ياهل الخير ممكن مساعده في اختيار الجامعه

السلام عليكم ورحمة الله وبركاته ,,

اخواني اعضاء منتدى مبتعث ,,

عندي اسئله الله يجزاكم خير في جامعتين في ملبورن وانا صراحتن اعجبني منتداك من حيث التفاعل والردود وياليت تساعدوني اذا امكن ,,

انا اخوكم محمد من الكويت طالب مبتعث على حساب الدوله ونزل قبولي قبل كم يوم على جامعة موناش ومحدديني تاريخ كورس اللغه بعد شهر ,,

وانا قريت عن جامعة موناش في هالمنتدى واجد ومنتديات اخرى بس اكثرها يذمونها ويقولون انه اسلوبها مع الطلاب ماهو زين والفاونديشين حقهم صعب وقليل اللي ينجحون فيه ,,

يااخواني ودي بمساعدتكم لي انا في خاطري جامعة rmit فا اي افضل موناش ولا رمت وياليت احد في جامعة موناش يعطيني ايميله ويعلمني الطريقه لانه سفرتي بعد 20 يوم ويمكن اكنسلها واغير قبولي واختار جامعة rmit ,,

واسمحولي عـ الاطالة واسال الله ان يوفقنا ويوفقكم ,,


وارجو الرد فـ اسرع وقت اذ امكن ,,

A الجامعة الأهلية الأسترالية Australian National University www.anu.edu

هذي اخوي الكريم ... ترتيب الجامعات الاستراليه ...... موناش من افضل الجامعات دراستهم شديده ويحتاج مجهود اكبر معاهم....

A جامعة موناش Monash University www.monash.edu
A جامعة أديليد University of Adelaide www.international.adelaide.edu.au
A جامعة ميلبورن University of Melbourne www.unimelb.edu.au
A جامعة نيو ساوث ويلز University of New South Wales www.international.unsw.edu.au
A جامعة كوينزلاند University of Queensland www.uq.edu.au
A جامعة سيدني University of Sydney www.usyd.edu.au
A جامعة غرب أستراليا University of Western Australia www.international.uwa.edu.au


هذه هي الجامعات الحاصلة على تقدير A
واعتقد انها من اقوى الجامعات في استراليا... موناش من الجامعات الثمانيه في استراليا .....

**********************************

اهم نقطة اخوي شوف ايش قدراتك الدراسية تتحمل ضغط الدراسة والنظام يكون مره شديد ....؟؟ ولا عادي تتحملها .... يعني يفكر لي ابعد بعد التخرج اهم شي المعدل وقت التخرج
والنسبة ماتكون ضعيفة عشان جامعة قوية زي موناش ...

يعني (( نصيحة )) الافضل انك تاخذ جامعة تكون متوسطة مش قوية مره ولا شديده في الانظمة ..... راح ارسلك رابط الجامعات الاخرى وتشوف ايش اللي يناسبك
عندك الخيارات متعدده ... انت استخير الله وربك يسهل الامور.... والله يوفقك يارب وتختار اللي فيه الطيب ....

وبرضوا اسئل الاخوان اللي دارسين في موناش والجامعة الثانيه RMIT وان شاء الله راح تلقى منهم كل الاستفسارات بالنسبة للتخصص و طريقة دراستهم كيف ...؟

وبالتوفيق اخوي.....

(( للامانة )) منقول رابط الجامعات الثمانية .......


تحياتي :)

اخوي هذا رابط الجامعات الاستراليه الاخرى ....
جامعات أستراليا : دليل الجامعات والكليات في استراليا

واذا عندك اي استفسار بالنسبة للجامعات ...؟ الطلاب ان شاء الله ماراح يقصروا معاك ....؟

بالتوفيق........

