استفسارعن (استراليا)

السلام عليكم....

1-العايلة فكرة ممتازة لتحسين لغتك..بس حاول تسولف وتهدر واجد حتى تتعلم اللغة بسرعة.
وتقدر تطلب مواصفات مثلا مايكون عندهم حيوانات او يوفرون اللحم الحلال..الخ.

2-عادة 3-4 + سنة اللغة والنظام حسب الجامعة.

3-جامعة سيدني.جامعة نيو ساوث ويلز,جامعة ماكواير.

4-ماعندي علم في هذي..اذا دريت خبرني.

5-شدعوة..صاحب السمو الملكي جاي؟ههههههه
لاماظن بيستقبلونك اخوي بس تقدر تطلب العايلة اللي بتسكن معاهم يستقبلونك.

لاتزعل مني سلطان وعقبال مانشوفك طالب أد الدنيا في استراليا

تحياتي :gr_906:

عندي تعليق على العائله ...!

لما تكون ساكن في سكن الجامعه :
تسكن مع شخص في غرفه مزدوجه ( قد يزعجك ) ..!
دائما السكن الجامعي يكون في عزله عن العالم الخارجي ..!
السكن الجامعي توجد له ضوابط صارمه ..
وأي مشكله قد تخدش سجلك الأكاديمي وتحرم من البعثه ..

العائله :
السرعه في تعلم اللغه الانجليزيه ...
الخصوصيه في الغرفه ( نحن عرب ومسلمين لنا خصوصيتنا في الحياه اليوميه والدينيه ) ..
العائله تساعدك في كثير من أمور حياتك اليوميه ( بحكم انهم اهل البلد ويعرفون كل صغيره وكبيرة ) ..
العائله تدفع لهم أكثر لكن تستفيد أكثثثثثثثثثثر ...

أتمنى أن أكون أفدت في هذا الخصوص سواء في أستراليا أو أي دوله أخرى ..

طـ

و عليكم السلام و رحمة الله و بركاته


تفضل اخ سلطان


1ـالسكن (هل تايدون السكن مع عائلة ام في سكن الجامعة ام ماذا)

ان بغيت رايي وانا اخوك .. السكن مع عايلة اريح و اريح و اريح ... اول شي لا تدفع فاتورة كهربا لا تلفون لا ماي و لا شي ابدا تدفع لهم فلوسهم و اكلك و شربك و نومك عليهم و زيادة تتعلم منهم انجليزي ... بس انت حط هالشرط على المكتب ... قولهم ابي عايلة استرالية اصلهم استرالي ... مو يحطك مع استراليين اسيويين ... يقولون لك استراليين يعني جنسيتهم بس هم اسيويين ولا يرعفون يتكلمون و لا شي

2ـالدراسة(ماهو نظام الدراسة في استراليا وكم سنة دراسة العلوم الطبية)

هو اكثر من نظام ... في نظام الدبلوم و هو انك تدرس سمسترين دبلوم و بعدها تخش سنة ثانية جامعة و ما اتوقع العلوم الطيبة ينطبق عليها هالنظام هذا ...و النظام الثاني زي جامعة البترول و غيرها سنة تحضيرية و بعدها و تدخل سنة اولى و تكمل لين اخر سنة

3ـالمعاهد( المعاهد المعترف فيها في سدني علما ان معلوماتي في الانجليزي صفر)

كل الجامعات الاسترالية التي لديها معاهد و معترف بها في وزارة التعليم فمعاهدها معترف فيها ايضا

4ـالمكافئة (كم مكافئة طلاب استراليا وهل هي مثل مكافئة طلاب امريكا)

الطالب في استراليا مكافئته نفس القيمة بالريال للطالب الامريكي اي حوالي 1450 دولاد استرالي تقريبا و تتقلب بين مدة و مدة على حسب سعر صرف الريال مقابل الدولار الاسترالي .... ايام تقارب ال1600 و ايام توصل الى 1300 فعلى حسب هذه للعزوبي المتزوج يختلف و راجع السلم في الوزارة ستجد كم بالضبط

5ـ هل ستكون السفارة السعودية في استقبال الطلاب السعوديين عند قدومهم الي استراليا ام ماذا,,,,,)

السفارة ما تستقبل اي احد ...لكن الجامعة ممكن تستقبلك بمبلغ من المال تدفعه لهم اثناء دفعك لرسوم المعهد
وشكرا............................................. ...................

اخوك عبود وزير