&% من المطار .. الوزن المسموح به على طيران الاتحاد %&

السلام عليكم ..

انا الان في مطار الملك خالد الدولي في جدة .. وطالع على خطوط الاتحاد الى ملبورن

( الوحيد من السعودية الى ملبورن على هادي الرحلة ) كلام موظف الخطوط..

الموووهم .. في كم واحد سألني عن العفش والوزن .. وخصوصا Shine و Misoma .. وباقي الاعضاء

الوزن المسموح فيه 20 كيلو بس .. والهاند باق 7 كيلو بس ..

انا اخدت معايا شنطتين كبيرة .. وملييييتها ع الاخر .. وطبعا .. تورطت ع الاخرررر ..

طلع عندي وزن زائد 25 كيلو .. والله مررره ما اتوقعت كدا ابدا .. يعني الشنطة مو مرررة كبيره .. واخدت الضروري بس

من هنا من هناك .. الادمي قلي خلاص احسبها لك 15 كيلو زيادة ..

كل كيلو زايد عليه 113 مية وتلطعش ريال ..

وزي الطيبين 1700 الف وسبعمية ريال ... والله صقعة جاااامدة ..

فحبيت انبهكم عشان لا تتورطوا زيي .. حاولوا تشحنو عن طريق المكاتب .. او تخففوا شنطكم ..

وتمنياتي لكم برحلة سعيدة ..

Peace

EEE مررررررررررررررة شكرااا تسلم و اللله

و الله يوفقك يارب من جد لازم من دحين اعمل حسابي مرررة كويس في العفش

و ياارب توصل بسلااامة و انشاء الله ماتحس بطول المسافة دي ياارب

الله يسعدك دنيا و اخرة يا رب
ومرررررررة شكرا ليك لانك نبهتنا
من دحين لازم نبدأ تخفيف زيادة يللاا ان شا الله خيير
ان شا الله توصل بالسلامة :)
بس سؤال كيف لقيت طيران الاتحاد ؟؟؟

قصدي طيران الاتحاد كان كويس ولا يعني مش فد كدا ؟
معليش تقدر تفيدنا ايش سويت فالسكن المؤقت و الدائم ؟؟
ومررررة شكراااا :)

اهلييين ..

الحمد لله وصلت بالسلامة .. المدينة والجو والناس .. فيري نااااايس

الرحلة كانت طويلة ومتعبة .. اكتر من 13 ساعة ..

بس اللي خفف التعب شوية .. انو الطيارة فاضية .. واخدتلي الاربعة المقاعد اللي في النص .. وانسدااااح ونوووم.. احسن من الدرجة الاولى هههههه

السيرفس في الطيارة مرررره كويس .. وكل شي تبغوه تحصلوه .. يعني بصراحة طيران الاتحاد روعة .. ومن احسن ما يكون

نصيحة مرررره مهمة .. خدوا معاكم جكيت في الطيارة .. برررررد .. لا تنسوا مهم مررره

انا دحين حجزت اسبوع في فندق يبعد عشرة دقايق مشي عن الجامعة ( موناش ) فرع كوفيلد تبع الانقلش

لسا دا اول يوم ليا .. بس استنوا عليا يومين تلاته .. واديكم تفاصيل اكتر..

لا تنسوا تجيبوا معاكم فيش .. ضروري .. اللاب توب تبعي حيقفل شوية .. والجوال قفل من زمااان .. وملابسي مكرمشة ماني قادر اكويها .. كلو لانو ما معايا فيش ..

هادا اللي فبالي دحين .. واديكم التفاصيل قريب في موضوع مستقل ..

Peace

السكن مو مشكله

المشكله ان اغلبكم يبي يسكن بالسيتي ورخيص كمان هذي ماحد لقاها ابد واللي حصلها شخص محظوظ ما شاء الله عليه

بس اللي يبي اسأل له عن سكن انا مستعد

الحمدلله على سلامتك و اخيراا في ملبورن مرررة كويس

يارب تتوفق و تلاقي بيت و انشاء لله تنبسط و شكرااا على المعلومات

EEE الحمدلله على السلامة ، حبيت اسألك عن الفندق اللي انت فيه لانه انا جاي على موناش فرع كوفليد ان شاء الله

الله اعطيكم العافية يا رب
و حمدلله عالسلامة :) و بنستنى تفاصيل عن السكن D:

الحمد لله ع السلامه
اخي الفاضل اذا احتجت اي شي انا حاضر
انا ادرس في جامعه موناش
معهد اللغه في حرم كوفيلد
اذا احتجت اي حاجه الخاص موجود

تحياتي

اخوك محمد

بالنسبة للفندق او بالاصح الموتيل اللي حجزت فيه .. اسمو Evancourt

تلاته نجوم .. عشرة دقايق عن جامعة موناش فرع كوفيلد .. قريب من محطة القطار ..

لا يوجد مسجد قريب .. لا يوجد مطاعم حلال قريبة .. باقي الاماكن زي السوبر ماركت قريبة نسبيا ..

غرفة بسرير واحد وحمام مشترك 49 دولار

سريرين مزدوج او منفصل وحمام خاص 70 دولار

ثلاثه سرر وحمام خاص 120 دولار

الموتيل نظيف ..فيلو تويستر .. شاهي ميكر ..هيتر

بس ما فيلو خدمات .. مغسلة .. مكرويف .. مكوى

الانترنت 5 دولار في اليوم ومرررره بطيء

السيرفس روم سيئة ..

مستوى الامان ممتاز ..


ادا حجزت مدة طويلة يعملولك ديسكاونت..

الموقع ::

http://www.evancourt.com.au/

شكرا اخوي EEE على ردك بس من كلامك انك ماتشجع على الموتيل هذا لانه شكله منعزل شوي