السلام عليكم و رحمة اللله و بركاته ,,,
شباب خريج قسم الشريعة و المتوظف بوزارة الدفاع برتبة ملازم بأقدمية سنة هل يمكن له الأبتعاث لدراسة القانون في كندا؟
عرض للطباعة
السلام عليكم و رحمة اللله و بركاته ,,,
شباب خريج قسم الشريعة و المتوظف بوزارة الدفاع برتبة ملازم بأقدمية سنة هل يمكن له الأبتعاث لدراسة القانون في كندا؟
هلاً وسهلاً
يشترط ان تخدم سنتين قبل الابتعاث
بالاضافة الى ان يكون معدلك في الجامعه جيد
بالتوفيق
ساعدوني ياهل الخبرة :انا مبتعثة وزوجي طلب الحاق وافق مديره المباشر والاعلى منه وذهبت المعاملة لوزارة الدفاع ماهو مسار المعاملة ؟اين ستذهب؟كم تاخذ وقت علما باننا حجزنا التداكر في 28-6-2011م رتبته وكيل رقيب
ودكروا لنا انه يمكننا السفر ومتابعتها من هناك ؟ شوركم ياهل الخبرة ؟ماذا نفعل مع الملحقية صعب علينا نرجع بصرفية تذاكر عشان المعاملة وشكرا
من رفع معاملة زوجك الى اصدار القرار ياخذ من 4 أشهر إلى خمسه أشهر كحد تقريبي
يعني لا زم زوجك ياخذ اجازه استثنائيه الين يصل قرار الحاقك
أو يقدر ياخذ اجازه اعتياديه لمدة شهرين حتى صدور القرار (( ولكني لا انصح في الطرقتين كلها ))
انتظري أنتي وزوجك بالسعوديه لين يصدر قراره لماااذ؟؟؟
أنا راح اقولها لك بالتفصيل
1. حتى لايذهب رصيد الاجازه الاستثنائيه سدى (( الافضل انكم توفرونها للشي اكثر من كذا يعني شلووون بكره راح يلحقون زوجك مدة سنه وراح يمدد سنه ثانيه بعدها يمكن ماراح يمددون له لأنه صعب وليس مستحيل في هذه الحاله يقدم اجازته الاستثنائيه )) يعني لا يستعجل فيها اللحين .
2. أنتي اللحين بالسعوديه تقدرين تأجلين الرحله والبعثه وترفعين خطاب لوزارة التعليم العالي (( البرنامج )) بطلب تمديد قرار ابتعاثك انتي وتحطين من ضمن مسوغات خطابك لطلب تمديد القرار صوره من مرفوع عمل زوجك لمعاملته وتفيدين بأنها تحت الإجراء وراح يأجلون لك للوقت اللي تبين (( طبعاً متى تأجلين ؟؟ عند نهاية قرار ابتعاثك والذي ينتهي بعد 3 أشهر من إصداره )) مع اخذ بالحسبان مكتب تجسير لطلب قبول جديد قبل الطلب بتقديم التأجيل أو التمديد.
3. أكثر اللي اعرفهم سوو نفس اللي قلت لك وأنا أولهم وهذه للمصلحه ما احد يدري الدنيا وش تصير عليه ... وبالتوفيق يارب
الله يوفقك ياابو بدر دعوة من القلب الله يستجيبها قل آمين: انت متاكد اننا المعاملة تاخذ هالوقت4-5شهور معقولة انا قاعدة الم عفشي ومحتارة اني ارجع افك الكراتين احنا قدمنها ابتداء من 1-7-1432هـ والحمدلله ماشية هو مدعوم شوي والله اعلم يعني برايك اجل الرحلة
وهل ندفع رسوم لتاجيل الرحلة ولا عادي
س/ماهو مسار المعاملة (الطريق الي تسلكه ياخي الفاضل )؟بارك الله فيك
س3/ماذا تقصد بالالحاق قصدك صعب يتمدد الالحاق بعد سنة طيب بعثتي اربع سنين؟
ما ادري من ناحية الرسوووم بس اتوقع نعم
ومن ناحية مسار المعامله من شؤون الافراد تتحول لعمل ملاحظات امنيه عليها للموافقه اذا لم يكن عليه شي منظور فيه من قضايا أو خلافه ( اللي هو تحت مسمى المسح الأمني ) في قسم الاستخبارات وهذا ياخذ من شهر الى اثنين كحد اقصى بعدين تحول لشئون الافراد وهم يحولونها لمدير ادارة القوات البريه ويبدي عليها موافقته بعده ترجع لشئون الافراد ويعملون عليها خطاب مفاده ( توصيه بمنح المذكور الحاق ) وتتحول للاداره مره ثانيه وهم يوقعونها وتروح قائد القوات ومن هناك رئيس هيئة الأركان الا اذا كان عمد رئيس هيئة الاركان قائد القوات عنه بعدها ترجع لشئون الافراد لإصدار القرار ويروح القرار لهيئة إدراة القوات لتوقيعه وبكذا خلصت المعامله.....وبالتوفيق يارب
أول سنتين من الالحاق سهله جدا لأنها من صلاحيات رئيس هية الأركان مابعد السنتين تكون من صلاحيات الوزير وهذه ما ادري عنها هل هي صعبه أو سهله لأني ماجربتها للحين باقين بأول الطريق ولكن على حسب ما اسمع اللي يقول عادي يمددون واللي يقول لازم واسطه والله اعلم....وبالتوفيق يارب