الفزعة ياجماعة أختكم محتاسة (مشكلتي مع مكتب الوكاله الاستراليه )

السلام عليكم ورحمة الله وبركاته

أخواني ياريت تساعدوني عندي مشكلتين:
أول شي انا أنقبلت في جامعة كانبيرا وأوراقي في مكتب الوكالة الأسترالية وبصراحة مرة سيئين ماهم داريين عن شي, كل شوية يطلعولنا مشكلة وانا بصراحه خايفة آخرة إهمالهم تروح عليا البعثة, لو في أحد منكم أوراقه هناك ياريت يطمني ماشية أوراقه ولا لأ؟ لأنه تخيلو لحد دحين ومارسلو أوراقي للقنصلية يعني غنو ياليل مااطولك الين تطلع الفيزا.:ermm:
وثاني مشكلة: أبغى أعرف اذا أحد عنده معلومات عن السكن هناك لأني ماني عارفه أدخل على أية موقع عشان أدور سكن في ولاية كانبيرا وجمب جامعة كانبيرا.
تكفوووووووووون الفزعة ساعدووووني والله ضاق خلقي كثر ماالمكتب بيعقدلي هيا. :sadwalk:

الله يعينك ياااااااارب
الحال من بعضو وانا اختك
من جد المكاتب هذي مهملة
الله يستر بس والله اخدت درس منهم
مااعاد اعتمد غير على نفسي بعد كدا
الله ييسر امورنا جميعا يااااااارب

هذا الشي معروف عن المكاتب اختي .......يمكن يكون السبب هو الضغط عليهم ...

بس انصحك تلاحقين وراهم ...بتتعبين ...بس خليك عالتليفون .......واذا قريبين منك روحي لهم ....لا تسكتي لهم ...ما يجون الا كذا

هلا والله باختي هلابك في كانبرا

اولا بالنسبة للمكتب الله يعينك لان صديقتي صار لها زيك بالضبط وقالو كمان نسينا الورق في الدرج وما رسلناه الين راحت واتصلت عليهم والحمد الله هيا اللحين في سيدني

المكتب لازم تتابعيه باستمرار وتتصلي دايم
والله يسهل لك يارب وتوصلي لنا بالسلامة

طبعا احب اطمنك جامعة كانبرا حلوة وسهلة ومررررة متعاونين وخصوصا مع المحجبات

اما بالنسبة للسكن لاتشيلي هم في سكن قدام الجامعة 5 الى 10 دقايق على رجولك

وهذا الموقع
هذا اقرب حي لجامعة كانبرا اسمه Bruce

http://www.allhomes.com.au/ah/ah0069...es&divid=10009

واذا عندك اي استفسار انا حاضرة

ياعمري عليكم تسلموووووووووووووووووووووووووو ومررررة شكرا تغذية على مساعدتك, منجد طمنتوني. وربي يسرها ليا يارب ادعووولي

أختي أسمعي كلامي إذا تبغي شي من المكتب راسلي المكتب الرئيسي في أي شي تبغيه من المكتب والمكتب إلي هنا أتصلي عليهم الصباح إلين يرودو
أنا را سلت المكتب الرئيسي وأستلمت القبول النهائي من عندهم وإلي هنا مش داري عن الموضوع
وبالتوفيق.....

أختي ما أقول إلا الله يعينك على هذا المكتب تعاملة جداً سيء أنا أوراقي عنده وأهم ميزه في هذا المكتب أنه يضيع الأوراق وينسى المعملات لأنه مافي إلا موضفين فقط هم الي يشتغلوا.أنا صدرت فيزتي وهم ما علموني وما يدروا أصلاً يقولولي إن شاء الله بعد أسبوعين . لكن لا تشيلي هم أهم شي جاكي القبول الأن لا تتعاملي معاهم إتعاملي مع مكتبهم الرئيسي في أستراليا .أطلبي منهم الإيميل وكمان خذي رقم تلفونهم وتابعي بنفسك أزعجيهم بالرسائل والإتصالات طبعا في موضفين يتكلموا عربي لكن أتصلي في وقت دوامهم الساعة 2 في الليل في السعودية.والله يسهل أمرك و كل شي بيكون طيب ان شاء الله.

الله يعينك والله حاسس بمعانتك

انا رحت هناك بنفسي وشفتهم رافعين سماعة التلفون وحاطينها فوق الطاوله وبيتفرجو على الاخبار حقة غزه :crash: :crash:

انصحك تطلعيلهم ولا ادا لكى قريب في الرياض يرحلهم هما جنب وزارة التعليم العالى بزبط في حى الغدير :no1:

جد قمه الاهمال الله يعيننا يارب
انا من امس اتصل مشغول واذا مسك الخط معي يرفعوا ويقفلوا السماعه بوجهي
قمه قله الادب وعدم الاحترام

والله خليت أخويا يروحلهم وانشالله خير, قولتلو لاتطلع من عندهم الا والملف قدامك خارج من عندهم على ارامكس