للي قدم على الفيزا في السفارة الاسترالية في الرياض

السلام عليكم
أخواني الأعزاء
أنا عندي موعد مع عائلتي في السفارة الاسترالية في الرياض يوم الاثنين27ديسمبر وعندي بعض الأستفسارات :
هل أحد ختم أي ورقة من وزارة الخارجية ؟
لأني رحت للخارجية ابيهم يصدقون شهادة الميلاد لبنتي وكرت العائلة بعد ما ترجمتها في مكتب معتمد لكن موظف الخارجية رفض وقال حنا ما نصدق إلا على البرنت اللي هو بالعربي طبعا .
كم المدة على ما تطلع الفيزا ؟


لكم مني كل الود والتقدير

يالغالي انا قدمت بالسفارة حقت الرياض وما ختمت اي شي من الوزارة

بس رحت لهم وقدمت الاوراق الي طالبينها وقالت تجي الفيزا على الايميل يعني فيزا الكترونيه

المهم اخذت 6 ايام يععني قدمتها الثلاثاء والاثنين الي بعده وهي واصله مع الصباح

واي خدمه انا حاضر

[QUOTE=مبتعث استرالياا;2506723]يالغالي انا قدمت بالسفارة حقت الرياض وما ختمت اي شي من الوزارة

بس رحت لهم وقدمت الاوراق الي طالبينها وقالت تجي الفيزا على الايميل يعني فيزا الكترونيه

المهم اخذت 6 ايام يععني قدمتها الثلاثاء والاثنين الي بعده وهي واصله مع الصباح

واي خدمه انا حاضر[/QUOTE


نفس الكلام ولا تنسى الرسوم لازم كاش

موفق

ايه صح انا طلعت فيزا طالب بي 2009 ريال بالتمام والفحص الطبي سويته في مستشفى الورود الي بالرياض بي 700 ريال

اقتباس:

---

المشاركة الأصلية كتبت بواسطة المهاجر6006

السلام عليكم

أخواني الأعزاء
أنا عندي موعد مع عائلتي في السفارة الاسترالية في الرياض يوم الاثنين27ديسمبر وعندي بعض الأستفسارات :
هل أحد ختم أي ورقة من وزارة الخارجية ؟
لأني رحت للخارجية ابيهم يصدقون شهادة الميلاد لبنتي وكرت العائلة بعد ما ترجمتها في مكتب معتمد لكن موظف الخارجية رفض وقال حنا ما نصدق إلا على البرنت اللي هو بالعربي طبعا .
كم المدة على ما تطلع الفيزا ؟

لكم مني كل الود والتقدير

---

اخوي العزيز
اسعد الله ايامك
ممكن ايضاح امر انا ناوي اقدم على الفيزا فممكن تشرح لي كيف اقدم عن طريق السفاره
, يعني هل اروح او احدد موعد وكيف احدده؟
ماهي الاوراق اللي احظرها؟
, وبالنسبع للعائله عندي طفل عمره 5.5 سنوات هل يجب ان احضر قبول مدرسه ام لا؟
وكم الرسوم اللي ادفعها؟
اسف على الاطاله ولكن بحكم انك قدمت اريد ان استفيد من خبرتك

أخوي مبتعث ومبتعث استراليا
لكم كل الشكر والتقدير على إيضاحكم
وأتمنى لكم التوفيق

أخوي pskhc177 الطريقة كالأتي :

1. اتصل على السفارة على رقم 4887788 تحويلة 189 اللي هو قسم التاشيرات وبترد عليك امرأة تقول لها أنا بقدم على تأشيرة طالب وعطها إيميلك بترسل لك الطلبات في ملف مكتوب بالعربي .
2. إذا خلصت المتطلبات دق ثاني مرة وقل لها إنك خلصت المتطلبات بتعطيك موعد .
3. بالنسبة لولدك أنا مدري لأن بنتي صغيرة لكن على حسب ما قريت في المنتدى أنه لازم قبول مدرسة والله أعلم .

أتمنى لك التوفيق

اقتباس:

---

المشاركة الأصلية كتبت بواسطة المهاجر6006

أخوي مبتعث ومبتعث استراليا

لكم كل الشكر والتقدير على إيضاحكم

وأتمنى لكم التوفيق

---

ماسوينا الا الواجب ياخوي

اقتباس:

---

المشاركة الأصلية كتبت بواسطة مبتعث استرالياا

ايه صح انا طلعت فيزا طالب بي 2009 ريال بالتمام والفحص الطبي سويته في مستشفى الورود الي بالرياض بي 700 ريال

---

اخوي مبتعث

سؤال بسيط الفحص متى سويته يعني قبل ماتقدم بكم يوم لاني كلمت المستشفى اللي بالورود وقالوا اذا بتقدم اون لاين خلال يوم وهو جاهز اما اذا بتقدم للسفاره بيستغرق اكثر من 3 اسابيع مدري هو صادق او يجبرني اني ادفع اكثر

ممكن توضح ايش سويت واكون شاكر

اقتباس:

---

المشاركة الأصلية كتبت بواسطة pskhc177

اخوي مبتعث

سؤال بسيط الفحص متى سويته يعني قبل ماتقدم بكم يوم لاني كلمت المستشفى اللي بالورود وقالوا اذا بتقدم اون لاين خلال يوم وهو جاهز اما اذا بتقدم للسفاره بيستغرق اكثر من 3 اسابيع مدري هو صادق او يجبرني اني ادفع اكثر

