب الطيار رفض ياخذ الشحنه إلا لما يكون فيه تاريخ انتهاء او انه شحتني راح تمنع من الدخول..

فسؤالي ..التمر غالبا نشتريه من غير تاريخ عليه ..فهل فيه طريقة بحيث اني احط عليه تاريخ انتهاء عشان اقدر ادخله كندا؟
وهل فيه احد منكم وصله شحنه عن طريق مطار هاليفاكس؟ وهل فتحوا الشحنه وشافوا ايش فيها او بس يسألونك ؟

اللي استلم شحنه عن طريقة مطار هاليفاكس او اي مطار كندي ياليت يقولي وش الأجراءات ؟

وشكرا للجميع:crap:

يا الغالي قطعة سكر ابشر بعزك والله :::::والحمد لله على سلامة وصولك للأراضي الكندية::::
وبقولك معلومة ...اخوي قبل تقريبا اربع سنوات ارسلت له اغراض من السعودية ولما وصلت استراليا الله يكرمك أقرب برميل زباله والله اللي ارسلتها مكلفة واجد بس ما عليه :drool1:

اقولك إذا اهلك بيرسلون لك أكل والا تمر والا حتى لو بيرسلون سمن تعرف السمن عااااد:drool1: اللي تحطه مع الفوول ....تقولهم يروحون لبنده والا اي سوبر ماركت كبير ويشترون من عنده أوراق مكتوب عليها صلاحية المنتج يعني من تاريخ كذا إلى كذا وفيه اوراق جاهزة مكتوب عليها تاريخ الانتاج والانتهاء (والله يعينهم يبدون يلصقون الاوراق على التمر :drool1: والاغراض الباقيه

ويغلفونها وبسم الله على الشحن ويرسلونها لك ....بس لا اوصيك عط اي كندي تمره يقعد يتأمل فيها ساااااااااعه ....وش الشئ الغريب اللي اعطيته ايااااااه ...:LSHIC:

ويارب توصلك بالسلامة ولا تنسااااانا من دعائك
عسى الله يوفقك ياااااارب وترجع لأهلك سالم غانم

اكيد 45 كيلو ب600 ريال
والله شي طيب هذا السؤال اللي محيرني

أمير برمشتي

شكرا على درك والله ..
لكن عندي سؤال ..الأوراق هذي اسأل عنها اي موظف ويعرفها ووين القاها بالضبط.. اقصد بأي قسم بالسوبر ماركت؟

والله يسهل علينا وعليك ان شاء الله وتوصل الشحنه سليمة وكاملة وبسرعة يارب

كلك حركات..

هذي المعلومة اللي عندي وان شاء الله صحيحة ..
وتقدر تسأل عنها مكتب الطيار او المؤيد لأن كلهم نفس السعر

امير برمشتي ..
هل هذه الأوراق موجودة حاليا ..وهل رأيتها قريبا في بندة
لأني سألت اهلي عنها ولا يعرفونها

قطعة سكر عشان تريح راسك بالمرة
فيه تمر ينباع وعليه تاريخ الصلاحية في محلات مثل البادية او السوبر ماركتات الكبيرة
ولو انت من راعيين القهوة عندهم في محل البادية كل مكونات القهوة ومغلفة وعليها التاريخ

قول لاهلك على هاذي المحلات وان شاء الله ربي ييسرلك ويوصل التمر بالسلامة هههههههه

ماكثر الله من التمر المغلف هذي الأيام ... أقرب سوبر ماركت تحصل فيه تمر مغلف ولا
أحلى ... وغير السوبر ماركت عندك محلات التمر >> ومشتقاته .. كمحلات الصالحية والمملكه وغيرها ..>> بيعجبك التغليف أكثر من التمر زاتو:drool1: .. أذا أهلك بالرياض ترا يمدحون سوق عتيقه ..

المشكلة ان طريقي لفكتوريا ولا كان سيرت عليك وزبنتلي كيسين تمر بالشنطه وجبتهم لك

بالتوفيق . . .

السلام عليكم
sl.2
alhajji1984 شكرا للإيضاح وبارك الله فيكم