سؤال بخصوص الترانزيت

السلام عليكم

اخواني اخواتي

رحلتي إن شاء الله الخميس
وفيه ترانزيت بدبي 3ساعات
وش اسوي فيه

وبخصوص العفش اخذه معي اذا نزلت ولا اخليه هم يودونه

للطياره

وشكرا جزيلا لكم

طيب على الماشي


هلا فيك يالغال ي .. توصل بالسلامه

احسبك بتقول 10 ساعات .. او حولها .. اجل 3 ساعات ..

هذي يادوب تكفيك .. تنزل من طياره وتطلع لثانيه .. حقة كوفي ...


الشي الثاني بخصوص العفش .. اذا عفش زياده

افضل واحسن .. واكوس .. وكل اللي تبيه .... انك تقول اب ي استلمه .. في مكان دراستك .. بأخر نقطه بتوصلها .. لا تقعد كل شوي تشيك وتنزل وتحط


بالتوفيق يالغالي


وافــــــــــــي

زين اخوي الوافي اخول لمين ابي العفش عند اخر نقطة اوصلها ؟ هل بمطار الرياض مثلا .
او بالدولة اللي امر فيها ترانزيت ؟

وشكرا اخوي الوافي واخوي راعي الموضوع بعد .

ههههههههههههههههههههههههههههههه حلوه ترانزيت ثلاث ساعات وما تدري وش تسوّي .. الله يرجّك !!

مطار دبي راح يعجبك جوّهـ وبتقول للطيّار أجّل الرحلة ساعتين زيادة لأن ماعندي وقت أتسوّق :D !!

وعلى العفش الله يسلمك راح يتحوّل دايركت على طيّارة ملبورن !
هذي مسؤوليّة الموظّف اللي في مطار الرياض .. هو راح يسوّي كل شي .. انت ما عليك إلا تحط عفشك عندهـ وتحب راس الشنطة وتقول لها الوعد في ملبورن ! وتقص البوردينج !!

بعدين يا ليت تجي الساعه 6 لمطار الملك خالد او قبل .. لأن بعد 6 بتشوف زحمة الهنود والشغالات .. والله إن السرا يوصل برّا المطار من كثرهم هم وعفشهم !

تعال بدري وقص بوردينج بدري وبعد ما تقص البوردين خذ لك كم فرّة على مطار الملك خالد ورح للكافيتيريا وبس !!


هذا اللي عندي !


وتوصل بالسلامة !

كلام جميل .. دكتور عبادي ...



عندي بس شوي زياده على كلام عبادي ..

اذا قلت للموضف في الرياض .. ابي استلمها مثلا" في ملبورن ..

يقص لك تيكت .. صغير .. تخليه معك فيه رقم شناطك .. حلووو

خليه معك .. واي نقظة ترانزيت تمر فيها .. اسألهم قبل تقلع من المطار حق الترانزيت .. هل تم الشحن لشناطي (لزيادة الحرص والتشييك وإلا مايحتاج تسألهم ) وكم عددهم ..

طبعا" حسب اذا الطياره بتتغير وإلا لا بالترانزيت .اذا الطياره نفسها ارقد وامن ولا تسأل ولا تسوي شي ..


< --مسوي فاهم هع



دمتم بود جميعا"



وافي

خذ معاك جريدة الشرق الأوسط وفي الترانزيت إجلس إلعب سودوكو :D

طريقة مجربة :D فيها حل لمشكلتك بإذن الله ..

من جد 3 ساعات ولا شي ... في كشك صغير في مطار دبي يسوي لك مساج رجول مررررررررررررررررررررررة خطير :) بتعدي 3 ساعات وبيجون يحبون راسك تقوم من الكرسي عشان تركب الطيارة :)
وبالنسبة للعفش عندك بالرياض ياخذونه ولا تستلمه الا في المكان اللي بتوصل فيه ..