ابي المشوره ياطلاب جامعه لاتروب
السلام عليكم ورحمة الله وبركاته ..
تحيه طيبه إلى جميع أعضاء المنتدى المحترمين .
انا تخرجت دبلوم اتصالات وشبكات الحاسب ولله الحمد جاني القبول قبل امس في جامعه لاتروب بملبورن وراح اكمل البكالوريس في هندسة الشبكات.
انا ابي اسأل من يدرس او لديه خلفيه عن هذه الجامعه !!
_ كيف المعيشه في مدينه ميلبورن وهل يوجد عنصريه ؟
_ كيف اجواء هذه الجامعه من الناحيه الدراسيه ولاتبخل علينا بأي شيء ياإلي راح ترد علينا ؟
وربنا يوفقكم ويرجعكم بالسلامه ياررب ..
رد: ابي المشوره ياطلاب جامعه لاتروب
والله ماعندي خبر بس ان شاء الله
الاعضاء فيهم الخير والبركه وخاصة حقين استراليا مايقصرون معك ابد
تقبل مروري
رد: ابي المشوره ياطلاب جامعه لاتروب
اقتباس:
المشاركة الأصلية كتبت بواسطة أحـمـد
والله ماعندي خبر بس ان شاء الله
الاعضاء فيهم الخير والبركه وخاصة حقين استراليا مايقصرون معك ابد
تقبل مروري
تسلم اخوي وربنا يوفقك
مشاركة: ابي المشوره ياطلاب جامعه لاتروب
الى الأخ m_o_m أنا راح أرد عليك بشكل سربع
أنا راح أسافر أدرس بالجامعة بعد شهر تقريباً
المدينة تعتبر في المرتبة الثانية من حيث ارتفاع الاسعار بعد مدينة سدني ولكن حسب معلوماتي ان المكافأة تكفي بأذن الله.
من ناحية العنصرية فحسب ما قراءته في النت وحسب اتصالاتي مع طلاب درسوا بالمدينة انها مدينة ممتازة وما فيها عنصرية (ما يمنع وجود حالات فردية لا تمثل المجتمع).
بالنسبة للجامعة فهي تعتبر بعيدة عن وسط المدينة (35 دقيقة تقريباً من وسط المدينة بالباص أو الترام) ولكن من ناحية ثانية بعيدة عن الزحمة.
رد: ابي المشوره ياطلاب جامعه لاتروب
m o m
حياك الله في استراليا
وفي ميلبورن خاصة
اما عن المعيشة ترا المكافئة تكفي وزيادة
والعنصرية لا مافيه عتصرية ابد
بس حاجة وحدة الله يعينك عليها وهي السكن لانه موضوع السكن امر صعب جدا
اذا مادبرت نفسك اول ماجي راح تسكن في فندق حلو وقريب للجامعة وهذا يكون انسب حل لك مؤقت
ماقول الله الله يعينك على المعهد لانه راح تحس انك في السعودية من كثر الطلاب
وحنا في الخدمة
رد: ابي المشوره ياطلاب جامعه لاتروب
اقتباس:
ماقول الله الله يعينك على المعهد لانه راح تحس انك في السعودية من كثر الطلاب
هذي المشكلة .. بس بسألك يااحمد عن أعضـاء هيئة التدريس بالمعهد كيف نفسياتهم
وإلا السعوديين ماشاء الله بكل مكان عسى الله يكثرهم ..!
السكن وماأدراك مالسكن .. والله إن مشكلته مشكله طيب بحكم خبرتكم وش تنصحونا فيـه
نضبط وضع السكن قبل مانجي وإلا نراسل عائلة وإلا نسكن بفندق فترة مؤقتـه لحد ماتضبط
أمورنـا ..!
رد: ابي المشوره ياطلاب جامعه لاتروب
اقتباس:
هذي المشكلة .. بس بسألك يااحمد عن أعضـاء هيئة التدريس بالمعهد كيف نفسياتهم
حمد يخليك ربي
اما نفسيات اعضاء هيئة التدريس في المعهد
غصب عليهم يكونوا حلويين لانه المعهد مادري
اما الجامعة والله مالي علم بس من كلام الزملاء انه فرق كبير بين اعضاء هيئة التدريس عندنا وهنا
يعني يعطيك حقك ولا يظلمك
اقتباس:
السكن وماأدراك مالسكن .. والله إن مشكلته مشكله طيب بحكم خبرتكم وش تنصحونا فيـه
نضبط وضع السكن قبل مانجي وإلا نراسل عائلة وإلا نسكن بفندق فترة مؤقتـه لحد ماتضبط
أمورنـا ..!
حبيبي السكن وماادراك مالسكن
خاصة للعوائل السكن صعب جدا ولا الشباب اهون شوي
بالنسبة للسكن لو تدبره من قبل ماتجي افضل
يعني اذا كنت تبي عائلة
او تسكن عندي مؤقتا لين ماتشوف اللي تبيه
فيه فندق حلو ينفع لطلاب لاتروب لانه فيه باص يودي للمعهد ويجيب
وهو قريب للخدمات هو ينفع عقد طويل يكون قيمته تقريبا 840 دولار الشهر
النظام غرفة +دورة مياه
المطبخ مشترك
هذا الفندق
فيه مجمع حلو لطلاب لاتروب
غرفة مع صالة صغيرة مع دورة مياه ومطبخ
وهذي حلوة جدا بس العقود فيه طويلة
سعرها 840 دولار تختلف من شقة لاخرى
وحنا في الخدمة اخوي
وياليت لو تذكر تاريخ وصولك
رد: ابي المشوره ياطلاب جامعه لاتروب
عزيزي الأخ حمد انا موعد قدومي بإذن الله منتصف ابريل وودي بسكن في المجمع اللي تقول عليه وياليت تفيدني لأن جاي ومعاي عائلة ....
