ارجوكم . ابحث عن حل لهذا السؤال من سنه كامله

السلام عليكم
والله العظيم ان هذا السؤال في راسي من سنه كامله ولا احد عطاني اجابه كافيه ووافيه
سؤال هو:
انا طالب مقدم على بعثة خادم الحرمين حفظه الله الى استراليا
والتخصص اللي مقدم عليه هو بكالوريوس طب
ومثل ما تعرفون ان الجامعات الاستراليه معقده في موضوع الطب
وتعرفون انه لازم ادرس سنة Foundation اللي هي السنه التأسيسية
وشلون اتخلص من هالسنه التحضيريه لانها معروفه بصعوبة اجتيازيها ومحدودية المقاعد المخصصه للطب?????
علما باني بكمل دراسة سنه تحضيريه Foundation في جامعة الملك سعود في المقررات التاليه
106 فيزياء عامه
105 كيماء عضويه
106 كيمياء عامه
106 حيوان عام
106 احصا حيوي
131 E استماع ومحادثه
132 E قراءه
133 E كتابه
134 E الانجليزيه للاغراض الصحيه
ومواد اخرى مثل الثقافه الاسلاميه ومادة العربي

هل فيه امكانية معادلة الشهاده وبذلك التخلص من الـ Foundation???????

الله يجزاكم خير

كان ودي اساعدك وافيدك

لكن والله ما عندي ادنى فكره

واتوقع موضوع المعادله الجهه الوحيده اللي بتفيدك فيه هي الجامعه نفسها لان اسمع نفس المعاناه مع طلاب الدبلوم اللي مقدمين على امريكا .. وان الجامعه هي اللي تحدد وش المواد اللي ممكن تتعادل لهم

وبالتوفيق وسهلها تتسهل باذن الله

سميي ابو عزه :D

اولا حياك الله بمنتدانا الغالي واتمنى انها ماتكون اول واخر مشاركه لك

بالنسبه للطب انت زي ما انت عارف صعب جدا القبول فيه

بس تطمن انشاء الله الوزاره تجيب لك القبول بما انك من برنامج الملك عبدالله ;)

ثانيا احب اطمنك بحاجه مررررررررررره مهمه

انه انت الان راح تروح تدرس بالبدايه سنة لغه وفخلال هذي السنه تقدر تكلم حتى الـ39 جامعه كلها وتستفسر منها جامعه جامعه والي تعادلك مواد اكثر وتكون قويه تروح لها بعد سنة اللغه وانشاء الله هذي الشغله مافيها صعوبه

لكن الشي الوحيد الي يبيله بذل مجهود هو المعدل الي تجيبه عشان تعدي سنة الفاونديشن

واذا تبي رأيي انا اشوف انها اسهل من سنة اللغه

ياخي كلها رياضيات واحصاء وفيزياء زي الي درسناها بالضبط :rolleyes:
وحتى لو فيه شي جديد اكيد ماراح تختبره لين تتعلمه وهذا الشي يرجع لجديتك وحماسك فإنك تدخل هالتخصص او لا

فأنا انصحك انك ماتشيل هم وانت قدامك سنة لغه كامله تفكر فيها وتتخذ القرار المناسب لك انشاء الله ;)

واستخير اخوي ترى رب العالمين مايسيب عباده دايم ياخذ بيدهم ويوفقهم للشي الي هم يتمنوه

وبالتوفيق ياسيدي ولاتقطعنا من مشاركاتك الحلوه

اشكركم على المرور

سلمت يمناك أخي بحور الشوق على ما تقدمه من خدمات

أخي عبدالعزيز أتمنى أنك حصلت على الاجابة الشافية والوافية من أخينا بحور الشوق


ودمتم بود