كيف استخرج فيزا للزوجه الأجنبيه؟؟

السلام عليكم ورحمة الله وبركاته
يا في دولة مصر
المهم مااطول عليكم
عندي مشكله تخص عمي. هو موجود حالياً في دولة مصر يدرس.. وتزوج مصريه بس ماجاب موافقه من السفاره السعوديه للزواج.. الحين يبي يروح استراليا بعد شهرين للدراسه في مدينة بيرث.. بس اللي ابي اعرفه هل يقدر يطلع لها فيزا عن طريق مصر والسفاره الاستراليه توافق؟؟ أو بيقولون له مافي موافقه من السفاره السعوديه مانطلع لها فيزا تروح معه كزوجه؟؟ او الموضوع ماله علاقه بالسفاره السعوديه ؟ وكيف الاجراءات الاستراليه لمثل هذا الموقف. انتم عارفين انه تزوج من مصر يعني مو سعوديه؟؟ الحل وشو نبي افاده لأهل الخبره لو سمحتم بس بدون فلسفه وتتويه :(:wacko:

ولكم جزيل الشكرررررررررررررر..
نوير

ولا رد؟؟؟؟؟؟؟!!!!

السلام عليكم ورحمة الله وبركاته أختي

انا دائما أستفيد من خبرات المبتعثين وماعمري رديت على أحد فقط أقراء
لكن لفت نظري سؤالك وأستطيع أن أفيدك بإذن الله

شوفي إذا عمك طلعت له البعثه وهو متزوج من غير سعوديه فتسقط البعثه فوراً لأن البعثه ليست من حقه كما هو موجود
ولا يقدر أبدا ياخذها معه استراليا وحتى لو تحايل (وهناك مو مثل السعودية أو مصر ممكن يسجن لأنه خالف الأنظمة المتفق عليها) وأخذها هناك يتم الإبلاغ عنه للسفارة السعودية فوراً وأرجع وأقول غير السجن لأنه مخالف

ثم هناك مشاكل كثيره لا حلول لها
أولاً التأمين الصحي <<< شلون بيحلها
ثانياً الفيزا
ثالثا ظروف المعيشه هناك ... خاصه اذا كان راكن على المكافأه الشهريه لأنها لا تكفي أكثر من شخص

لكن هل هو فعلا عنده استعداد يتخلى عن البعثه وفرصة الدراسه هناك ومستقبله عشان هذا السبب؟
خاصه مثل ماقلتي أنه بمصر يعني كان بحاجه للاستقرار فقط وهذا شي يقدر يلقاه مع بنات ديرته

بالنسبة لأسئلتك

هل يقدر يطلع لها فيزا عن طريق مصر والسفاره الاستراليه توافق؟؟بيقولون له مافي موافقه من السفاره السعوديه مانطلع لها فيزا تروح معه كزوجه؟؟ او الموضوع ماله علاقه بالسفاره السعوديه ؟

مايقدر ياخذها ولا حتى على الفيزا السياحية (هم ماعندهم تلاعب أبد وأي مخالفه فيها شرطه وتحقيق ولا ينسى أنه أجنبي)
بعدين عمك هو ولي أمرها بما أنه زوجها يعني لازم موافقة السفاره السعودية
لأن لما يقدم على الفيزا يسألون هل معك مرافق..هل أنت متزوج؟ ماهو اسم الزوج وجنسيته والإثباتات


أسف إذا كنت متشائم لكن هذا الوضع