رويلي ,,, ولد عمك بحاجتك ,,,, تكفى ,,,

اولا : السلام عليكم ورحمه الله وبركاته وبعد
تكفى وانا اخوك والله اني بحاجتك ,,,,,,

معليش راح ادخل بالموضوع بسرعه :

انا معي بكالريوس لغه انجليزيه وابي اكمل ماستر موارد بشريه ,
واحد من عيال عمي نصحني بجامعه كوينزلاند ,, وبصراحه انا نفسي وامنيتي اروح لها لاني مرتاح لها مره
وللمدينه وحتى مدينه قولدكوست انا مرتاح لها ايضا ,
لو جبت قبول من الجامعه فيه مشكله من طرف الملحقيه مع العلم انا ماستر,
وانا قريت لك موضوع تقول فيه انه مافيه مشكله لكن المشكله في المعهد ,, وانا ماعندي اي مشكله ادرس لغه في اي معهد في المدينه(مع العلم ان لغتي الحمدلله كويسه) وبعدين اكمل في الجامعه ,,,

ابي رايك ,,, ونصيحتك ,,, ومشورتك ,,, تكفى وانا اخوك .
واذا فيه اسئله تبي تسئلها انا تحت امرك ,,,,,,,

اخوي من غير تكفى انا اقول لك تكفى ممن غير تكفى
ترى انا ما فهمت لين الحين وش الموضع وش هو بالضبط
انت تبي تدرس ماستر حلو ربي يوفقك
وتبي تدري بجامعه UQ كمان جميل
لان هالجامعه من اقوى ثمان جماعات باستراليا
طيب بس الحين تبي تجي على حسابك بس وش اللي يضمنك ان الوزاره تبتعثك لانك مثل ما يقولون هالبشر ان استراليا تبي تنوقف مدري توقفت
طارق اخوي اذا انا بيدي شيء ابشر بعزك
بس انت حدد اللي انت تبيه بالضبط
واذا تبي شيء وهو اساسا شيء خاصه ارسل لي على الخاص وانا برد عليك
يا رجال عقب كلمه تكفى لو تبي اتصل عليك ابشر عطني رقمك وانا بكلمك وافهم منك اللي انت تبيه

والله ونعم ,,,, ادري انك ماتقصر ,,, عشان كذا انا (نخيتك) ياراعي العليا
انا انشاء تقريبا امور ابتعاثي الى استراليا ماشيه اوكيه ,
انا اللي ابغاه منك هو :

ابي اسال لو اجيب قبول من جامعه كوينزلاند , الملحقيه اللي عندكم في استراليا راح ترفض الجامعه عشان تكدس الطلاب او انها ماراح تقولي شي ,,,
الشي الثاني : ابي رايك في / مدينه بيرزبن و جولدكوست
انا ابي رايك وش افضل وحده ,,, وماهي الجامعات المعتمده اللي اقدر اجيب قبول منها في المدينتين والغير مزدحمه من الطلاب ( بالعربي وانا اخوك /ابي جامعه معتمده وغير مقفله لتكدس الطلاب لتخصص الماستر موارد بشريه مده الدراسه سنه واحده وهذا اهم شي )
وياليت تسالي طلاب الماستر في تخصص موارد بشريه ,, اكيد عندهم معلومات مفيده راح تفيدني في التخصص والمده والمدينه .

ادري اني كثرت عليك بس والله اني في سباق مع الوقت وارجوك خلك في تواصل معي ,,, تراي ملخبط
مااقدر اراسلك على الخاص ماكملت 30 مشاركه .
الله يوفقك ويسر امرك ,,,,, واسف على ازعاجك ,,,,

اقتباس:

---

المشاركة الأصلية كتبت بواسطة طارق العنزيnz

والله ونعم ,,,, ادري انك ماتقصر ,,, عشان كذا انا (نخيتك) ياراعي العليا
انا انشاء تقريبا امور ابتعاثي الى استراليا ماشيه اوكيه ,
انا اللي ابغاه منك هو :

ابي اسال لو اجيب قبول من جامعه كوينزلاند , الملحقيه اللي عندكم في استراليا راح ترفض الجامعه عشان تكدس الطلاب او انها ماراح تقولي شي ,,,
اخوي ترى جامعه كونيزلاند مااهي موقفه اللي موقفه جامعه كوينزلاند لتكنلوجيا هذي اسمها uq هذيك qut بس التوقيف جاي على استراليا ككل هذا اللي انا سمعتهولا تاخذ مني العلم
الشي الثاني : ابي رايك في / مدينه بيرزبن و جولدكوست
انا ابي رايك وش افضل وحده ,,, وماهي الجامعات المعتمده اللي اقدر اجيب قبول منها في المدينتين والغير مزدحمه من الطلاب ( بالعربي وانا اخوك /ابي جامعه معتمده وغير مقفله لتكدس الطلاب لتخصص الماستر موارد بشريه مده الدراسه سنه واحده وهذا اهم شي )
اخوي بخصوص برزبن والقولد كوست انا بالنسبه لي برزبن مدينه هادي وهذا اهم شيء اهلها حبوبين ومافيه مشاكل مثل سدني وملبور والاهم من هذا وذلك الرخص تعبر ارخص مدينه او ولايه باستراليا وهذا اللي تبيه
وفيه شيء مهم به يكفي اني انا بها ولا هذا موحافز ههههههههههههههههههههه
وياليت تسالي طلاب الماستر في تخصص موارد بشريه ,, اكيد عندهم معلومات مفيده راح تفيدني في التخصص والمده والمدينه .
ااخوي جامعات كوينزلاند والله اللي انا اعرفه معظمها مقفل مو باقي الا كوينز لاند هي اللي باقيه وباقي الجامعات موقفه وابشر ابي اسال لك بهالخصوص ان شاء الله بعد الويكند ابي اهج يمها واشوف من الموجود ومن ماهو موجود وكم مده الدراسه فيها
ادري اني كثرت عليك بس والله اني في سباق مع الوقت وارجوك خلك في تواصل معي ,,, تراي ملخبط
مااقدر اراسلك على الخاص ماكملت 30 مشاركه .
الله يوفقك ويسر امرك ,,,,, واسف على ازعاجك ,,,,

---

يا رجال والله العظيم لا تصير مثلي تستعجل تسعجل واخرتها تطلع لسالفه مثل خوينا كفاني عذاب ولا اي واحد وتتاخر فيزته بس قل ان شاء الله انها سهالات

اخوي الرويلي ,,,, بيض الله وجهك ويسر الله امرك ,, قل امين
اعجبتني كلمه (ابي اهج يمها ) ههههههههههههههه والله ضحكت كثير .

ابي منك خدمه :
ممكن تجيب لي قبول في جامعه معتمده للماستر تخصص موارد بشريه سنه واحده من اي مدينه مو لازم كوينزلاند
او عن طريق احد الطلاب اللي تعرفهم ,, وتكفى في اسرع وقت ممكن لاني موعود باخبار طيبه اذا جبت القبول بسرعه ,,,

في انتظار ردك وانا اخوك .

ابشر اخوووي انا برسل لك على الخاص
وان شاء الله تيسر امورك
ما عليك ازهلها

كفو والله ,,, انا في انتظارك ,,,,,,

الله يسر امورك كلها ,,,, قل امين .