القبول النهائي من فلندرز تأخر تكفون يااهل ادليد وش الحل؟؟

اخواني عندي قبول من جامعة فلندرز تخصص باراميدك وراسلت الجامعه للقبول النهائيcoe

له اكثر من 20 يوم وماوصل.. ودراستي في معهد ilei في شهر فبراير . وعملت ا لفحوصات

الطبيه لكن لازم القبول النهائي على شان الفيزا. وصلني القبول النهائي من المعهد coe

لكن اعتقد لو قدمت على الفيزا بقبول المعهد ممكن الفيزا تصدر بمدة الدراسه في المعهد

وانا ودي تجي الفيزا على مدة الدراسه كامله افضل من التجديد فيما بعد .

واذا فيه احد في نفس الجامعه يقدر يخدمني ..او احد عنده حل اورأي لموضوعي

والله لايحرمكم الأجر ويوفق الجميع..

السلام عليكم
انشاء الله تتيسر امورك راسلهم واستفسر عن القبول النهائي(( فيه واحد اسمه ستيف بروكس))
تراء بعض الاحيان تكون عندهم لخبطة
بالتوفيق انشاء الله
majed

paramedic 997

الله يعينك ويوفقك .. ولكن بقولك اشياء .. تحصل وحاصله معي شخصيا"

اولا" يجب ان تعرف .. اذا القبول .. حقك .. الاول . من مكتب .. لازم نفس الايجنت ( المكتب ) هو اللي يرسل لك .. ويحصل على السي او اي .. يعني .. ماراح ترسلك الجامعه اي قبول .. راح تراسل المكتب نفسه .. ولا راح ترسل لإي ايميل اخر

الشي الاخر .. اذا انت . مقدم .. بنفسك .. تابع معهم . وراسلهم .. لين تحصل .. لإنهم جدا""""" متعاونين .. ولا راح يتأخرون في اي قبول إلا بأسباب

الشي الاخر ايضا" .. اذا انت راسلتهم من مكتب .. والمكتب .. قاعد .. يصرفك .. ويقول ماوصل لنا القبول .. ومن ذا الكلام .. تابع مع المكتب .. لإن كل المكاتب اللي بالسعوديه متعاقده مع مكاتب في استراليا .. والمكاتب اللي بأستراليا .. هي تراسل الجامعه .. يعني الله يعينك

الشي الاخير .. في حالة قبولك من المكتب . وقام يماطل فيك .. ويصرفك .. عندك .حل وهو
تبداء تراسل الجامعه .. بنفسك .. وتحاول معهم .. وتشرح لهم .. كل شي .. وتذكر ان الايجنت ( المكتب) اللي جاب لك .. القبول.. يصعب عليك التواصل معه .. وإنه ما كان متعاون .. وترغب في الحصول .. على نسخه .. من السي او اي علشان تطلع فيزتك ..

والشي هذا يحتاج .. منك متابعه .. ومراسله .. وراح يرسلون لك بأذن الله

بالتوفيق لك

الـــــــوافـــــــي

لكن هل السفارة تضيف لمدة الفيزا " فترة الجامعة إذا كان قبول
الجامعة نهائي coe لكن لابد من اجتياز المقابلة الشخصية ودرجة 7 في الايلتس"
.
.

big dady
شكرا لمرورك وجزاك الله خير

الوافي
والله ياخوك انا اراسلهم عن طريق مكتب وكل مااكلمهم قالو لسى ماوصل
لكن زي ماقلت ابرسلهم ان المكتب صعب الوصول له وعساهم يرسلون لي coe
والله يكتب اجرك ان شاء الله

audio
مدري وش تقصد بالضبط انا جاني coe من المعهد لكن اذا قدمت على الفيزا بقبول المعهد
تصدر الفيزا على مدة دراسة المعهد وتحتاج تجديد فيما بعد فعلى شان كذا انتظر قبول الجامعه
وشكرا لمرورك الكريم ويجزاك الجنه ان شاء الله .

paramedic 997

يالغالي .. الله يعينك .. مدام من مكتب .. لإنك لو شفت قبولك ... بتحصل .. في ورقة القبول .. من اعلى .. مكتوب .. ايميل .. المكتب .. واسم الشخص .. وصدقني بتحصل الايميل .. وصاحب الايميل ..استرالي .. لإن هذي حركة المكاتب

