عرض للطباعة
السلام عليكم
أنا في استراليا (بيرث) وناوي احجز طيران من الحين للعطلة الصيفية شهر 12
بس المشكله :head_hurts_kr: ان جوازي في شهر 12 بيكون باقي فيه شهر واحد بس وينتهي
وش الحل؟ وهل يسمحوا لي اسافر وهو مافيه الا شهر؟
انا سمحت انهم يسمحوا بشرط ان وجهتي تكون الى بلدي السعوديه فقط ماقدر اروح بلد آخر.. هل هالكلام صحيح؟ وهل ينطبق على الترانزيت
ارجوووكم محتاج مساعده ضروري
اخوي الافاده الدقيقه والاكيده من خطوط الطيران الي بتحجز عليها واعتقد ان الخطوط المرنه هي الاماراتيه بحكم انك مواطن دول الخليج GCC
بسم الله الرحمن الرحيم
طيب يااخوان الواحد اذا انتهى جوازه في بلاد الغربة . هل السفارة تستطيع ان تجدد له الجواز ام لا؟
لان اللي اعرفة انه كثير من الدول تجدد لرعاياه من السفارات التي بالدول الاخرى .
اذا ان المبتعث انتهى جوازه ويستطيع ان يجدده في السفارة . اذن اخوي ما عندك مشكلة تستطيع ان تجدده .
واللي اعرفه من نظام الجوازات اذا كنت بالسعودية وباقي على انتهاء جوازك ثلاثة اشهر ما يطلعونك من الحدود (صار معاي على منفذ حالة عمار الاردن) , واذا كنت خارج المملكة وراجع للسعودية وباقي جوازك مانتهى اظن ماعندك مشكلة . والله اعلم وبالتوفيق للجميع
إذا باقي على الجواز 6 أشهر ماتطلع لأي دولة ماعدا الدول العربية فيسمح إلى 3 أشهر ودول الخليج إلى شهر
لو انتهى جوازك وأنت خارج السعودية فالسفارة السعودية في استراليا تجدد لك جوازك وأنت هناك يعني لاتشيل هم أبد
الله يرحم لي والديكم ويكثر خيركم ياشباب
لكن لازال عندي استفسار بخصوص الوجهة وجوازي مافيه الا شهر تقريبا.. لان اغلب اللي سألتهم قالولي اذا جوازك مافيه الا شهر ماتقدر تسافر الا على رحلة متوجهة للسعودية مباشرة.. يعني استراليا السعودية .. هل هالكلام صحيح؟؟
انا افكر احجز هاليومين للعطلة الصيفية شهر 12 والملحقية مابتصرف لي تذكره لاني ماكملت 9 شهور فبضطر احجز على حسابي والله المعين .. وبكذا بادور ارخص طيران واحتمال انه يكون فيه دوله في النص في خط السير غير استراليا والسعوديه
بانتظار ردودكم
لاااازم يكوون الجوااز صلاااحية 6 شههوووووور
على حد علمي والله أعلم طالما أنك ماراح تختم دخول في الدولة الي في النص بين السعودية واستراليا ماعندك مشكلة
وطبعا هذا نظام الدولة نفسه بعد
الأكيد راجع السفارة السعودية في استراليا ويصرفون لك تذكرة عبور وإذا جيت هنا جدد جوازك ولا عليك بس أهم شيء احتفظ بجوازك القديم ولاتضيعه علشان مسألة تجديد فيزة الدخول لإستراليا مرة أخرى
وتقبل تحياتي