استفسار ,,فزعتكم يا اخوان الله يفرج همكم ويجزاكم خير

السلام عليكم ورحمة الله وبركاته

اخواني ابي فزعتكم بما اني ما اعرف عن استراليا شي يا ليت كلكم تفيدوني من جميع النواحي وربي يجعلها فميزان حسناتكم

سالفتي: انا مبتعث بامريكا تخصص هندسه صناعية(Industrial engineering) وله مسمى ثاني (System engineering) خلصت سنتين بالجامعه لكن انلغت فيزتي بدون اي سبب يذكر!!وقدمت على فيزا ثانيه وانرفضت ,حسبي الله عليهم ونعم الوكيل ولعلها خيره يا رب والحين احتمال كبير انقل بعثتي لاستراليا

انا خلصت 60 ساعه ,,
ابي جامعه تعادلي المواد او على الاقل تعادل اغلب المواد ؟
هل الدراسه صعبه او عاديه؟
وش الجامعات الي فيها تخصصات هندسيه وامورها سهالات وفيها سعوديين ؟

واذا في احد او تعرفون احد درس بامريكا وحول لاستراليا يا ليت يرد علي والله يفرج همكم

حياك أخوي سعود
بالنسبة للجامعات في ولاية غرب استراليا فهي اربع جامعات وهي من حيث القوة والصعوبة من وجهة نظري كالتالي:
جامعة غرب استراليا The University of Western Australia
جامعة كيرتن Curtin University Australia
جامعة ميردوك Murdoch University in Perth Australia
جامعة اديت كاون https://www.ecu.edu.au/
لكن بالنسبة للمعادلة ووجود التخصص للأسف لايوجد لدي المعلومات الكافية لإفادتك بذلك لكن بإلامكان الدخول لموقع الجامعة والنظر في التخصصات الهندسية ومن ثم التواصل معهم بالبريد لمعرفة ذلك.
أما من ناحية مدينة بيرث فهي هادئة وبيئتها ممتازة جداً للدراسة وهي انسب إلى حد كبير بالعوائل. وبالنسبة للشعب الاسترالي ودود ولايوجد لدية مشكلة مع الجنسيات الأخرى والحمد لله لم تسجل حالات اعتداء عنصرية على حد علمي
أتمنى من الاخوة الدراسين في التخصصات الهندسية افادتك اكثر