عرض للطباعة
السلام عليكم ورحمة الله وبركاته
حاابة أسأل الاخوان العسكريين في هالقسم
انا زوجي عسكري في الحرس الوطني وبيقدم اجازة استثنائية بس يقوول في حال انهم رفضوو بقدم فصل نظامي
وبحاول ادرس في امريكا وان رجعنا السعودية وهو مادرس او مالقى وظيفة يقول بسوي اعادة خدمة
بس اللي بسأل عنه الحين هل العسكري المفصول نظاما ممكن انه يسوي اعادة خدمة بسهوووله والا الموضووع صعب
تكفووووووووووون جاوبوني
وعليكم السلام ورحمة الله وبركاته ..
بجاوبك روقي .. اولا خليه يحاول بالاجازه الأستثنائيه مافيه شي اسمه يرفضون النظام يسمح ولا فيه احد له حق انه يرفض . اذا قصده ان الاجازه تـــطول اجراءاتها انا معك غالبا تطول ولاكن بالنهايه يحصل عليها بحد اقصى واكرر حد اقصى 8 شهور .. واذا بتقولون قرار الابتعاث للمبتعثه مايسمح كل هالانتظار فأنا من وجهة نظري وتجربتي شخصيا يرفع المعامله تاخذ اجراءها وهو يأخذ اجازه خارجيه 30 يوم ويطلع معك واذا ماكفت وعنده رصيد يمدد شهر آخر لين تتيسر ويحصل ع اجازته الاستثنائه وتكون مشبوكه بالخارجيه يعني مايرجع يباشر ....
اما الفصل يقدر يسوي اعاده ولا فيه اسهل منها ابدا .. ولكن !! نظاما اذا سوا اعادة خدمه قبل يكمل سنه من الفصل يحق له الاعاده على نفس رتبته اللي فصل منها
واذا تعدى سنه وهو فاصل ينزلونه رتبه وسنتين رتبتين ينزل وهكذا ,,, ولكن بالنهايه يفصل ويرجع للخدمه العسكريه امر طبيعي ...
ولكنه خيــــــــــار صعب جدا ويبغا تحديد مصير ...
في وجهة نظري ويبقى رأيي الشخصي / اذا رتبة زوجك وكيل فأقل وخدمته اقل من 8 سنوات وناوي يرجع بشهاده حلوه موشرط دكتوراه يـــفصل
اما اذا كان رقيب وفوق يكمل وتلغون الابتعاث او تشوفي محرم غيره من اخوانك الفاضين او اللي يرغبون الدراسه
اتمنى اني افدتكم .. ولاتحرمونا دعواتكم ...
الله يعطيك العافية اخوي بندر بصراااحه افدتني كثييير
وزوجي رتبته عريف وهو وده يكمل دراستة بس المشكلة شهادته ثانوية ومعدله مو كويس بالثانوي واخاااف ماينقبل بجامعات امريكا
ويكون خسر وظيفته ولا كمل دراسة
عموما هو بيحاول في الاجازة الاستثنائية بس زي ماانت عااارف فيه نااس تتلاعب بالاوامر الملكية على كيفهاا
مشكووور مرررة ثانية وماقصرت
القبول في الجامعات الاجنبيه يتحتم على الايتلس في القبول يعني بالعربي جاب معدل عالي باللغه ينقبل باي تخصص وبأي جامعه ,,
حتى لو نسبته 20 % بالثانوي مو زي عندنا لازم نسبه بالثانوي
العفو اختي ,,,
أختي ..
أنا ماأنصح بالفصل أبدا ..
مثل ماقال أخوي بندر يحاول بالإجازة الإستثنائية .. ممكن تتأخر .. لكن فيه أمر ملكي بالموافقة ..
وحاولي تخلينه خلال هالفترة يحاول يدرس أنجليزي عشان يقلل مدة دراسة اللغة إذا طلعتوا أمريكا إن شاء الله ..
وأنتي أيضا حاولي تستفيدين من وقتك قبل تجين أمريكا ..
ماراح أزيد على كلام أخوي بندر لأنه أعطاك المفيد ..
بس بأضيف إنه في حالة الفصل وإعادة الخدمة ممكن يرجع جندي لما يجلس أكثر من سنتين .. ويكون كذا رجع من الصفر .. والإعادة مو سهلة مرة ومو صعبة .. على حسب قائد الوحدة وحسب القطاع التابع له زوجك
ماقصرتو والله يعطيكم العافية اخ بندر ورماد الحرف
وزوجي صحيح عسكري بس هو ممرض عسكري ووده يكمل بكالوريس تمريض برى بس الظاهر حتى هذي صعبه
الله ييسر ياااارب وان شاء الله انهم يوافقون له على الاجازة الاستثنائية ومايضطر للفصل
مشكووورين مرررة ثانية وماقصرتو
مثل مقال اخوي بندر مافي شي ممنوع او مرفوض ياخذها غصب عنهم بقرار الملك ( الاجازة الاستثنائية )
لانه فيه قرار من ابو متعب الله يحفظه بس التعقيد والحسد موجود كثير بالعسكرية .....
أختي أنا ممرض عسكري .. والدبلوم اللي أخذناه من معاهدنا التابعة للوحدات العسكرية غير معتمد ويجب عليه أن يعود للدراسة من جديد ..
فكروا كثير قبل أي خطوة ..