سؤال عن كيفية التواصل مع الملحقية (للدارس¡
السلام عليكم
انا رحت اليوم للوزاره قلت لهم ابغا قرار ابتعاث
قالولي انت سافر وكلم الملحقيه هناك بأستراليا
قلتله طيب وشلوون قال اسأأأأأأأأأأأأأأأأأأأأأأأل وتلقا الجواب
قلت مالي الا احبتي في مبتعث هم الي يعطوني العلم الأكيد
علما انهم قالولي تعال قص التذاكر بكرا ولا بعده
1- وشولون اكلم الملحقيه هناك؟
2- ماهي الاوراق المطلوبه للملحقيه؟
3- هل فيها احتمال يرفضوني الملحقيه هناك ولا لا؟
4- كم المده الي تاخذ فيها الملحقيه عشان ارتاح فيها؟
وجزاكم الله ووفقكم الله لخيري الدنيا والاخره يارب امين
رد: تكفون مالي الا الله ثم انتم ياجماعه الخير
مو منطق تروح بدون قرار الابتعاث .
لكن اذا ازمت دق على الملحقية واستفسر .
رد: تكفون مالي الا الله ثم انتم ياجماعه الخير
يعني وشولون يالطيب بس تراهم اخذو اوراقي
وعبيت ابليكيشن عندهم مادري وشووو
بعدين قالولي قص التذاكر وسافر ومادري ايش السالفه
رد: تكفون مالي الا الله ثم انتم ياجماعه الخير
اخي شوف اولا الاوراق المطلوبة لك من الوزارة
1- قرار الابتعاث
2- القبول اي قبول للغة مع ماستر اوبكالوريس او لغة
3- الفيزا
الاوراق المطلوبه منك
4-صور شخصية
5- صور الشهادات
6- صور البطاقة
7- صورة الجواز
الاوراق المطلوبة منك اذا جيت استراليا
8- صورة ختم الدخول
9- الحساب البنكي
***** اذا كانت الاوراق معاك من 1 الى 6 احجز وتعال وابشر بالى بخدمك في استراليا فكل الشباب اخوان **** اذا لم تكن معال من 1 الى 6 فترى بتتعب كثير *******
رد: تكفون مالي الا الله ثم انتم ياجماعه الخير
الله يعطيك العافيه اخوي نايف والله يسهل امرك يارب
بس قرار الابتعاث مادري كيف هذا رحت بسويه اليوم اخذو مني صور للجواز والتأشيره وصور ااخر شهاده وصوره البطاقه اخذها الرجال ودبسها وقال يالله روح قص تذاكر
سؤالي هو .... هل الاوراق الي اخذها مني هي عشان يصدر لي قرار ابتعاث
ولا كيف علما انه عطاني ورقه قال عبها وفيها تواقيع تعهدات ومكتوب فيها الانضمام الى البعثه
ياليت ترد على الله يستر عليك يارب
وشكرا على ردك السابق يالغالي
رد: تكفون مالي الا الله ثم انتم ياجماعه الخير
اقتباس:
المشاركة الأصلية كتبت بواسطة plus090
بس قرار الابتعاث مادري كيف هذا رحت بسويه اليوم اخذو مني صور للجواز والتأشيره وصور ااخر شهاده وصوره البطاقه اخذها الرجال ودبسها وقال يالله روح قص تذاكر
سؤالي هو .... هل الاوراق الي اخذها مني هي عشان يصدر لي قرار ابتعاث
ولا كيف علما انه عطاني ورقه قال عبها وفيها تواقيع تعهدات ومكتوب فيها الانضمام الى البعثه
ياليت ترد على الله يستر عليك يارب
وشكرا على ردك السابق يالغالي
حسب علمي أن التذاكر لاتصدر الا بوجود قرار الابتعاث
هل تم طباعة قرار الابتعاث (ادخل الى موقع الوزارة ولاحظ هل تم طباعة قرار الابتعاث ام لا)
رد: تكفون مالي الا الله ثم انتم ياجماعه الخير
والله ياخوي ماجد ماعرف كيف اطلع القرار من الوزراه
اهم شي انا بعد بكرا بروح لهم وماراح اطلع الا وانا عارف السالفه من الى
والله يعطيك العافيه ويوفقك يارب
رد: تكفون مالي الا الله ثم انتم ياجماعه الخير
اقتباس:
المشاركة الأصلية كتبت بواسطة plus090
والله ياخوي ماجد ماعرف كيف اطلع القرار من الوزراه
اهم شي انا بعد بكرا بروح لهم وماراح اطلع الا وانا عارف السالفه من الى
والله يعطيك العافيه ويوفقك يارب
الله يوفقك وييسر امورك
اول شيء تسلمهم بعض المستندات (صورة الفيزا صور قرار القبول من الجامعه صورة الجواز وبطاقه الاحوال وصور الشهادات وكشف الدرجات) بالاضافه الى توقيع نموذجين
بعدها بيومين تراجع ويعطيك قرار الابتعاث (لاحظ في موقع الوزارة اذا تم طباعة قرار الابتعاث راجعهم --لانه على حسب احيانا يوم يومين )
اذا استلمت قرار الابتعاث صور منه كذا صورة
بعدها مر قسم الاركاب عشان تتطلع امر الاركاب وبعدها اصدار التذاكر
بالتوفيق
رد: تكفون مالي الا الله ثم انتم ياجماعه الخير
لحظه لحظه اخوي انت مبتعث ولا ملحق في البعثه لانو حالتك شفت زيها بس كانو من الملحقين في البعثه
رد: تكفون مالي الا الله ثم انتم ياجماعه الخير
اخوي ماجد انا سلمت هذي الاوراق الي انت قلتها الله يحفظك وعبيت ورقتين
وفيها تعهدات ومادري ايش
بس ماقالولي تعال خذها لا بعد يومين ولا بعد اسبوعين
يعني الى انا سويته هذا هو اجراءات قرار الابتعاث
وذا صار هو متى اخذه منهم
الله يخليك يارب