اذا ممكن تساعدوني احط البعثه براسي ولا اشيلها ..

السلام عليكم ورحمة الله وبركاته ..

اتمنى يكون الجميع بخير وراحة بال ..

عندي استفسارات كثيره اذا ممكن تساعدوني ..

انا واختي نرغب بالابتعاث لدراسة الطب

مشكلتنا ان الوالد طول الله بعمره ضابط بالداخليه برتبة عقيد ومستحق رتبة عميد ..

الوالد محرمنا الوحيد ..

الوالده متقاعده من قطاع التعليم

عندنا ثلاث اخوان ذكور مابين سن 14 و10 سنوات .... واخت عمرها 3 سنوات ..

ودي اعرف وضعنا كيف راح يكون .. في حالة ان الوالد كان مرافق لنا

هل يتقاعد ؟

او يسمح له بالمرافقه على نفس راتبه ؟

يهمني اعرف وضع اخواني واختي ... يحق لهم الدراسه بالخارج ؟

هل يصرف راتب لهم وللوالده ؟

فهموني كل شي اذا ممكن

ربي يسعدكم دنيا واخره ..

ماابي نبني احلام ونتحطم ولا نبي نضغط على الوالد مادياً

مع العلم الوالد عليه اقساط لمؤسسة التقاعد بسبب شراء بيت ملك

والوالده عليها قسط بنكي على راتب التقاعد ..

اكيد فهمتوني


دعواتي لك من يتجاوب معي

كل اللي اقوله الله ييسر لكم الصالح ويوفقكم ان شاء الله الاخوان يفيدونك

يارب يوفقك ..

وتسلم على الدعوه ..

ماقصرت وربي يكفي مرورك وتشريفك اخوي ..

اكيد الاخوان والاخوات ماراح يقصرون .. ثقتي بالله ثم فيهم كبيره ..

تكفون عطوني معلومات تريح بالي الله يريح بالكم ..

.

السلام عليكم

اول شي انتم طالعين على حسابكم وبرنامج خادم الحرمين

اذا كان تبع البرنامج ومالك الا ابوك مرافق فحسب النظام يقدر ابوك ياخذ اجازه استثنائيه
لكن ابوك رتبته عاليه يعني اذا بيوافقون له يمكن يقاعدونه مستحيل يوافقوله على اجازه استثنائيه وهو برتبة عقيد وعلى وشك عميد

الامر شوي صعب ( هذ اللي يبدو لي)

لكن ادرسي الطب هنا حتى لو تعليم موازي اهون لك من الغربه
والله يوفقكم

هلا اخوي

ربي يرضى عليك على هالرد

ايوه ان شاءالله ابتعاث على برنامج الملك عبدالله

الوالد احتمال يعلق عميد بعد سنه واحتمال اكبر انهم يقاعدونه على العميد

انا واختي نبي البعثه الدراسه برا احسن بكثير من هنا

وبعد افكر بأخواني طريقة التعليم والتلقين عندنا عقيمه

ودي تعليمهم يكون تعليم مهاري وامريكا معروفه ان التعليم عندهم مرن

ابي معلومات عن المحرم

الاجازه الاستثنائيه مقطوعة الراتب والوالد عليه اقساط وحرام اضغطه ماديا

ودي بالالحاق او التقاعد

وامي لو رافقتنا مع اخواني لهم راتب من الملحقيه

والدراسه كيف بتكون لاخواني يعني يعادلون شهاداتهم او فيه اكاديميه

مدري اسأله كثيره لازم اعرف اجاباتها عشان نقدر نقرر انا واختي

لا تحرموني من خبرتكم بليز

شكرا اخوي وربي ماقصرت

معقوله مافيه احد عنده اجابه على اسئلتي

ترى سويت بحث بس مالقيت اجابه تشفي

يارب يسخر لي من يعرف اجابات على استفساراتي ويريح بالي

بالتوفيق

.

يالله معقوله محد عنده رد لي ..

طيب ناقشوني يمكن انا غلط يوم فكرت بالبعثه ..

لاتعتقدون ان عمري 18 سنه اني ماراح اقدر اناقش ..

بليز عطوني وجه .. والله تكسبون اجري ..

عن جد جاني احباط واحس حماسي قل عن اول ..

طيب ردو على الاقل وقولو ماعندنا فكره او قولولي انتي غلطانه وضعكم صعب ..

مدري وش اقول ..

على كل حال مشكورين وماقصرتو وربي يوفقكم بغربتكم .. وترجعون للوطن رافعين الراس ..

هلا وغلا اختي
المشكله ان القسم ذا قليل الي يدخلونه
لذالك انتي اصبرري وان شاء الله تلقين الجواب الشافي
لكن انا ماعلم شي
انا عسكري ولكني فرد يعني عريف ،
والضباط ماعلم عن امورهم شي
ولكن ابوك رتبته ماهيب سهله شي كبيرر ،
واتوقع ولاني متاكد ، اذا كانت الدوله الي مخترتها انتي واختك امريكا
ماراح اصلا امريكا توافق ان يكون ابوك مرافق ، هذا شي اتوقعه ، وطبعا اسباب براسي ولا اعلم
يعني لاتاخذين كلامي هو الصح انا اعطي فرضياات

،
لكن اذا تبين الجواب الشافي والكافي
تحصلينه عند صاحب الامر وهو بيكون ابوك
يروح ابوك ويسأل
لان صراحه اجازه استثنائيه ، لبوك انتي ماتنفع ابدا ابدا وشيلي فكرة الابتعاث
اقل مابه الى السنه القادمه ، وسجلي من جديد
وان شاء الله تتسنع امورك

تسلم اخوي خليل

والله ماقصرت ..

انا فاهمه كلامك ليش ماراح تقبل امريكا ان يكون الوالد مرافق

لكن لو تقاعد برضوه بتكون لهم نفس النظره ؟

وعارفه كمان ان الاجازه الاستثنائيه صعبه ..

لكن كان عندي امل ان فيه طرق ثانيه

ماقصرت وربي وان شاءالله يسعدك ربي بأعلى الرتب

دعواتي