شيك مصدق ولا حوالة ؟

شباب او بنات علشان مايزعلون

سئلت عن الشيكات السياحية قالوا لي البنك انهم وقفوها

طيب انا ابي مبلغ 25 الف دولار كندي هل اقدر اسوي شيك مصدق بسمي على ستي بنك كندا لان سامبا مايسوي شيكات مصدقه الا على هالبنك

هل مثلا لو فتحت حساب في ستي بنك راح ياخذون مني مبلغ على ايداعي ذا الشيك المصدق بحسابي؟

السؤال الثاني لو افتح حساب في بنك ثاني هل راح يتاخر انه يدخل بحسابي وياخذون علي عمولة فيه؟

السؤال الثالث هل يحسبون علي اي ضرائب مع ان المبلغ جايبه من السعوديه يعني مو ناتج عن اي عمل تجاري بكندا؟

طبعا راح تقولون ليه اسوي ذا الحركه

لان الدولار الكندي نازل ذا اليومين بالمقارنه مع الريال السعودي الي هو مربوط مع الدولار الامريكي

ولا ابي اصير في رحمة تقلبات اسعار الصرف

والله يا اخي الشيكات المصدقه ما يمدحوها ..؟؟

زميل جاب معه شيك مصدق ومن سامبا ما نزل في الحساب الا بعد 45 يوم ..فلا تجيب شيك مصدق .؟

ممكن تجيب كاش المبلغ مش كبير مره اوتعمل حواله من السعوديه بعد ما توصل كندا والاخوان اكيد راح يفيدوك وحسب ما سمعت انه نمنم تورنتو خبير في هذه الامور وان شاء الله يفيدك

ايه تسوي شيك مصدق باسمك من اي بنك سعودي ,, وانصحك مر مركز حوالات الراجحي ,, حتى لو ماعندك حساب يسوون لك ,, تعطيهم المبلغ وينزلونه باسم الجهه المالية الي يتعاملون معها بالديرة الي انت رايح لها ,,
وانت اذا رحت تفتح حساب في اي بنك ,, وطبعا البنك الي بتفتح فيه غالبا ً يتعامل مع البنك الي طالع الشيك باسمه ,, يعني هم عندهم هيئه ماليه يتفاهمون مع بعض ,, وماعليها اية رسوم ,, بس اللهم انها تاخذ وقت في دخول حسابك 5-7 ايام ,, حالها حال اي شيك اجنبي ,,
والي يسهل الموضوع لو تخلي الشيك بالعمله الكنديه عشان ماتواجه مشاكل ,, وتاكد ان اسمك مكتوب فيه زي كتابته في الجواز ,,
وخل معك طبعا ً كاش تحسبا ً لاي مشاكل ممكن تحصل ,,

ربي يوفقك ,, وتوصل بالسلامه

اقتباس:

---

والله يا اخي الشيكات المصدقه ما يمدحوها ..؟؟

زميل جاب معه شيك مصدق ومن سامبا ما نزل في الحساب الا بعد 45 يوم ..فلا تجيب شيك مصدق .؟

ممكن تجيب كاش المبلغ مش كبير مره اوتعمل حواله من السعوديه بعد ما توصل كندا والاخوان اكيد راح يفيدوك وحسب ما سمعت انه نمنم تورنتو خبير في هذه الامور وان شاء الله يفيدك

---

انا تعاملت مع مركز حوالات الراجحي ,, اخذت شيك مصدق منه ودخلته بحسابي في بانك اوف اميركا ,, اخذ حوالي 5 ايام ولا فيه احسن منه ولا عليه اية رسوم ,,
الحوالات مشكلتها تاخذ رسوم الحوالة ورسوم اختلاف سعر الصرف ,, يعني رح يطلع عليك شيء مو بسيط ,

عطيتوني حلين كل حل يختلف عن الثاني ههههههههههههه


يعطيكم الف عافيه ماقصرتوا

شيك مصدق من بنك الرياض على بنك مونتريال و ينزل في حسابك في بنك مونتريال بعد 5 ايام عمل يعني اسبوع من يوم ايداع الشيك و انا مجربه اول ما جيت كندا



اخوك
نمنم تورنتو

مشكووووور اخوي نمنم وجزاك الله خير

الله يعينا وياكم

استغفرالله العظيم وأتوب الية

سبحان الله وبحمدة سبحان الله العظيم............. الحمدالله رب العالمين والله يكتب الي فية الخير والصالح

أخوي إذا أنت بتجي لفانكوفر فلا تجيب الشيك المصدق خصوصا اذا انت ماخذه من سامبا لان سامبا يتعاملون مع ستي بنك وما لهم فرع في فانكوفر

انا جبت معي شيك المرة الاولى اودعته وقالوا لي بياخذ فترة بسيطة والصراحة ما ادري كم اخذ لاني ما احتجته الا بعد شهر وشوي

والان جبت معي شيك ثاني بنفس الطريقة ولكن قالوا لي راح ياخذ 6 اسابيع !

عموما انا فاضل تخلي المبلغ في الرياض ولما تفتح حساب ترسله حوالة عادية علشان ما تكلفك بالرسوم


كلامي الي فوق خاص بفانكوفر