وانا شخصيا" نفس .. مشكلتك . كانت معي قبل .. بالظبط ... ومع مكتب .. الرحلات الذهبيه .بالسليمانيه .. تعرف جاب لي الهم والغم .. والالم .. وكل معاني الاكتئاب ..
واخر شي يوم طفح كيلي .. ولا فيهم اي فايده .. قدمت بقبول اللغه .. وجيت بفيزتك اللغه .. ويوم جيت الجامعه .. وقلت لهم .. قالو يالوافي .. احنا .. نرسل للمكتب .. هو المسؤل الاول والاخير .. ولا لنا علاقه فيك ابدا" ابدا"

والحمد لله .. الامور مشت على مايرام .. ولكن .. ماكنت اعرف عن موضوع .. ان فيه .. فرصه إني احصل على نسخه من القبول .. لو ارسلت .. لهم .. ولحيت عليهم .. وانا برسلك ايميل واحد
بمكت . القبول والتسجيل في فلندرز
وراح يخلص امورك .. بس ضيق عليه الخناق هههههههههههه
وقل الايجنت .. مره .. ما ارسلي .. وانا محتاج القبول على شان الفيزا .. طبعا" تضيف للأيميل .. صورة جوازك .. وصورة الضمان المالي ..

وبأذن واحد احد .. راح يرسل لك ... القبول النهائي .. ولكن .. يجب ان تصبر .. اسبوعين على بال مايطلعونه لك ..


الــــوافــــــي

الله يوفقك يالوافي ويجزاك خير ويسهل دربك ويسر امور دراستك..

الله لايهينك اذا فيزت بقبول المعهد وسافرت هل اجراءات تجديد الفيزا على

مدة الدراسه هناك هل هي سهله لأنه قالو ممكن مايوافقون على التجديد

الا لازم ارجع السعوديه واراسلهم من هنا من السعوديه.

لأن الدراسه في فبراير والفيزا يبغى لها تقريبا شهر او اكثر ..

والله اني محتار عسى الله يسر الامور..

هلا يالغالي

موضوع تجديد الفيزا .. عادي تجدد وانت هنا .. بسيط الموضوع ..

ولا يحتاج ترجع لسعوديه


لكن .. موضوع .. إنك .. حتى لو وصلت .. هنا .. وطلبت .. قبول نهائي .من الجامعه coe

ماراح يعطونك .. لين تخلص اللغه .. نفس وضعي ..

جيت الجامعه . وقلت .. لهم عطوني .. قبول نهائي علشان الفيزا .. قالو لا .. مدامك وصلت . استر اليا .. ابشر من عيوننا نعطيك .. بس اول شي .. خلص اللغه .. او جب قبول .. لغه وسوي بكج .. مع بعضهم ..

انا اقولك .. لا تفكر بذا الامور راح تتعدل بأمر الله ..

بس انت .. شف .. المكتب .. لو شفت مافيه .. تجاوب مره .. ولا فيهم فايده .. ولا الجامعه .. تجاوبت وارسلت لك .. القبول . النهائي قدم بقبول اللغه وتعال .. وبعدين .. تزين الامور


بالتوفيق لك يالغالي


الـــــــوافـــــــي

الله يوفقك يالوافي ويبيض وجهك ان شاء الله

قضاءك الوقت معنا في هذا المنتدى والله انه محل تقدير للجميع

وجميعنا مديونيين لك بمعروفك وخدماتك لنا..

زي ماقلت اما المكتب والله مافيه اي تجاوب تلفونات مايردون

وايميلات مايردون ولا حولك احد ..

راح انتظر واخاطب الجامعه واذا مافيه فايده ممكن افيز بقبول اللغه والله يعين ان شاء الله

للمعلوميه يااخوان المكتب هو مكتب آيجك (igec)

ابشركم يااخوان وصلني اليوم القبول النهائيcoe

طبعا كلمت المكتب بعد محاولات من تكرار الاتصال

وكلمني شخص وشرحت له وضعي .. وقلت ترى وضع مستقبل مكتبكم

في خطر .. الناس تشتكي من تعامله وعدم الرد على الإتصالات

وكل اعضاء المنتديات كاتبين انهم راح يشتكون على الوزير

بعدم التعاقد معكم مستقبلا فرجاء حسنوا وضعكم .. قال لي لحظه

وحولني على وحده ثانيه وكلمت المشرفه شوي وكلمتني بنت

وقالت وصل القبول قلت ارسليه على الإيميل ..

والله ماقفلت الخط والا القبول موجود عندي ..

ووجدته وصل من قبل 4 ايام لكن ماارسلوه لي ..

فأقول الذي له شي يطلب مدير المكتب النبراوي

ويشرح له الوضع .. عسى الله يسر امور الجميع .