التاشيره ومشكله التخصص والجامعه

السلام عليكم ورحمة الله وبركاته
ان شاءالله الكل بخير وعافيه

اخواني الحمدالله انا جاني قبول في جامعه ادليد ماجستير رياضيات
طبعا انا كنت احاول اغير التخصص لان مالي نيه اكمل على تخصص الرياضيات

حاولت والحمدالله عندي فرصه اغير التخصص لكن قالو لي الوزاره لازن تجيب قبول من جامعه بتخصص المحاسبه

رحت للمكتب وقالي قبول الماجستير ياخذ في العاده حدود 6 اسابيع

وقالي فيه مشكله انت مقدم على التاشيره ...والان لو اغير الجامعه بتصير مشاكل في تاشيرتك

والمشكله انا دراستي في المعهد تبدا 16-2

عموما انا سؤالي بخصوص كلام المكتب لي هل القبول ياخذ كل المده ...ولو غيرت الجامعه هل بتكون فيه مشاكل في التاشيره

اخي الكريم
بخصوص مدة القبول .. يعتمد على الجامعة اللي مقدم عليها
كل ماكانت الجامعة اقوى ..راح تاخذ فترة اطول للرد على القبول او عدمه
لكن بالعادة ياخذ قبول الماجستير من اسبوعين الى 4 اسابيع بالعادة ..

والتاشيره .. انتا راح تطلع تاشيرتك على اساس انك طالب عند الجامعة الفلانية
لكن اذا وصلت المطار وشافو اوراق قبولك ولقيو ان قبولك بجامعة اخرى غير المذكوره بفيزتك راح يعرضك للمسائلة
الحل : تخلي امور فيزتك تمشي عادي الى ماتطلع لك
وبعدها المكتب يرسل خطاب الى جامعتك القديمة يبلغه فيها انك تعتذر عن الدراسة فيها
لكونك حصلت على قبول بالجامعه الاخرى ( يذكر اسم الجامعة الجديده)
وبذلك جامعتك القديمة راح ترسل لك خطاب يعتبر زي الغاء عقد << ماادري ايش يسمونه
المهم ان الخطاب حق الجامعة توضح فيه انه لامانع لديها من دراسة الطالب الفلاني لدى الجامعة الجديده
ويرسل المكتب هذا الخطاب للسفاره عشان يعدلون في الفيزا ....... وبس


اتمنى ان تكون الصورة اتضحت ..

كمل على نفس التخصص احسن
بدل ماتخش في متاهات

مشكورين على المرور

ويعطيك الف عافيه لسعه شقاوه وربي يوفقك ان شاءالله

اقتباس:

---

لكن اذا وصلت المطار وشافو اوراق قبولك ولقيو ان قبولك بجامعة اخرى غير المذكوره بفيزتك راح يعرضك للمسائلة

---

في المطار ماحد يسالك عن القبول

يسالون فقط عن الفيزااا


وبالتوفيق يارب

ماتوقع ان القبول ياخذ كل هالمده اذا طول اسبوعين ياعزيزي