عرض للطباعة
السلام عليكم،
إللي بكندا يفيدونا بالله... أسعار السيارات هناك غالية ولا رخيصة و لا معتدلة؟ و كبف أسعار البنزين؟ أكيد مو مثلنا بالسعودية لكن تعتبر غالية مثل أمريكا و لا رخيصة؟ و أي نوع من السيارات تنصحون باستخدامها هناك و هل هناك ماركة معينة تنصحون فيها؟
شكراً
نوعا ما السيارات اغلى من امريكا
اما البنزين حدث ولا حرج و اسعار التامين اغلى من امريكا و شهريا مو مثل امريكا سنويا و في بعض الشركات التامين سنويا
احسن نوع من السيارات على حسب انت وش تبي بس السيارات الامريكية ارخص من اليابانية
و انصحك بسيارات ال 6 سلندر عشان الدفع وقت الثلج تعرف وقت الثلج تجلس تحفر في الثلوج و في النهاية تاخذ الباص وتروح على المعهد فا انصحك بسيارات ال 6 سلندر القوية و طبعا رايحه تشرب بنزين اكثر من المويه اللي رايح تشربها انت
اذا انت رايح مدينة كبيره ما اعتقد انك تحتاج سيارة اما مدن صغيره فا لا بد من السياره في المدن الكبير المواصلات فيه وعلى مدى 24 ساعه بعضها و ليس كلها
اخوك
نمنم تورنتو
شكراً لكن بكم لتر البنزين الـ Unleaded ؟ و تنصح بالسيارات تكون و كالة ولا مستعملة و بالنسبة لسيارات الدفع الرباعي إيش أكثر سيارة يقبلون الناس عليها بكندا؟ إيش رأيك بالـ Jeep Wrangler Un Limitid ؟
شكراً
غالي جدا
اسعار البنزين حول 145 للتر و مرات يطق ال 150
اخوك
نمنم تورنتو
وييييش 145 و 155 ويش ذا الأرقام يالزميل؟؟
سنت يا حبيبي
على ماظن
يعني دولار ونص
يعني حول 4 ريال سعودي
يا زيننا في السعودية .. لتر 91 بـ 45 هللة :)
هلا اخوي
طبعا السعر طالع نازل كل يوم ..
لكن متوسط البنزين هنا في تورنتو تقريبا 132 سنت .. يعني 1.32 دولار كندي ..
شوف فيه سيارة اقتصادية و غير كذا دفع رباعي .. قير عادي يفيدك بالثلج .. اللي هو الرانجلر 4×4 ال 4 سلندر .. هو يجي نوعين 4 و 6 سلندر .. خذ ال 4 سلندر عشان البنزين ..
و طبعا هالسيارة تلقى منها كثيييييييييييير جدا مستعمل هنا و كل واحد و سعره .
اتمنى اني افدتك
:)
شكراً أخوي دودي لكن يا جماعة بالله عليكم عندكم سيارات أنتوا؟؟ السيارات الـ 6 سلندر كم تاكل عليكم بالشهر؟ أنا لما حسبتها طلعت عندي أرقام فلكية أنتوا كيف ممشين موضوع البنزين هذا؟ حتى لو كانت السيارات 4 سلندر يضل الموضوع ما هو سهل أبداً خاصةً مع إيجار السكن و حضانة الأطفال إذا كان فيه أطفال كيف مدبرين أموركم هناك؟ أنا من الأسباب إللي تخليني متردد في موضوع قبول البعثة كلفة المعيشة هناك.
أخوي أنا عندي سيارة جديدة شريتها من الوكالة ( سوبارو - ليجاسي )
السيارات اسعارها غالية جدا مقارنة بالاسعار في السعودية ,, أنا سيارتي شريتها ب 27 الف دولار كندي طبعا مثل ماقلت لك جديدة
وقيمتها في السعودية حول ال 80 الف ريال يعني فرق كبير بصراحة
بالنسبة للبنزين انا حاليا في السعودية بس قبل لاجي كان سعره في فانكوفر حول ال 140 سنت يعني 1,40 سنت
السيارة الي عندي اقتصادية تعتبر يعني مابالغ اعبيها في الشهر مرتين فل والفل كامل ب 80 دولار يعني 160 دولار شهريا للبنزين وطبعا سيارتي 4 سنلدر
التامين غالي جدا لان ماعندي كردت يثبت اني سقت من قبل في شمال امريكا ,, فادفع تقريبا شهريا 340 دولار عند السي اي بي سي << شركة تامين حكومية وبس انتظر اخلص 6 شهور بامن عن شركة ارخص
أي سؤال ثاني انا حاضر
وبالتوفيق اخوي
اخوي مستر 15
واااي 340شهريا
يعني راحت ربع المكأفاة تأمين ماعاد صار فيه فرق بينا وبين امريكا
مالت علي اخترت كندا علشان المكافاة اكثر ... اكلت المقلب في التامين
طيب الي ما بيأمن
رد علي تكفا .. ومادري هل فيه تامين سياحي (يعني رخيص )
الف شكر
هلا أخوي ,, أي والله هذا الي تشوف
ألمشكلة اني انجبرت اني أمن في نفس الشركة هذي اول ماطلعت السيارة من الوكالة لأن هذي الشركة اهي الي تصدر اللوحات واستمارة السيارة
فعلشان كدا صار التأمين عندهم وقلت ابغى 3 شهور قالوا لي ماتقدر اذا تبي تدفع شهريا فخليتها 6 شهور
بس رحت لشركة تأمين عادية في المجمع وسئلت عطوني سعر حلو ,, تقريبا 1300 دولار حق سنة كاملة
فراح انتظر التامين يخلص عند السي اي بي سي وبعدين بغير الشركة
