والله اللي بتورط من جد ياسكان بـيـرث
السلام عليكم .... مساء الخير
اخواني انا رحلتي لبيرث في 17 نوفمبر وبوصل هناك في 18 نوفمبر الساعه 2 صباحا
انا مستعد للسفره ...
لكن تفاجات ان بعض الطلاب قالوا لي ان مافيه ملحقيه في بيرث
وقالوا على كذا لاوصلت هناك بترسل اوراقك للملحقيه .. وانتظر لين يجيك الرد مع المكافئه
المشكله يقولون ان الرد يمكن يجيك في اسبوعين او ثلاثه او شهر ...
وانا بصراحه ياشباب ماعندي استطاعه اني ادبر فلوس لاكثر من اسبوع ونص
سؤالي يالطلاب اللي في بيرث .... كم اخذت منكم الاجراءات لين جاتكم المكافئه ؟؟
والله هالشي خرب لي وناستي ...
السؤال الثاني لو تكرمتوا ... الحين كيف جو بيرث ... فيه برد ؟؟ لاني بشوف اشري ملابس شتويه هنا والا هناك ...
وربي يعطيكم الف عافيه
رد: والله اللي بتورط من جد ياسكان بـيـرث
الله يكون في عونك
هنا في النصف الجنوبي من الكره الارضيه الجو عكس الجو في النصف الشمالي
يعني لو في السعوديه شتاء هنا صيف
ولو هناك صيف في استراليا شتاء
رد: والله اللي بتورط من جد ياسكان بـيـرث
هلا بك اخوي
والله ما عشنا لا تورطت في بيرث وحنا هنا
بعدين مدامك شرقاوي وش رايك تجيب لي معاك شغله من الشرقية وابشر بالفزعه هنا
بعطيك ايميلي وانا بحاول ادبر لك سكن رخيص تسكن فيه مؤقت اذا ودك
مع ان الوقت ابد ما يسمح لكن بحاول وان خربت ابشوف لك واحد من اخوياي العزابية تسكن عنده
بعدين ما عليك من اخوياك
انت جمع اوراقك المطلبوة للمحلقية كلها وارسلها باسرع وقت وهم يرسلون لك المكافاة خلال اول راتب
مشكلتك بتوصل على يوم نزلة المكافاة فما ادري راح ينزلون راتبك عالشهر اللي بعده او على طول خلال اسبوعين
انت عاد الله لا يهينك حاول تدبر لك 5000 الاف ريال وانا اظمن لك راح تكفيك
موفق