هل الفيزة الاسترالية اسهل من الفيزة الامريكيه ؟

مرحبا شباب
بدخل بموضوعي بدون مقدمات
انا قدمت على الفيزة الامريكيه بعد ماحصلت على قبول وكل شي
وكنت خايف انه يرفضوني عشان درجاتي بالجامعه منخفضه لاني درست بالجامعه خمس سنوات وانسحبت
ورفضوني للاسف مع ان هالسبب مو مقنع ولالهم حق لانه كثير ناس تركو الجامعات هنا وطلعو
ناس نصحوني اقدم مره ثانيه لكن شكلي بوجه على استراليا
بس مادري عن نظام الفيزة الاسترالية اولا هل فيه مقابله ؟؟
ثانيا مطلوب طبعا ارسال شهادات الدراسه ارسل لهم شهادة الثانوي حتى لو متخرج من خمس سنوات ؟
ماراح يسالون مثلا وش سويت بعد الثانوي ؟ ولو ارسلت درجات الجامعه المنخفضه مافي احتمال انهم يرفضون ؟؟
وماادري عن الالتحاق هل هو صعب حاليا باستراليا او لاء
ياليت تجيبون على كافة استفساراتي والف شكر مقدما ً ..

جاوبوني الله لايهينكم

:
مافيه مقارنه بين فيزا امريكا واستراليا ابد

انت بس جيب قبولك في اي جامعه استراليه .. بعض الجامعات القبول فيها سهل مافيه اي تعقيد ... بعكس الجامعات القويه

بعد اطلاعهم على الاوراق المطلوبه من شهادات اكاديميه وغيره يوصلك القبول المبدئي

بعدها تعبي نموذج الـCoE وهو نموذج طلب القبول النهائي وترسله للجامعه مع ضمانك المالي سواء كنت مبتعث من جهة رسميه او على حاسبك الخاص

يجيك القبول النهائي

اخر شي تقدم على الفيزا الدراسيه مافيه مقابلات ولا اي شي مجرد يطلبون رقم قبولك النهائي اللي ارسلوه لك الجامعه ..

كله عن طريق المراسله بالايميل اسهل واسرع من المكاتب

بالتوفيق لك

اسهل شي في استراليا فيزتها
لا مقابله و لا غيره
جيب قبول و مثل ما تفضلت الاخت رورو تتبع الخطوات و كلها كم اسبوع و باذن الله الفيزا تكون عندك
حالات نادره يصير تأخير ، بس عموما ما سمعت أحد واجه صعوبه في الفيزا.

موفق ان شاء الله ..

اخوي


عطاك مستر رور الاجابه الكافيه الشافيه

اما بالنسبه للالتحاق فالصرراحه انه صعب صعب جدا جدا هالايام

انا للحين على حسابي الخاص واعرف ناس صار لهم 6 شهور هنا على حسابهم الخاص وما انظمو

الا ااذا كان عندك واسطه جامده مررررررة


يعني افضل لك تروح كندا او اميركا لان الالتحاق هناك اسهل بكثير من استراليا وبريطانيا
والله يوفقك ان شا الله

نعم أسهل

الجواب على العنوان

فاتك

اقتباس:

---

المشاركة الأصلية كتبت بواسطة المشاري

اخوي
عطاك مستر رور الاجابه الكافيه الشافيه
اما بالنسبه للالتحاق فالصرراحه انه صعب صعب جدا جدا هالايام
انا للحين على حسابي الخاص واعرف ناس صار لهم 6 شهور هنا على حسابهم الخاص وما انظمو
الا ااذا كان عندك واسطه جامده مررررررة
يعني افضل لك تروح كندا او اميركا لان الالتحاق هناك اسهل بكثير من استراليا وبريطانيا
والله يوفقك ان شا الله

---

أنا اضم صوتي لصوتك
واحد من قرايبي نفس الوضع في استراليا 8 شهور و ما في أمل انه ينضم للبعثه
شال عفشه و رجع السعوديه و رح يقدم على امريكا ..

مدري اش الي صاير و صار موضوع الالتحاق بالبعثه مو سهل أبدا في استراليا.

عموما اخوي انت انرفضت اول مره في السفاره ، جرب مره ثانيه يمكن ربي يسهل لك الامر ..

الله يعطيكم العافيه شباب على مروركم
انا سالت عن استراليا
وواسطتي بالتعليم العالي قال مافيه الحاق هناك
تبي الحاق روح كندا وامريكا
مشكورين على مروركم

اقتباس:

---

المشاركة الأصلية كتبت بواسطة المشاري

اخوي


عطاك مستر رور الاجابه الكافيه الشافيه

---

مسز رورو موب مستر !

ماسكه معكم من عقب مستر الناصر راعي المتوسط ههههههههه

اخ تركي


ابحث عن فرصة الالحاق بالبعثه

واترك صعوبة الفيزا

واسال الله التوفيق والسداد

مع انني اقترح عليك كندا ,,,,

والله يوفقك,,,