-
تفاصيل مهمه لاتفوتكم
اللهم لك الحمد كما ينبغي لجلالك .
اليوم وصلت برزبن , ومن حسن حظي سواق التاكسي طلع عربي واخذت منه بعض التفاصيل , ورحت للعائله اللي اتفقت معاها , لقيتهم مصلحين قهوه
وشاي وذابحين لي خاروف استرالي >>> لا تصدقون .
وطلعت شريحة جوال من شركة optus ,
كل هذا سويته بنفس اليوم مع اني مواصل يومين مانمت >>> امدحوه .
كل شي سهل ولله الحمد , المشكله الوحيده هي بعد استراليا ( طلعت روحي ) .
نصائح وارشادات :
بالنسبه للشنط والوزن :
خذ شنطتين وحده كبيره ووحده وسط , عشان يتوزع الوزن بين الشنطتين وعشان مايقولون لك شي بالمطار , الكبيره حط فيها ملابس وكتب ولاب توب واواني منزليه فقط .
الوسط حط فيها الاكل والكريمات والبهارات والاحذيه (لازم تكون الاحذيه جديده) .
انا كان وزن الشنطتين 33 وماقالوا شي وصديق اخر تعرفت عليه بالمطار كان وزن الشنط عنده 37 وماقالوا شي بعد , وداخل الطياره خذ معاك شنطه ولاتشيل هم وزنها لانه ماراح احد يسالك كم وزنها , خذ اللي تبي معاك : اكل (لازم يكون مغلف) , كريمات , عطور , بهارات ماراح يقولون لك شي , اهم شي لاتاخذ معاك احذيه مستعمله .
بالنسبه لــ اللاب توب :
لاتشيل هم البرامج المنسوخه لانه ماراح يتفتش , هالكلام في استراليا لكن في سنغافوره متشددين مره راح يفتشونه نصيحتي بهالموضوع كالتالي :
انا انصح انك تحطه داخل الشنطه الكبيره مع الملابس والكتب والاواني فقط لان الاغراض هذي مايفتشونها , هم متشددين على الاكل والاحذيه فقط .
طبعا كلامي هذا بالنسبه للاخوان اللي حجزهم على الخطوط الاماراتيه لانها راح توقف قبل برزبن بسنغافوره فقط .
اذا نزلت في دبي اصرف مبلغ 1000 ريال الى دولار استرالي , عشان تعطي التاكسي الاسترالي وتشتري شريحة جوال , والباقي خله ببطاقتك السعوديه , وبالنسبه لمكائن الصراف تراها متوفره هنا , انا اليوم سحبت من بطاقتي الاهلي ومافيه اي مشاكل .
نصيحه للي رحلته قريب او بعيد ( اشبع نوم قبل الرحله ) لانك ماراح تقدر تنام بالطياره .
لاتنسى الافياش الاستراليه ( انا اشتريتها قبل ثلاث ايام من عالم ساكو في الرياض )
وهي متوفره وسعر الحبه الوحده 7 ريال وانت خذ لك حبتين , وهي عباره عن قابس فقط .
اذا وصلت استراليا اشتري جوال من شركة اوبتس اتصل عليهم وسوي لها تفعيل
وقل لهم ابيها من نوع Turbo Charge Cap , وبعد التفعيل قل لهم ابي تشغلوني لي
خدمة البور (poor) .
هذا اللي اذكره واللي يبي يسال حتى لسانه لايرده .
-
رد: تفاصيل مهمه لاتفوتكم
اخوي الحمدلله على السلامة
بالنسبة لوزن الشنط انت رحت عن طريق اي مطار
لاني رايحة عن طريق مطار الدمام و سمعت انهم مشددين في الوزن 20 كيلو بس
رايحة على الامارتيه دايركت
بالتوفيق
-
رد: تفاصيل مهمه لاتفوتكم
الحمدلله على سلامتك اخوي ثالث واحد يبشر بخير هو انت الباقين الله يهديهم خلوها معقده.
ومشكور ويعطيك العافيه.
-
رد: تفاصيل مهمه لاتفوتكم
الحمد لله على سلامتك
وألف ميروك المرور بالوزن الزائد :D من أي مطار طلعت ؟
وبعدين ياخوك كيف يجي اللاب توب بشنطة العفش راح ينخرب عفشه :D
تحياتي لك
-
رد: تفاصيل مهمه لاتفوتكم
جزاك الله خير معلومات كتير مهمة
بس اللاب توب في شنطة العفش مشكلة ينعدم
-
رد: تفاصيل مهمه لاتفوتكم
]حمد لله على الوصول احتريني في شهر 7 جايك انشاء الله :drool1: مشوار باقي 3 اشهر
-
رد: تفاصيل مهمه لاتفوتكم
الله يسلمك اختي يارب رحمتك .
انا رحت عن طريق مطار الرياض وكانت رحلتي عالخطوط الاماراتيه
والله ماتكلموا بالوزن ابد , لكن مثل ماقلت لك وزعي العفش على شنطتين .
اخوي نايف الله يسلمك ماسوينا شي هذا واجب .
هلا اخوي The leader الله يبارك فيك , انا طلعت من مطار الرياض ,
عادي ياخوي حط اللاب توب بين الملابس وحاول تغطيه من كل جهه بملابس
وماراح يصير له شي , واكبر دليل جهازي ماصار له شي , وانت حر هذي نصيحتي ,
يااخوان لاحد يشيل اللاب توب بيده ترى سنغافوره معقدين مره , وانت حر .
اخوي Future الله يسلمك , نفس الكلام .
الله يسلمك kdr , وينك مالك بينه ؟
ليه التاخير وش صار لك ؟
اوكي بنتظرك يالغالي .
باختصار : الوضع سهل وماكنت متوقعه كذا , لاتشيلون هم .
اي خدمه يا اخوان ويا اخوات انا حاضر باللي اقدر عليه .
-
رد: تفاصيل مهمه لاتفوتكم
اخوي شكرا لك
لكن انا كلمت الطيار و قال لي لازم يكون في شنطه واحدة مو شنطتين
نين راح عن طريق مطار الدمام يقول لنا وش صار
الله يوفقك
-
رد: تفاصيل مهمه لاتفوتكم
الحمدلله على السلامة برد الشمال
-
رد: تفاصيل مهمه لاتفوتكم
ماعليك من الطيار ترى ماعندهم سالفه , انا يوم كلمتهم قالوا الوزن المسموح
هو 20 كيلو فقط لكن طنشتهم وجبت 33 ولاقالوا شي , لا مستحيل يكون شنطه وحده
لان زميلي بالطياره كان وزن شنطته 37 قالوا وزعها على شنطتين وماراح نقول شي
لانه اذا كانت شنطه وحده راح يتعبون بالشيل والحط , ماعرف احد راح عن طريق
مطار الدمام للاسف , بس اتوقع كل المطارات مثل بعض , ارجع واقول انه ماعليك
من مكتب الطيار ترى ماعندهم سالفه , الكلام كله بالمطار .
اذا لقيت احد طار من الدمام بعطيك خبر يا اختي .