وضعي كمرآفقه لـ ضابط .. هل يسمح لي إكمال دراستي ؟

السلام عليكم

الله يسعدكم انا منحاسه جدا ولا اعرف شي

انا كنت مقدمه على الابتعاث وللاسف ما انقبلت لكن اللي صار الحين ان اخوي ضابط طيار وصار عنده دورة في امريكا مدتها 8 شهور
وبياخذ اطفاله ثنين وياخذني مرافق معاه بحكم ان زوجته ظروفها ماتقدر تطلع ..

اللي سمعته ان فيزتي تصير دبلوماسيه ؟ صح ولا غلط ؟ ماني عارفه سوالف الفيز والحركات ذي

هل اقدر ادرس لغه بهاذي الفيزه ومن ثم اكمل ماجستير ؟ ولا لازم احولها والسوالف هذي ..؟

طيب الفتره حقت دورة اخوي قصيره (فقط 8 شهور ).. اقدر بعدها احول على برنامج خادم الحرمين للابتعاث ؟

بليز الله يسعدكم وضحولي الفكره لأني ضايعه :/ والكلام جاني فجأه وابغى ارتب وضعي من ناحية الدراسه

الله ينورلكم دربكم ابغى اكبر عدد من المعلومات لأني مالقيت لحد الان شي واضح :(

علماً بأن السفر إحتمال يكون بعد شهر او شهرين بالكثير !!

آسفه طولت بالكلام ..اي سؤال انا حاضره

انتي الان جيب قبول من المعهد اللي فيه االولايه اللي رايح لها اخوك .. يعني شوفي في اي ولايه وشوفي المعاهد اللي مقبوله لدى وزارة التعليم ... واذا جبتي i20 تقدميه للسفاره بعد حجز موعد وتسديد السفس وتسديد رسوم الفيز f1 اللي هي لغرض الدراسه .. وبعدين اذا رحتي هناك تدرسي طبعا على حسابك شهرين او ثلاثه وبعدها ترفعي اوراقك الى الملحقيه الثقافيه لطلب الانظمام الى برنامج الملك .. و ان شالله يقبلونك ..

واي استفسارات ابشري .. بالتوفيق لك ,,

اختي العزيزة
فيه قرار صادر من الملك قبل سنتين ان جيمع لمرافقين للموظف الذي يعمل بالسفارة ينظم مباشرة للبرنامج بس بالنسبة لك اخوك دورة لغة وايضا (اخوك لا يعولك شرعاً )، لو السالفة سهلة ترك اختي يدرسون هنا وقلت مرافقين معي .
والنسبة للقبول اللغة سهل والفيزة كل شخص يستطع يجيبها .
المشكلة الثانية عند الملحقية الثقافية بالمرة مشدده خاصة الي في امريكا ,

بالتوووووووووووووووووووووووووووووفيق يااااااااااااااااااارب