أستفسار بالنسبه للسفارة والوزارة .. أمااانه الي يعرف يقلي

مرحبا

أنا مبتعثه الى كندا .. وأستلمت أوراق قبول المعهد

بس أبغى أعرف أعمل التأشيره قبل ماأجيب قرار الأبتعاث (زي مو مكتوب في موقع الوزارة )
أو
أجيب القرار أو الخطاب والضمان المالي وبعدين أسوي التأشيره (زي مو مكتوب في طلبات التأشيره ) ؟؟؟؟؟؟؟؟؟

يعني دحين أبدأ من الوزارة أو السفارة ؟؟؟

وسؤال تاني ... أذا رحت الرياض يكفيني واحد يوم للوزارة عشان أصدار قرار الابتعاث وأمر الأركاب ..... ؟؟؟ ولا لازم أروح قبل بيوم ولا ايش النظام؟؟؟؟؟؟؟؟؟

أمااااااااااااااااانه الي يعرف يرد عليه .. :crap:
أنا حاولت أتصل على الوزارة مافي أحد يرد عليه وماعندي وقت كتير :msn-cry:

اهلين عزيزتي ..

انا اللي اعرفه واقدر افيدك فيه .. انه لازم تعملي التأشيره قبل اصدار القرار لانه

من شروط اصدار القرار تكون معاكي نسخه للتأشيره عشان ترسليها لهم مع باقي الطلبات ..

يعني لازم الان تبدئ من السفاره ..

شكرا لأنك رديت عليه ... بس طلبات الفيزا يبغو خطاب وضمان مالي

اول حاجه لابد تطلعي الفيزا وبعدين في يوم واحد على كلام الدكتور ماجد الحربي تقدر تصدر قرار الابتعاث وتحجز اما بالنسبه لخطاب السفاره فاعتقد والله اعلم انه خلال الملتقى قال الحربي انه ارسلنا جميع اسماء المبتعثين لجميع الدول المبتعثين عليها بخطاب سفاره واحد لكل دوله موجود فيه اسماء الطلاب لذا لااعتقد انه تحتاجين خطاب سفاره
وشكرا واتمنى اني ساعدتك

انا اللي اعرفه عن بريطانيا .. انو امس قالوا لنا انو النظام اتغير عن الاعوام اللي فاتت

وانهم جمعوا كل الطلاب بخطاب واحد موجه للسفاره .. يعني بدون مانعمل خطاب ..

ف مااعرف اذا بالنسبه لكندا عملوا كذا او لا ..

مره شكراااا على الردود ... والله مره أستفدت

أنا مثلك اختي مبتعثة لكندا وجاني قبول المعهد..

ما يحتاج لا ضمان مالي
ولا خطاب للسفارة
ولا قرار ابتعاث.. أهم شي تكتبين رقم الطلب حقك اللي عطوك إياه الوزارة KAS
في الخانة المكتوب فيها file في أعلى الصفحة الأولى على اليمين في أوراق طلب التأشيرة الكندية الأربعة :)

وبالتوفيق..

شكرا والله .. تسلميلي