السلام عليكم ورحمة الله وبركاته
طيب اخوي وحده وحده .. بس ركز معي شوي
اقتباس:
قال لي بجيب لك القبول في المعهد التابع للجامعه خلال ثلاث اسابيع واذا تبي القبول في الجامعه في تخصص الهندسه ما راح يطلع في اقل من شهر ونص وما راح يمديك على الترم قلت انا اجيب قبول الجامعه من هناك ثم اخاطب الملحقيه عشان اقدر انضم قالي تقدر كذا
اولا الشخص الي قالك هالكلام جاهل .. لأن اللغه على مدار العام ومالها ترم محدد تدخل فيه
يعني لو جيت في اي وقت فالسنه راح تلقى لك مدخل على اللغه .. اما الجامعه فهي الي لها اترام وماتقدر تدخل الا في بدايتها
بس الافضل انه يجيب لك لغه + جامعه .. وانتظر شويتين ماتفرق معك شهر ونص .. ليش افضل انا اقولك
لأنه لو جاب لك لغه .. راح يكون القبول لمدة سنه فقط لأنه لغه .. وبكذا لمن تقدم على الفيزا
برضه الفيزا يعطونك المده سنه فقط .. بس لو جبت قبول المعهد + الجامعه .. وهذي تقريبا 5 سنوات .. الفيزا راح تطلع لك 5 سنوات وماراح تهتم بتجديدها بعدين
اقتباس:
فا ما ادري وش رايكم في الجامعه؟
الجامعه طيبه .. ومصنفه من افضل 8 جامعات على مستوى استراليا .. ومجال الهندسه فيها حلو
توكل على الله ;)
اقتباس:
وفكره اني انا الي اجيب القبول من هناك
تقدر تجيب قبول من هناك لو كان عندك قبول لغه فقط .. لكن مثل ماذكرت لك فوق اصبر اسبوعين كمان
عشان ماتشيل هم الفيزا بعد كذا ان شاء الله
اقتباس:
؟وهل جو المدينه معتدل
الجو ياعزيزي بارد فالشتاء .. واعني بارد بارد جدا :D .. اما فالصيف فشمسهم حارهـ
باقي السنه الله العالم .. بس الجو ماراح يفرق معك لأنك عزوبي وشباب وبتعيش لو يحطونك فالبحر ولا فالبر
اقتباس:
؟وكيف المعيشه هناك مع علم ان موضف المكتب يقول زي الرياض تقريبا؟
هههههههههههههههههههههههههههههه الموظف هذا يبغاله تشويت .. انا اتوقع انه ياصومالي او هندي :p
قال زي الرياض .. ياعزيزي اذا تقصد من ناحية التكلفه .. فإحسب حسابك تصرف زي ماتصرف فالسعوديه لكن بالدولار الاسترالي
كيف .. يعني مثلا بالسعوديه تشتري توكس بريالين صح .. هنا في استراليا تشتريه بدولارين
فالسعوديه تشتري الدجاجه بعشرهـ ريال .. هنا في استراليا تشتريها بعشرهـ دولار
يعني لو مصروفك فالاسبوع 100 ريال سعودي .. يصير يحتاجلك هنا 100 دولار استرالي
بس انتبه تجي هنا وتبدأ تحول من استرالي لسعودي وقت ماتشتري .. يعني مو كل ماشفت شي بتشتريه
تقول يالله سعره 100 دولار يعني تقريبا 320 ريال سعودي .. والله غاااااالي
لا ياعزيزي هذي الاسعار هنا وعلى حسب رواتبهم ومستواهم المعيشي .. وانا اقولك استراليا بلد غاليه
اقتباس:
معدلي 93 % ثانويه عامه 86 قدزرات تتوقع انضم للبعثه ولا لا مع علم اني بجلس 7 الى 8 اشهر . يعني قبل شهر رمضان برجع .
انضمامك للبعثه حسب النظام يقول انك بعد ماتخلص لغه لازم تنهي 30 ساعه دراسيه فالجامعه
وقتها يحق لك الإنضمام للبعثه .. و30 ساعه يعني تقريبا سنه الى سنتين دراسية فالجامعه
لذلك انا ماراح اتحمل ذنبك واقولك تقدر تنضم للبعثه .. بس اقدر اقولك ان فيه ناس انضمت قبل ماتكمل هالمده
وكله يرجع لعاملين .. الواسطه واذا عندك واسطه ماراح تكمل 3 اشهر الا وانت مضموم عالبعثه
واذا ماعندك واسطه فالله يعينك تنتظر يمكن ان الي توصله معاملتك يكون انسان كريم ويحس بالناس
وراح يمشي اوراقك وتعدي ان شاء الله هالـ 7 اشهر وبعدين تنضم للبعثه
عموما .. توكل على الله ياعزيزي .. واتمنالك التوفيق ;)