وبالنسبة للتأمين فهو اجباري واذا شافوا السيارة بدون ستيكر التأمين الي في اللوحة او تامين منتهي فراح تدخل في مشاكل الله اعلم وش مصيرها
أنا شركة التأمين قالوا لي لازم ضروري قبل لاينتهي التامين الساعة 12 الليل يكون عندي تامين بديل فأكيد ماقالوا لي هالكلام الا لنه فيه اجراء قوي للي تأمينهم منتهي او بدون تأمين
وتحياتي لك
اخوي ياليت تضيفني ودي ادردش معك
fa8a
على الهوت ميل
انا اون لا ين الحين
طيب مين فيكم في Calgary أنا سمعت أنها عاصمة الزيت بكندا يعني زي الظهران عندنا فالمفروض أن البنزين يكون فيها رخيص أو خلينا نقول سعره معتدل شوي ولا أنا غلطان؟
البنزين في كالجري مثل ماقلت ارخص بس مو مرة
انا رحتها قبل شهر ونص تقريبا كان سعر البنزين فيها من ال 110 سنت إلى 120
يعني بعد غالي
انا ضد شرا السياره
ياخي بكل ويك اند استاجر كامري 2008 مع التامين ب55 دولار باليوم واذا معاك بطاقه فيزا الذهبيه من بنك كندي يطيح عنك التامين فتطلع بحدود35 دولار واطلع لحد ماتقول بس
وفك نفسك من التامين والبنزين والمواقف اقل موقف بحدود 20 دولار باليوم وغير الصيانه
وانت جاي تدرس فيومين معاك سياره وخمس ايام بدون
اقل تكلفه واقل وجع راس واذا كنتوا اثنين يابلاش راح يكون معاك سياره بكل ويك اند وتكلفك انت فقط في الشهر حدود200دولار يابلاش اقل من قيمه تامين سياره هههههههه
واسلم وسلم
تحياتي
ياغروب الشمي عندك رساله على الخاص من فضلك
ارجوكم وصولي بعد اسبوعين وابحث عن محلات اجار السيارات ارجوكم المساعده ؟ والوصول في فانكوفر
أنا بصراحة ضد سيارات الاجار وبقوة
الواحد إذا يقدر يشتري سيارة خله يشتري ,, وبالنسبة للتامين يختلف على حسب أنا عمري اقل من 25 فتأميني أغلى ,, وبالنسبة للأجار صاحبي قبل شهر استأجر موستنينج من بدجت وبالغلط اهو جى بيوقف السيارة ضرب الجنط في رصيف الشارع فدفع على الجنط 1000 دولار بالضبط قدام عيني سحبوها من بطاقته الامريكان اكسبريس
تخيل الجنط الجديد مايتعدى الا 500 دولار !! ليش ماخذين 1000 ؟؟
بس لما تكون عندك سيارة ملكك تقدر تتحكم فيها وماتشيل هم تتشمخ او يصير فيها شي مهما كان اجارها اليومي
والله أعلم
و الله من إللي شفته في مواقع السيارات لاحظت أن أسعار السيارات المستعملة بكندا نار الله الموقدة! يعني حتى السيارات الـ 8 سلندر مثل التاهو اليوكون و اللذي على شاكلته و اللي هم نفسهم متوهقين فيها غااااالية مرررة.
بالله أسعار السيارات المستعملة إللي بالنت تعكس واقع سوق المستعمل ولا الواقع شي ثاني؟ بالنسبة للسيارات الجديدة لاحظت أنها بشكل عام قريب جداً من أسعار السيارات عندنا و الموقع إللي دخلت عليه هو:
و الله مدري كيف أنتوا عايشين هناك و ممشين الأمور أنا إذا طلعت لي البعثة شكلي بجلس أضرب أخماس بأسداس خاصةً أني متزوج و عندي ولد.
صح كلامك اخوي بو عبد الله
وهاذا الي خلاني اشتري لي سيارة وكالة !! وابتعد عن غلاء السيارات المستعملة
اقتباس:
المشاركة الأصلية كتبت بواسطة مستر1
الله يعطيك العافية يا الزميل
قلت لي 160 دولار شهرياً يعني 600 ريال تقريباً صح؟ تعبيها مرتين بالشهر بس؟ شكلك ما تستعملها كثير. و تكفيكم المكافأة هناك؟
ايوا ,, استخدم السيارة تقريبا يوميا بس في الغالب مشاوير بسيطة ,, وماروح فيها الدوام
وبالنسبة للمكافة الحمد لله تكفي بس مو مرة مرة كثير
الأخ ماستر لو تكتب موضوع مفصل عن تبين فيه للأخوان طريقة شراء السيارة وزمتطلباتها بالتفصيل .
شاكرا ومقدرا
طيب يا عيال انا كنت ادرس في امريكا لي سنتين وعندي هناك كويمريه زوينه موديل 2000 ماشيه معاي سمن على عسل تكلفني بالشهر 200 دولار امريكي بنزين و300 دولار تامين يعني شغلة 500 دولار شهريا فقط السياره هذا اذا ما كان فيه صيانه وفرامل وزيت ,,,الخ توصل 700 بالشهر احيان والمكافئه كانت 1350 دولار امريكي فقط لا غير .
السؤال هل بالقى كامري 2000 نظيفه ممشاها 90 الف ميل ينقص ما يزيد بسعر 5000 كندي او قول 6000 ؟
واذا مافيه هل ممكن اشحن سيارتي من امريكا الى كندا وكم بتكلفني هالعمليه ؟!
وصولي كندا بحول الله 29 اوجست