سلسه من تجربتي 2.... بعد الحصول على الفيزا .......

السلام عليكم ورحمة الله وبركاته

السلسه الثانيه ,
أولا : مكتب ارامكس

راح يتصلون عليك ويرسلونك بالجوال و يعطونك خبر بأنك تستلم الشحنه من عند مكتبهم ,( بالرياض راح يكون عند مخرج 16 متجه الى اسكان الحرس الوطني , اشارة النادك تلف يمين ) او انك تطلب منهم يرسلونه لك عند المكتب الرئيسي ( بجانب مدارس المملكه), راح تستلم الشحنه وهي عباره عن ظرف ( جوازك مع الفيزا + *ورقة الستدي بيرميت ( تصريح الدراسه) + وصل المبالغ الي دفعتها علشان تصدر الفيزا* < رسوم الفيزا> )

ثانيا :وزارة التعليم العالي

ترتب اوراقك ( صوره بطاقة الاحوال + صورة اخر مؤهل + قبول جامعة / معهد + صور من الفيزا +* نموذج التعهدات طبعا تعبيها < تحصل عليها من مركز البعثات , القبول > )
تسلم اوراقك للموظف المختص تنتظر لما يصدر *قرار ابتعاثك , ما تاخذ وقت من يومين الى اسبوع....

تصريح الدراسه مهم جدا لانك عند مكتب الهجره في احد مطارات كندا تستبدل بتصريح دراسي مؤرخ و تبس في الجواز بجه المقابله من الفيزا.

رسوم الفيزا سمعت و الله اعلم ممكن تعوض بعد ما تفتح ملف طالب مبتعث ,لكن تأكد من المنتدى.

نموذج التعهدات تقدر تحصل عليه باي وقت , بمركز البعثات عند السكرتي بعض الاحيان خذه و صور مجموعة نسخ للاحتياط مو لازم تاخذه بعد صدور الفيزاولكن ما تقدر تسلمه للموظف المختص قبل صدور الفيزا.

يتم متابعة الطلب من خلال موقع الوزارة " حالة الطلب " اذا انكتبلك تم طباعة قرار الابتعاث اتجه على طول للمركز الابتعاث .....

ان اصبت فمن الله و ان اخطأة فمن الشيطان .... دعواتكم

شكرا اخي على المعلومات المهمه والله يوفقك

كم المده الي أستغرقتها ؟؟

كم يوم يعني عشان خلصت أجراءاتك ؟؟

اقتباس:

---

المشاركة الأصلية كتبت بواسطة DREEEEEM

شكرا اخي على المعلومات المهمه والله يوفقك

---

اشكرك على المرور

تحياتي و تقديري

اقتباس:

---

المشاركة الأصلية كتبت بواسطة صهيل نجد

كم المده الي أستغرقتها ؟؟

كم يوم يعني عشان خلصت أجراءاتك ؟؟

---

السؤال الاول /
هل هو لستخراج الفيزا ؟ اذا كان
فهي على حسب انا خذت معاي خمسة اسابيع , بعض الاحيان تجلس الى شهرين ونصف
وكل الله

السؤال الثاني /
هل الاجراءات المقصوده " اجراءات القرار " ؟
ما تطول من يومين الى اسبوع ... ايام الزحمه اسبوع ... و قت الفارغ .... يومين
احد الزملاء في يوم صدر له قرار الابتعاث ...
سلم اوراقه الصباح و شيك على موقع الوزارة " حالة الطلب" تم طباعة القرار < في نفس اليوم > .. بس لما كانو فاضيين ...

متى يكونو فاضين؟ اذا تم اصدار قرارات ابعاث كثيره يعني من شهرين الى ثلاث ....

اي سؤال احنا حاضرين

مودتي

مشكوره أخوي



أقصد بعد الملتقى ....وشهي الاجراءات الباقيه ؟؟


ولو بأخر السفره وش أسوي ؟؟

اقتباس:

---

المشاركة الأصلية كتبت بواسطة صهيل نجد

مشكوره أخوي



أقصد بعد الملتقى ....وشهي الاجراءات الباقيه ؟؟


ولو بأخر السفره وش أسوي ؟؟

---

في ثلاث طرق

الاول تستلم قبولك في الملتقى هذا اذا حصلو لك قبول

الثانيه اذا ماحصلو لك قبول , تنتظر الرد من مركز القبول او الاتصال

ثالثا تجيب القبول من نفسك من خلال المكاتب المعتمده من الوزارة مثل : igec او الجسر الازرق او الرحلات الذهبيه ....
(راح اكتب موضوع عن هذا)

بالنسبه لتأجير السفر لابد تأجل الدراسه لانها مرتبطه مع بعض, وحديث يطول
( راح اكتب موضوع عن هذا )

مودتي

واااااو بروح اشوف الجزء الاول وربي مشالله عليك شغل منظم ولا اروع

تقبل مروري

تشاووو

شكراً لك
لكن ارامكس عبوا لك الابلكيشن ولا انت اللي عبيته؟؟

وموقعهم وين الله يسعدك عشان اروح لهم؟

يعطيك العافيه

اقتباس:

---

المشاركة الأصلية كتبت بواسطة احساس مجنون

شكراً لك
لكن ارامكس عبوا لك الابلكيشن ولا انت اللي عبيته؟؟

وموقعهم وين الله يسعدك عشان اروح لهم؟

يعطيك العافيه

---

*الموقع الدايري الشرقي , مخرج 16 متجه شرق ( اسكان الحرس الوطني ) ثالث اشاره عن شركة نادك , تتجه يمين ,تتجه اماااااام تعادى التقاطع على بعد 100 متر تلقاه على ايدك اليسار

* الموقع الدايري الشمالي , مخرج 5 تتجه اماااام قبل مدارس المملكه تلاقي مبنى على ايدك اليمين ...

من ناحية الكتابة , تقدر انت تعبيها او المكتب او مكتب ارمكس...

وبالله التوفيق