تحـــياتـــي :)



تحياتي

مشكوره اختي ويعطيك الف عاافيه ع الجهود ,,

وان شاءالله في ميزان حسناتك ,,

وانا ان شاءالله بشوف شنو الافضل بس ان شاءالله بختار rmit ,,

كان لي رد سابق في موضوع شبيه بموضوعك وخلاصة الرد أنه سمعة الجامعة ليست شرطا لصعوبة التخصص والدراسة فقد تكون الدراسة في موناش أسهل من Rmit وهذا الشئ أسمعه بنفسي من الطلاب الذين يدرسون في الجامعات الكبيرة أنه يوجد تخصصات سهلة ويوجد تخصصات صعبة والمثل صحيح للجامعات الأخرى فمثلا تخصص البزنس في جامعة سيدني تعتبر من أسهل التخصصات مقارنة بجامعة ماكوايري والذي يعتبر فيها تخصص الإدارة معقد نوعا ما (لأن قوة سمعة هذه الجامعة نابعة من التخصصات الإدارية ودواليك جرا) وبالعكس هل تعلم أن الجهد المبذول في Rmit يساوي تقريبا الجهد المبذول في موناش فاأنت راح تاخذ 4 مواد في الفصل الواحد في كل الجامعات (نظرا لشروط إدارة الهجرة على الطالب الأجنبي) وراح تتعب على كل الحالات والفارق في المخرجات في النهاية ولاتغتر بالأمور الشكلية وتجعلها عوائق من لاشئ فقط عليك التأكد من متطلبات الكليتين وطريقة الإختبارات والتقييم وقارن بينهما وشوف اللي يناسبك.

يعطيك العافيه وجعله في ميزان حسناتك ,,

بس انا يااخوي سمعت موناش انه يبيلها واحد دريس ويدرس وانها صعبه ماهي نفس رمت ,,

وصحيح انه سمعة موناش اقوى من رمت لكن المعدل يفرق في الكويت لاجيت تبي توظف ,,

يعني مثلا تدرس في موناش واجيب معدل متوسط وهي سمعتها قويه بس ماتفيد السمعه عندنا اما تدرس في رمت وتجيب معدل ممتاز وهي سمعتها متوسطه ,,

وهذا هو الفرق اهم شي المعدل واهم شي التعامل مع الطالب وعدم استغلالهم ,,

اقتباس:

---

المشاركة الأصلية كتبت بواسطة محمد آلعجمي

يعطيك العافيه وجعله في ميزان حسناتك ,,

بس انا يااخوي سمعت موناش انه يبيلها واحد دريس ويدرس وانها صعبه ماهي نفس رمت ,,

وصحيح انه سمعة موناش اقوى من رمت لكن المعدل يفرق في الكويت لاجيت تبي توظف ,,

يعني مثلا تدرس في موناش واجيب معدل متوسط وهي سمعتها قويه بس ماتفيد السمعه عندنا اما تدرس في رمت وتجيب معدل ممتاز وهي سمعتها متوسطه ,,

وهذا هو الفرق اهم شي المعدل واهم شي التعامل مع الطالب وعدم استغلالهم ,,

---

أخوي ومن اللي يضمن لك إنك راح تجيب معدل عالي في Rmit ؟ فلا تتوقع إن الدراسة راح تكون أسهل من موناش عشان سمعتها أقل مو بالضرورة صحيح وقد تجدها أصعب لأن Rmit هالأيام سمعتها مش ولابد وأسمع من كذا واحد إن مستواها دحدر وإذا فيه إستغلال راح يكون منهم لأن حاجتهم للمادة أكثر من حاجة موناش وأيضا قد تكون الأنظمة معقدة ومش في صالحك وفي كل الأثنين راح تبذل مجهود وراح تتعب ويشيب راسك من الدراسة والمذاكرة.

أتمنى أنك فهمت مقصدي.

الله يجزاك خير وانا فهمت مقصدك يااخوي ,,

ويعطيك العافيه على التوضيح ,,


فهمت عليك يعني انا دارس في كلتا الحالات ولابد من جهد مبذول ,,

وعسى الله يوفقنا ويوفقكم جميع ,,