لو بحجز سكن عن طريق النت .. كيف أثق في اللي أتعامل معهم؟؟
صباح الخير
طبعا مشكلتنا الأولى والأخيرة هي السكن وانا بصراحة حابة أرتب أموري وأحجز سكن قبل ما أسافر وبخاصة انو الفترة الجاية صيف وزحمة ,وغير كذا انا عندي أطفال
المهم أنا لقيت بيت صغير صاحبه وده يأجره تمام؟؟ فارسلت له ايميل استفسر منه والرجال ما قصر رد علي بس طلب مني بعض البيانات مثل اسمي وعنواني وعدد افراد العيلة اللي بتسكن معاي. أنا رديت عليه وكان مبدئيا موافق على التأجير وانا بصراحة حمدت ربي لانو صار لي فترة ادور على سكن وهذا البيت في الداون تاون وايجاره معقول جداوكمان مؤثث لانو صاحبه جاه نقل على كلامه لنيجيريا وحاب يؤجره الفترة هذي .
طولت عليكم صح؟ معليش بس والله انا حايسة ومالي الا الله ثم انتم
المهم انا ما شفت البيت لانو في الاعلان ما كان فيه صور وطلبت منه يرسل لي صور بس لسه ما أرسل لي
البارح أرسل لي انو موافق بس حرص علي اني أحافظ على بيته وأعتني فيه ومن هالكلام وقال لي اذا خلاص أرسل له عشان يعطيني بياناته وأحول له المبلغ وطبعا للحين ما أرسل لي صور.
السؤال :
أنا كيف أضمن حقوقي ؟ وكيف أعرف انو هذا الرجال مو نصاب ؟؟:drool1:
اعذروني انا مش شكاكة:no: بس والله الدنيا تخوف وماودنا من أولها نكون عالعمياني
أنا ودي تنصحوني ايش أسوي
في انتظار ردودكم
أختكم
Ho0oR
رد: لو بحجز سكن عن طريق النت .. كيف أثق في اللي أتعامل معهم؟؟
قوليله لا لالالالالالالالالالالالالا مافي فلوس الا لين اوصل او كلمي النادي السعودي و ان شاء الله يساعدوك فيها .
كلميهم قوليلهم القصه و قوليلهم اذا ممكن احد يروح يشوف السكن و كذا ويقراالعقود و كذا و يرسلك العقد توقعيه قبل سفرك وتستاجريه في وقتها يكون قبل سفرك بفتره يعني قبل سفرك بخمسه ايام و يرسلك العقد وتوقعيه وترجعي ترسليه فاكي وتحولي اللي حيساعدك الايجار ويعطيه الايجار وياخذ المفاتيح ويخليها معاه الين تجي انتي وتاخذي المفتاح والشقه و يكون العقد باسمك وكل شي .
ان شاء الله يخش احد الاخوان ويساعدك بطريقه ثانيه كمان .
اخوك
النمنم
رد: لو بحجز سكن عن طريق النت .. كيف أثق في اللي أتعامل معهم؟؟
اكيد لا تدفعي فلوس لانو ما تدري مين الي يكلمك اصلا !
مع مواقع العوائل ما يطلبو فلوس الين ما يستقبلونا في المطار و نروحلهم
اما الشقق الجاهزة ما ادري عنها و احسلك تروحي على فندق اول يومين و تدوري من هناك او تشوفي احد يساعدك موجود في كندا
و يا مكثر البنات الموجودين خليهم يساعدوكي !!!
اما تدفعي فلوس على العمياني اصحك تسويها !!
رد: لو بحجز سكن عن طريق النت .. كيف أثق في اللي أتعامل معهم؟؟
أخواني أشكركم وأنا أكيد ماراح أدفع الفلوس عالعمياني بس مين لي في كندا أقدر أعتمد عليه وبصراحة هذي مسؤولية ما أتوقع أي أحد بسهولة يتقبل انو يتحملها ولا انتو ايش رايكم؟؟ ولا فكرة الاخ نمنم ممتازة بس الله يعين.
أنتظر مشاركات وحلول أكثر
رد: لو بحجز سكن عن طريق النت .. كيف أثق في اللي أتعامل معهم؟؟
مساء الخير
انا اتفقت مع عايله من خلال النت.. وعطيتهم موعد الرحلة وكل شيء.. ولا طالبوني بفلوس ابد..
انتبهي تدفعين على الهواء والشمس.
تحياتي لك،،،
رد: لو بحجز سكن عن طريق النت .. كيف أثق في اللي أتعامل معهم؟؟
^
^
ابن دياري
لو تعطيني الموقع اللي تعاملت معه .. لأني بحاجته السفر قرب وما حصلت سكن
رد: لو بحجز سكن عن طريق النت .. كيف أثق في اللي أتعامل معهم؟؟
يعطيكم العافية بس طيب النمادي السعودي ما عندهم مشكلة يساعدوني ويشوفو السكن؟؟
رد: لو بحجز سكن عن طريق النت .. كيف أثق في اللي أتعامل معهم؟؟
اختي حووور حتى انا اعاني من نفس المشكلة
ابغى ارتب امووري قبل ما اسافر >> الفيزا انتظرها
والله متردد ادور عن طريق النت والناس استغلالييين إلا من رحم الله
مشكووره على الاستفسار المفيد
:drool1:
رد: لو بحجز سكن عن طريق النت .. كيف أثق في اللي أتعامل معهم؟؟
الى الأخت Ho0oR ،، اول شي الله يعينك و يعيننا معاكي
أنا واختي نفس الشي ندور على شقة في downtown Toronto و ممكن نكون جيران :)
وصراحة موضوع ايجاد السكن من هنا مهو مضمون (الا لو وجد المساعد) ومهو مضمون من ناحية (الدفع) و(شوف العين) لكن بحكم انه الواحد مستعجل ويحب يكون في الsafe side لأن الترتيب والتخطيط من بدري بدري شي مهم
بس ممكن تفيدينا كيف لقيتي الشقة و بكم .. وقريبه من محل دراستك ،،،الخ نبغى نعرف كيف ندور
الى الأخ نمنم تورنتو ،، كيف الشقق في ال downtown وهل تعرف شقق يكون سعرها ممتاز،، غرفتين ويكون فيها خدمات مهمة ،،، يا ريت تفيدنا ،، لأنه دحين موسم ،، غير انه طلاب كثير رايحين تورنتو فالناس راح تستغل الفرصة وممكن ترفع الأسعار أكثر ماهي نار
ياليت تفيدونا وشكراً
رد: لو بحجز سكن عن طريق النت .. كيف أثق في اللي أتعامل معهم؟؟
اقتباس:
المشاركة الأصلية كتبت بواسطة Ho0oR
يعطيكم العافية بس طيب النمادي السعودي ما عندهم مشكلة يساعدوني ويشوفو السكن؟؟
على فكرة راسلت نادي تورنتو بالايميل بخصوص السكن و استفسرت هل يقوموا بعملية البحث أو التنسيق والمساعدة في ايجاد سكن مناسب
هي خدمة سمعت انه النادي يقدمها ومدري هل هي بمبلغ رمزي (ويحقلهم) ولا هي عمل لوجه الله
مرتين
ولا ردوا علي