ممكن توضح ايش سويت واكون شاكر

---

هلا اخوي انا سويت الفحص الطبي وبنفس اليوم قدمت على السفارة والحمد لله تسهلت واخذت 6 ايام والفيزا طلعت طبعا على الايميل توصل الموافقه

اقتباس:

---

المشاركة الأصلية كتبت بواسطة مبتعث استرالياا

هلا اخوي انا سويت الفحص الطبي وبنفس اليوم قدمت على السفارة والحمد لله تسهلت واخذت 6 ايام والفيزا طلعت طبعا على الايميل توصل الموافقه

---

اخوي العزيز

اسف اذا كثرت الاسئله ولكن لغرض الايضاح ( انت قدمت للمستشفى وطلبت منهم ان يرسلوا التحاليل اون لاين ام هم يرسلوها بدون ان تطلب منهم ؟؟ لاني حسب اتصال بيني وبين الدكتور قال ان هناك فرق بين المقدم اون لاين وبين المقدم للسفاره)
وهل فيه ابليكيشن اعبيه قبل ماجي للعياده او اذهب بعائلتي على طول

أخوي بالنسبة للدكتور تسوي معاه موعد بس
اذا كنت رح تقدم اون لاين للفيزا فلازم تقدم اول بعدين تروح للدكتور لان الدكتور مايقدر يرسل النتايج اون لاين الا اذا كنت مقدم عالفيزا اون لاين لانه يدخل النتايج عن طريق رقم TRN وهذا الرقم يطلع لك بعد ماتقدم عالفيزا اون لاين وتسدد الرسوم
اما اذا كنت بتقدم الفيزا على السفارة فالأفضل انك تعمل الفحص الطبي قبل موعدك في السفارة ب 3 ايام عشان يجي موعدك في السفارة والنتايج تكون وصلت للسفارة
وبإمكانك تتأكد ان النتايج وصلت لهم بالاتصال بالسفارة على تحويلة 189 وهي رح تتأكد هل وصلتها النتيجة برقم جوازك
ولاان فيه نظام جديد في السفارة بدأ من 12 ديسمبر وهو نظام البصمة والصورة لك ولجميع افراد عائلتك
واذا كان عندك طفل فوق 5 سنوات لازم قبول من مدرسة
اخي العزيز نصيحة ان تقدم عالفيزا اون لاين وتحمل اوراقك وتسدد الرسوم بعدها بيطلع لك رقم TRN ومن ثم تعمل التحاليل في الورود لانهم يرسلوا النتايج اون لاين على طول
عشان تفتك من سالفة البصمة والصورة لان اللي مقدم اون لاين مايطلبوا منه بصمة وصورة

اتمنى اخوي اني افدتك

دعواتي لك بالتوفيق

أخوي البوادي
أنا رحت للسفارة اليوم أنا وعائلتي وقابلت الموظفة حسب الموعد
واخذت مني الاوراق وأخبرتني بالتعميم الجديد اللي هو البصمة وعطتني خطاب لمكتب السفارة اللي في مجمع الصفوة مقابل سوق الجزيرة بالسليمانية ورحت لهم بعد ما طلعت منها لكن كان موظفي المكتب في إجازة وبروح بكره لهم .
السؤال : هل البصمة تأخر الفيزا وكم الوقت المتوقع للحصول على الفيزا؟

شكرا لك على توضيحك للجميع
ولك مني كل الود والتقدير

أخوي البوادي

أنا رحت للسفارة اليوم أنا وعائلتي وقابلت الموظفة حسب الموعد
واخذت مني الاوراق وأخبرتني بالتعميم الجديد اللي هو البصمة وعطتني خطاب لمكتب السفارة اللي في مجمع الصفوة مقابل سوق الجزيرة بالسليمانية ورحت لهم بعد ما طلعت منها لكن كان موظفي المكتب في إجازة وبروح بكره لهم .
السؤال : هل البصمة تأخر الفيزا وكم الوقت المتوقع للحصول على الفيزا؟

شكرا لك على توضيحك للجميع

ولك مني كل الود والتقدير


والله يا اخي العزيز مالي علم كم تاخذ الفيزا
زميلي قدم بنفس طريقتك من يوم 20-12-2010 والى الان ماردوا عليه
وانا قدمت يوم 21-12-2010 عن طريق الفيزا ان لاين والى الان ماردوا علي
واعتقد مارح يردوا علينا قبل 5-1-2011 بسبب الاجازات عندهم

بس سؤالي اخي العزيز هل طلبوا منك قبول للاولاد وهل جبت قبول لهم وكيف؟؟

تحياتي لك
ودعواتي لك بالتوفيق

أخوي البوادي أنا بنتي عمرها سنتين ونص يعني ما تحتاج قبول
شكرا لك أخوي على التوضيح .

السلام عليكم أخي مبتعث
اخي الكريم انا سوري الجنسية ومتزوج موجود في الرياض انا موجود انا وعائلتي هنا بتأشيرات زياره هل يحق لي ان اقدم على فيزا الى استراليا وكيف الطريقة التي اتقدم بها للسفارة مع العلم لدي زوج اختي واولاده في استراليا ولديه الجنسية الاستراليا واختي موجوده هناك لكن ليس معها الجنسية هل هذا يساعدني ارجو الرد على رسالتي وشكرا لك اخي

بالنسبه للاستفسارات في حل من اثنين
الاول ان تتواصل معهم في ابو ظبي لهم رقم علي انت ابحث عن وانشالله راح يفيدونك
والحل الثاني الايميل راسلهم وراح تلقي من يفيدك