[ تعويض الفيزا ] كعب الشيك ، بح !
السلام عليكم ،
كيفكم ؟
على طول في الموضوع
الملحقية اللطيفة . . تطلب من المبتعث - في حال طلبه لتعويض رسوم الفيزا -
- فواتير الكشف الطبي .
- كعب الشيك أو ورقة فيها تفاصيل العملية .
فواتير الكشف الطبي موجوده ، لأن الدكتورة في المستشفى وضحّت لي إنهم يطلبونها هناك وأرفقت معها خطاب موجّه إلى " من يهمه الأمر " .
الآن نجي لسالفة الشيك . .
الشيك ماعندي الآن أي أثر له !
وهم ذاكرين التالي في نهاية نموذج طلب تعويض الفيزا
اقتباس:
أصول الفواتير الطبية
كعب شيك رسوم الفيزا ( الجزء الباقي من صفحة الشيك ) او نسخة العميل الاصلية من اشعار او استمارة طلب تحويل الخاصة بالبنك ، وصورة التاشيرة .
في حالة ان اسم محول رسوم الفيزة غير اسم البمتعث ينبغي توقيع الاقرار الموضح.
يتم التعويض عن رسوم التاشيرة والكشف الطبي الإجباري فقط ولا يعوض المبتعث عن تكاليف التخليص أو البريد.
لا تقبل صور الفواتير او شهادة لمن يهمه الامر او صور الشيكات نهائيا.
سؤالي للإخوة اللي قدّموا الطلب :
هل هذه المستندات مطلوبة - كليا ً - ؟
يعني لازم كعب الشيك !؟
واللي ماعنده وش يسوي ؟
السؤال الأكبر . .
المبتعث أكيد ما وصل أستراليا إلا وهو دافع رسوم الكشف + رسوم الفيزا ، ليه ما يتم تعويضه عنها مباشرة مع أول مكافئة تنزل في حسابه بدون هالـ زحمة كلها ؟ أحد يعرف سبب وجيه يخليهم يطلبون هالأشياء ويخصصون موظف في الملحقية شغلته التدقيق في هالأمور ؟
رد: [ تعويض الفيزا ] كعب الشيك ، بح !
اقتباس:
هل هذه المستندات مطلوبة - كليا ً - ؟
يعني لازم كعب الشيك !؟
واللي ماعنده وش يسوي ؟
نعم مطلوبه ياغالي لازم كعب الشيك والله ما ادري . بس اخبر واحد مثل سالفتك . ولا عوضوه .. اقتباس:
لا تقبل صور الفواتير او شهادة لمن يهمه الامر او صور الشيكات نهائيا.
:rocket:
اقتباس:
ليه ما يتم تعويضه عنها مباشرة مع أول مكافئة تنزل في حسابه بدون هالـ زحمة كلها ؟ أحد يعرف سبب وجيه يخليهم يطلبون هالأشياء ويخصصون موظف في الملحقية شغلته التدقيق في هالأمور ؟
السؤال هذا مخصص . للملحقيه .. هم اللي اعرف بذا الشي .. قد يكون من باب الاحتياط .. او لإسباب الله اعلم فيها ...:bop: دمت بود الــــــــــــوافـــــــــــي
رد: [ تعويض الفيزا ] كعب الشيك ، بح !
السلام عليكم ورحمة الله وبركاتة
اقتباس:
المشاركة الأصلية كتبت بواسطة الــوافــي
نعم مطلوبه ياغالي
لازم كعب الشيك
اخوي وشلون اجيب كعب الشيك .. انا ماعطوني كعب للشيك ..
عطوني البنك ورقه عبيتها عشان اصدر شيك مصدق .. اخذو منها نسخة وعطوني نسخه مختومه ..هل هذى هي المقصوده بكعب الشيك ..
عذراً على الاطاله لاكن حبيت استفسر عن سالفه كعب الشيك
رد: [ تعويض الفيزا ] كعب الشيك ، بح !
أخوي الوافي
شكرا ً لك . . وبنحاول ندبّر الـ " كعب "
أو الصورة
،
أخوي متعب . . لو دققت في الكلام اللي اقتبسته بتحصل هالعبارة :
اقتباس:
او نسخة العميل الاصلية من اشعار او استمارة طلب تحويل الخاصة بالبنك ، وصورة التاشيرة .
وهذي هي نفسها الورقة اللي معك الآن :)
لا تنساها . .
