عرض للطباعة
شباب ليت أحد يساعنى
جانى قبول بس مدري تمشي الأمور في إدارة الأبتعاث بوزارة الصحه وإلا لا ...
يقول
CONDITIONAL OFFER
CONGRATULATIONS on obtaining this place at INTO University of East Anglia.
I am pleased to inform you that you have been offered a conditional place on the following course:
Foundation Science - Pharmacy, Biomedicine, Health - January Start - TBC
إلخ ....
تتوقعون بتمشى أموري بإدارة الأبتعاث وإلا لازم معادله ؟؟؟:dry:
لها الدرجه سؤالى صعب ياساتر؟؟؟؟
وإلا ماحد فاهم وش السالفه
السلام عليكم
اتمنى الشباب اللي من وزارة الصحة يجاوبونك بشأن إدارة البعثات في وزارة الصحة
بالنسبة للخدمة المدنية
القبول اللي قدمته مع اوراقي كان نفس نوعية القبول اللي معاك CONDITIONAL OFFER
والحمد لله صدر لي قرار ابتعاث بناءا عليه
بس انا لست من وزارة الصحة
الله يوفقك
الله يجبر بخاطرك يا حتروف
ويجزاك خير
يارب تيسرها من عندك وتمشي الأمور من إدارة الأبتعاث
اللي مبين نوياها شر الله يكفينا شرها ... :gun2:
بحكم خبرتي الطويله مع التدريب والإبتعاث
التي تمتد إلى 7 سنوات
بجاوبك
إذا أصبت فمن الله وإن أخطأت فمن نفسي ومن الشيطان
أولا موضوعك مو واضح
هل أنت قدمت طلب إبتعاث جديد
هل أنت قدمت بتغير دوله الإبتعاث
مكتوب دوله الإبتعاث الاردن
على كل بجوابك بجميع الحالات
أولا لنفترض أنك موظف وقدمت طلب جديد لإبتعاث
بحكم أنه أول طلب للإبتعاث
فنعم قبولك المشروط مقبول حتى بدون معادله من الجامعه
يعني لو عندك دبلوم وقدمت ع البكالريوس
لو ماعادلوا لك مهيب مشكله
طبعا أن أتكلم عن دول تصنيفها أ
أوربا وأمريكا استراليا ...
نجي للشق الثاني إذا كنت مبتعث وتحاول أنك تغيير دوله البعثه
فعندك اربع حالات
إما انك تحول من أ إلى أ
فهذا عادي ولا يلزم معادله أهم شئ قبول نهائي وليس مشروط
أهم شئ مايترتب زياده سنوات دراسيه
أو أنك تحول من ب إلى أ
فهذا سهل جدا جدا جدا
وحتى بدون معادله لكن أهم شئ قبول نهائي وليس مشروط
ويمكن التغاضي أحيانا عن الزياده في عدد السنوات
وهذا عطفا على
على الدرجه والتخصص وإحتياج الوزاره
أما الحاله الثالثه
من ب إلى ب
هذا صراحه مالي خبره فيه ما ابي افتي من راسي
الحاله الرابعه
من أ إلى ب
هذا صعب جدا جدا
المتطلبات
واسطه+ضروف جدا قاسيه+حب خشوم+قلوب رحيمه+دعوات الوالدين
هذا مالدي
وأتمنى أن يكون ردي كافي وواضح لإجابة أسئلتك كلها
لاتنساني من دعواتك
وأي أستفسار أنا بالخدمه
جزاك الله وجعله الله في ميزان حسناتك .
ويارب تيسر لك أمورك وتوفقك بدراستك .
للتوضيح
أنا موظف
مبتعث من قبل وزارة الصحه
معاى دبلوم ثلاث سنوات
فنى صيدله موظف حكومى
طبعا قدمت على كذا جامعه بكالوريس صيدله وللحين ماجانى رد
جانى رد من جامعه ايست انجليا ببريطانيا
قبول فونديشن بدون معادله .
السؤال
هل هذا القبول ما يرفض بإدارة التدريب والأبتعاث ويقلون لازم معادله وإلا يطلعون لك بكلام ثانى ؟
الله يعطيك العافيه
ياحبيبي دامك مرشح للإبتعاث
و معك قبول من جامعه معترف فيها
مايلزمونك بالمعادله خصوصا أن الدوله تصنيف أ
النظام معاك 100% خصوصا إنه طلب جديد
بالتوفيق وعقبال الشهاده
ماعليك يانواف وضعك طيب ومايطالبونك بالمعادله
صديق لي راح امريكا ومعه دبلوم وقبوله اربع سنوات بكالوريس وسنه لغه وماطلبوا لامعادله ولاشي
بالتوفيق
waswere
الفيصليه2000
.
جزاكم الله خيرا وكثر من امثالكم
الله يجعله في ميزان حسناتكم .
ماقصرتوا .
الله يسر أموركم في الدنيا والأخره .
( ريحتونا )
سيتم قبول طلبك وان شاء الله تتوفقك وعلي البركه