لدي قبولين في دولتين مختلفه احتاج شوركم

مساكم الله بالخير

يقول المثل ماخاب من استشار فانا ابي شوركم ولو كنت مكاني وش تختار

انا عندي قبولين مشروطه للماستر

من بريطانيا في جامعه بانقور في ولز والتخصص
Medical Molecular Biology with Genetics وطبعا دراسته سنه وتكاليفه تقريبا 90 الف ريال تقريبا من غير السكن والمعيشه

وعدي قبول من جامعة فلندرز في ادليلد باستراليا
Master of Nanotechnology) طبعا دراسته سنتين وتكاليف 150 الف ريال تقريبا من غير السكن والمعيشه



غير دراسة سنه اللغه طبعا في كل دوله

عطني شورك من ناحية التخصصات وهذا المهم وش الافضل للمستقبل والاقوى ولاتغفلو جوانب فتره الدراسه وفتره الدراسه خصوصا اني رايح على حسابي ابي شي ينفعني في المستقبل



ولكم جزيـل الشكر
لاتتردون تقولون كل الللي يخطر في بالكم ربما بعض الاشياء الصغيره تفيدني كثير

الله يوفقك واستخير الله اولا وقبل كل شي

صل صلاة الأستخارة وربي يوفقك

هلا أختى اعتقد Master of Nanotechnology هوه له مستقبل كبير من ناحيه الوظيفه بالمستشفى
اماMedical Molecular Biology with Genetics فهو ايضا له مستقبل في علم الابحاث وهوه ماتتجه له الان وهوه ثورة هذا القرن كل شيء يعتمد هلى رغبتك الشخصيه لو ميولك ابحاث ((Medical Molecular Biology with Genetics))

او حابه تخصص في شىء مرة مطلوب ووظيفه مضمونه وراتب مرة كويس
((Master of Nanotechnology))

بالتوفيق

من الناحية المالية صح انها استراليا سنتين بس معيشة بريطانيا مكلفة جدا
عني انا اختار النانو تكنولوجي... قسم خطير ومستقبل باهر
سواءا في الاكاديمي او العملي
وبإذن الله وين مابتروح بتلاقي وظيفة
وهم يدوروا عليك اصلا.. وخصوصا جامعة الملك عبدالله في ثول وبرواتب باهظة

حسب الأنظمة الجديدة اللي سمعت بيها وانا في استراليا
ان الدراسة في بريطانيا ابو سنة لمن ترجع للسعودية يعادلوها لك على انها دبلوم وليست ماستر
بإمكانك التأكد من وزارة التعليم العالي
غير ان الدراسة تكون مضغوظة جدا لأنها في سنة
بالنسبة لي تجنبت بريطانيا قدرالمستطاع لأنها دولة كئيبة بإجماع الأغلبية

اكمل الاستشارة واختم بالإستخارة
والله يوفقك ويسهل امرك

الله يعطيكم العافيه ماقصرتو في الردود
وبالفعل انا قررت باذن الله استراليا

عن نفسي اشوف استراليا افضل لك
والله يوفقك يا رب والخيره فيما اختاره الله