تحياتي......
رد: ابي المشوره ياطلاب جامعه لاتروب
اقتباس:
عزيزي الأخ حمد انا موعد قدومي بإذن الله منتصف ابريل وودي بسكن في المجمع اللي تقول عليه وياليت تفيدني لأن جاي ومعاي عائلة ....
تحياتي......
هلا والله اخوي حسام
توصل بالسلامة ان شاء الله
بالنسبة للمجمع اللي ذكرته انا في السابق فهو لاينفع سوا للعزابية
العوائل افضل سكن لها البيوت او الشقق
مع اني افضل البيت اكثر
البيت راح يكون دورين
غرفتين فوق
صالة تحت +مطبخ +باركينج
السعر 1200الى 1350دولار
طبعا غير مفروش
الشقة 2غرفة +صالة +1 دورة مياه
طبعا مفروشة
1400دولار
اقرب الشقق السكني للجامعة هي
1- اجاراها 1400 دولار من دون مكيفات على طريق Planty Rd
2- اجاراها 1300دولار مع مكيفات على نفس الطريق
بس لازم يكون الحجز مبكرا لاي سكن تطلبه
ارجو اني افدتك واذا احتجت اي حاجة اخرى حنا في الخدمة
رد: ابي المشوره ياطلاب جامعه لاتروب
اقتباس:
المشاركة الأصلية كتبت بواسطة 7amad
هلا والله اخوي حسام
توصل بالسلامة ان شاء الله
بالنسبة للمجمع اللي ذكرته انا في السابق فهو لاينفع سوا للعزابية
العوائل افضل سكن لها البيوت او الشقق
مع اني افضل البيت اكثر
البيت راح يكون دورين
غرفتين فوق
صالة تحت +مطبخ +باركينج
السعر 1200الى 1350دولار
طبعا غير مفروش
الشقة 2غرفة +صالة +1 دورة مياه
طبعا مفروشة
1400دولار
هل تقصد البيوت الاسترالية ؟والتي تكون مستقلة ؟وكيف ناحية الامن فيها وكم تبعد عن المعهد؟
اقرب الشقق السكني للجامعة هي
1- اجاراها 1400 دولار من دون مكيفات على طريق Planty Rd
2- اجاراها 1300دولار مع مكيفات على نفس الطريق
بس لازم يكون الحجز مبكرا لاي سكن تطلبه
ارجو اني افدتك واذا احتجت اي حاجة اخرى حنا في الخدمة
الحجز متى يكون سوف يكون وصولي يوم 9 فيراير كيف يمكن لي الحجز سمعت لابد ان اكون متواجد هناك وكم يبعد السكن عن المعهد
شكرا لك على سعت صدرك
رد: ابي المشوره ياطلاب جامعه لاتروب
يعطيك العافية اخوي حمد كفيت ووفيت انا برضوا سألت وبحثت في النت وعرفت الشارع اللي تقول عليه فعلا هو قريب كماتفضلت وفي منطقه اسمها kingsbury اذا كنت تعرف فيها بيوت لأني وجدت فيها بيوت مفروشة ومناسبة فياليت اذا مافيها كلفه عليك...
تحياتي لك.......
رد: ابي المشوره ياطلاب جامعه لاتروب
اقتباس:
هل تقصد البيوت الاسترالية ؟والتي تكون مستقلة ؟وكيف ناحية الامن فيها وكم تبعد عن المعهد؟
لا انا لااقصد البيوت
هذا مجموعة شقق قريبة للجامعة يعني ركوب الترام فقط
بالنسبة للامن
اولا الحافظ الله
ثانيا ولله الحمد البلد هنا امن ولا يوجد اي مشاكل
سوا الخروج ليلا بعض الاوقات
اقتباس:
الحجز متى يكون سوف يكون وصولي يوم 9 فيراير كيف يمكن لي الحجز سمعت لابد ان اكون متواجد هناك وكم يبعد السكن عن المعهد
شكرا لك على سعت صدرك
صحيح الحجز لايكون الا بوجود الشخص نفسه
السكن قريب لكن البيوت افضل ولو انها ابعد شوي
البيوت مواصفاتها اكبر خصوصية اكثر
اسعار ها حلوة
مابين 1100 الى 1300 دولار في المناطق الحلوة
رد: ابي المشوره ياطلاب جامعه لاتروب
اقتباس:
يعطيك العافية اخوي حمد كفيت ووفيت انا برضوا سألت وبحثت في النت وعرفت الشارع اللي تقول عليه فعلا هو قريب كماتفضلت وفي منطقه اسمها kingsbury اذا كنت تعرف فيها بيوت لأني وجدت فيها بيوت مفروشة ومناسبة فياليت اذا مافيها كلفه عليك...
هلا والله اخوي حسام
بالنسبة للبيت انا راح احاول اني ازور مكاتب العقار واحصل على العروض اللي عنده وراح اخبرك ان شاء الله
بس تذكر الحجز يجب وجودك