مبتعث استراليا (من يساعدني )

السلام عليكم جميعاً
وش أخباركم :119:
ترررررراني زهقاااااااان مررررررررة:115:
لأني مالقيت أي حلول ولا إجابات وأتمنى أن تساعدوني :""
انا من مبتعثي استراليا لمرحلة البكالوريوس وكلكم عارفين أن الوزارة ارسلة رسائل على جوال لمراجعة مكتب السفارة وعندي استفسارات وأتمنى أن تجاوبون على استفساراتي :


أولاً : انا لسى ماسويت الفحص الطبي ( وش رايكم فيني كسول صح ماهي مشكلة) :107: انا الحين ما أعرف وين أي مستشفى أروح وأتمنى ان توجهوني للمسشفى المطلوب ورقم الهاتف ,,,,,,, وكم التكلفة .


ثانياً: الوزارة ارسلولي رسالتين لتوجة للمكتب وانا اتصلت على المكتب الي في الرياض وكلمته :
المكتب : الو
انا : السلام عليكم
المكتب : وعليكم السلام
انا : الله يعطيك العافية قبل قليل ارسلوا الوزارة رسالة لمراجعة المكتب
المكتب : ايوا صحيح لستخراج الفيزا ( لا ياشيخ معقولة الفيزة هههه ):106:

انا : طيب انا الأسبوعين هذا مشغول جداً ( لأني عندي اختبارات الجامعة ) للعلم تراني سنة التحضيرية
المكتب : طيب وش عاوز
انا : عادي اجيكم بعد الأسبوعين ولا يكون في تأخير للفيزة
المكتب : عادي مش مشكلة والفيزة ماراح تتأخر

انا : ماتتأخر الفيزة من جد
المكتب :ايوا ماتتأخر الفيزة
انا : أوكيه يالله مع السلامة
المكتب : طقققققققق ( قفل السماعة علطووووووووول من الزحمة الي عندة) .
انا الحين محتار جدا وابي رايكم بصراحة اخلي اختباراتي وأروح للمكتب .
وإذا رحت للمكتب بسحب على الاختبارات وأكون خسران في الحالة لأن ممكن السفر تطول إلى العطلة وأكون خسران

وشكراً لكم :90:

مع العلم (انا ما أعرف موقع المكتب السفارة الى في الرياض) اتمنى ان تخبروني موقعة




( إنا لله وإن إليه راجعون)

صالح
انا سويت الفحص بس لسه ما رحت المكتب مع اني من الدفعة الاولى:D

المهم
على الأقل سوي موعد للفحص لانه زححمة
فيه مستوصفين
ترانسااد الطبي
و العيادات الاستشارية
كلهم بالريااض

ومادام قالك مافي مشكلة
فإنشاءالله مافي مشكلة :D

بس حاااااول تروح لهم خميس وجمعة
احتياااط

وبالتوفيق

اقتباس:

---

أولاً : انا لسى ماسويت الفحص الطبي ( وش رايكم فيني كسول صح ماهي مشكلة) :107: انا الحين ما أعرف وين أي مستشفى أروح وأتمنى ان توجهوني للمسشفى المطلوب ورقم الهاتف ,,,,,,, وكم التكلفة .

---

هذي اهل الرياض بيفيدوك فيها

بس ابشرك السعر تقريبا 1000 ريال ويعطونك موعد عشان تجي تكشف عندهم بعد اسبوعين لان المواعيد فل عندهم

يعني كذا ولا كذا انت متأخر متأخر

بس اول ماتخلص امورك خذ الاوراق ووديها على المكتب ترى الشغله ماتاخذ منك 10 دقايق لو اوراقك كلها كامله يعني مااعتقد ان 10 دقايق بتعطلك عن اختباراتك

بالتوفيق اخوي صالح

شكراً يا b7or.elshog b7or.elsho
ويا غادة
على تجاوبكم معي بس الحين صحيح الموعد يكون بعد اسبوعين لو احجز من المستوصف

والله مشكلة


وأتمنى من الأخت غادة أن تكتب أرقام الهواتف المستوصف لأني انا من القصيم وصعبة أن أذهب للمستوصف وأحجز

وشكراً لكم

اخوي انا بقولك الي سويته قبل لا اسافر وانشالله تلقى الحل


طبعا شغلة الفحص الطبي من العيادات الاسشارية التابعة لمستشفى المملكة

الموجودة على طريق خريص مقابل مكتب الشرق الاوسط وتكلفتها 1000 ريال

بس قبل كل شي لازم تودي جوازك لمكتب ارامكس الموجود بطريق الملك عبد العزيز

جنب المدارس المملكة وترا الا فضل انك تقدم على الفيزا قبل الاختبارات لانها تاخذ فترة شهر

الى اربعين يوم تقريبا فالافضل انك تقدم على الفيزا وبنفس الوقت تكمل اختباراتك

بس نصيحة مني ضبط موضوع السكن قبل اي شي لان السكن هو العلة بالموضوع

ولو انت جاي عندنا في برزبن ممكن انا تحت امرك باي شي

ملاحظة/

* مواعيد دوام مكتب ارامكس من 8 صباحا الى 2 ظهرا

* تأكد من طلبات المستوصف قبل لا تسوي الفحص



تحياتي,...

هذا رقم مستوصف ترانساد
014645050
وهذي العيادات الاستشارية
014631980

وبالتوفيق خيوو

اللله يعنكم يا اهل الرياض على الكشف الطبي
ومني داري على ايش الف ريال كلها تحليلات بسيطه بس
مظطرين