زودوها شركة فايدو

السلام عليكم ورحمة الله وبركاته

اخواني الكرام

مالي بالمقدمات ولا بشيء
لانها صراحة وصلت معي

قدر الله علي ورحت بعثة
وطلعت شريحة الجوال من شركة فايدو

ولم يكتب لي الله عز وجل ان استمر
فعت مرة اخري للسعودية

لكن المشكلة ان شركة فايدو دقيت عليهم هناك وقالوا لي ان شاء الله في 9 اوقست
تنلغي الشريحة ونصلح عليك خصومات الفاتوره من المبلغ اللي ماخذينه علي تأمين

التأمين (حوالي 200 دولار)

قلت تمام

ووكلت صديقي في كندا يتولى الباقي
بس امس دقوا علية وقالوا

لازم تدفع زود 200 دولار علشان العقد علشان قيمة العقد
كل شهر 20 دولار

الزبدة

انا طفشت منهم
ياليت احد يفيدني

ولا اسحب عليهم
خصوصا اني الغيت المستر كارد

وهل يترتب علي شيء لو سحبت وعطيتهم الخامس

ياحليل ربعنا هنا
مهب نشبات مثل ذولاك

فايدو خصوصا ما احترمها لان صار معاها موقف مشابه

كنت ماشي بعد 4 ايام واتصلت لهم لالغاء الخدمة وكلللل المستحقات المطلوبة راح ادفعها ، قالوا : مايصير تتسكر الحين !!

ليش تعالوا ابدفع اي شي بس فكوني قالوا الحين بنعطي امر ايقاف الخدمة لكن الامر ماراح يتفعل الا بعد 30 يوم ! ، فارجع اتصل بعد هالفترة تنشوف ان عليك شي !
متخيل ان الموضوع جدا سخيف ؟ مجرد انهاء خدمة ، والله قمت امدح في الاتصالات السعودية هالحزة رغم اني اكرهها من قلب

المهم
الخوفة في موضوعي هي نفسها في موضوعك ان لو احتجت انك تجي كندا مرة ثانية لاي سبب من الاسباب ماراح يعطونك فيزا بعد التدقيق في تاريخك وبعد مايشوفون ان عليك مبلغ ما اندفع الفترة اللي كنت فيها في كندا
هاللي اعرفه والله العالم

يا زين
شركة الاتصالات السعودية اللي نقول عناها أوسخ شركة في العالم
هههههههههههههههههههههههههههههههههههههههههههههههههه هههه

تحياتي

اخوي نجمي90

والله الحالة صعبة ماندري وش نسوي

واذا سحبت عليهم وش يصير ياليت احد يفيدنا
الله يرحم والديكم

صدق شركات استغلالية
حسبي الله عليهم

اقتباس:

---

واذا سحبت عليهم وش يصير ياليت احد يفيدنا

---

انا اللي اعرفه زي ماقلت لك ان لو طلعت من كندا وبغيت ترجع بيشيكوا على سجلك في كندا وبيشوفوا انك مزوغ عن الدفع وهذا سبب قد تنرفض فيزتك بسببه .

يمكن يجوز في عقوبات ثانية انا ماعرفها والجماعة هنا تعرفها..
بس شكلك بتضطر تدفع المبلغ الجزائي اسألهم وتأكد

تحياتي

blackrose
لو تدري عن الاتصالات تقول واااامصيبتااااااه

ماراح تلاقي شركة بأسعارها ، ولا شركة تلاعبت وتتلاعب مثلها ، الله يخلي موبايلي لو ماطلعت كان ليومك ماشفنا ولا عرض من الاتصالات ..

عندي كلام واااجد لكن هذا مو مكانه لكن بجد الاتصالات السعودية من اسوأ الشركات في العاااااالم ، ولما تدخل زين للخدمة بتعرف معنى الكلام كويس .

تحياتي

ممكن احد يفيدنا اش راح يصير اذا سحبت عليهم

والله فعلا مشكله

والله فعلا مشكله

طيب ..

اول شئ انت اكيد سويت معهم عقد لمدة 3 سنوات او سنتين او اربع ,, فالبتالي فصل الخدمة رح يترتب عليه دفع هالغرامة ,, ووقت شرائك اكيد انت وقعت على هالشئ بس من دون ما تهتم فيه او تعرفه ..

المهم اللي راح راح وانت الان بالسعودية ولا ناوي تكمل البعثة لاي سبب كان

طبعا الافضل تعط صاحبك 200 دولار وتفك نفسك ,, لكن من ناحية تقول انك الغيت الماستر كارد المعتمد عندهم رقمه ومن ناحية مابترجع كندا ,, فلو تبي تسحب عليهم مافي مشكلة

---------

طيب الان بجيب لك قصة واحد من اخوياي بكندا .. كان معاه شريحة من فايدو ,, واضطر انه يفصلها لانه بيرجع السعودية ,, قالو له لازم تدفع 400 دولار ,, قال لهم ابشرو واعطاهم الخامس ورجع السعودية ولا دفع شئ ,,

ثم حب يرجع يكمل بكندا ,, قدم على الفيزا وجت له زي الحلاوة ,, المصيبة الاكبر انه قدم طلب شريحة من نفس شركة فايدو واعطوه شريحة جديدة ولا قالو له انت باقي لك عندنا 400 او شئ زي كذا

فالامر يرجع لك هذا اللي عندي ..

آسف على الرد و لاتزعل مني.

أنت الذي الزمت نفسك بالعقد و كان ينبغي أن تتعرف على تبعات ذلك، و على ذلك أدفع المطلوب منك،

لكن لو أنك كنت غير فاهم بالعقد و تفاصيله (يعني مشاها عليك الموظف) خل موكلك يقدم عليهم شكوى و بأذن الله ستنتهي بدون اي دفعيات.

ومن هذا المنطلق اتمنى من جميع المبتعثين الأنتباه عند توقيع أي عقد (مع أن عندي جميع الخدمات و لكن بدون اي عقد وهذا الذي افضل).

اقول انت وياه تستهبلون يعني انا عندي فايدو ولا صار لي ولا شي من الا تقولونة وعلى فكرة الشركة لازم تعطيها فرصة شهر كامل على شان يقطون الخط وبعدين يعطونك ال 200 دولار كامله ولا ياخذون منها شي مو وقت مانويت رحت وفصلت الخط على بالك اتصالات سعودية ولا مبايلي ههههههههههههههههههه فهمت يعني قبل لاتنزل السعودية تروح وتقولهم ابي افصل الخط وابي ال 200 دولار حقتي وهم مطيعني بيسمعون الكلام وبتاخد 200 دولار يعني ماهي مشكله الله يهديكم