November 17th, 2009, 07:16 PM
تجربتي مع المقابلات الشخصية
السلام عليكم ورحمة الله وبركاته
قبل ما أبدا في الموضوع عندي وجهة نظر على شي
لاحظت انو معظم الطلاب حاطين هندسة حاسب وطبعا لا تحلموا كلكم تتحقق لكم
هما يبغوا عدد معين
المقابلات الشخصية
هاجس أو بالأحرى كابوس لمعظم الطلاب
في الحقيقة هي معايير مطلوبة في الشخص بحيث هل هو مناسب للبعثة ام لا بغض النظر عن مدى شطارة الطالب ((دفرنته ما تنفع هنا )) المطلوب هل هوا رجال قد المسؤولية ولا لا
وفي معظم الأحيان يكون العيار كالتالي :
1- مظهر الطالب . طبعا لبس سعودي كامل (( ولا تنسوا الجزمة السودة ))
2- طريقة التحدث . تكون واثق من نفسك ولا تتوتر او تكون مستهتر بزيادة \ خليك طبيعي مع شوية اهتمام
3- لا تتأخر عن الموعد
4- لا تصرف نظرك عن المسئول او من يجري المقابلة الشخصية
5- الحديث برجولة وطريقة مرتبة
6- الاوراق المطلوبة تكون كاملة والا ما كملها يقعد في حضن بابا
7- الهدف الواضح
طبعا في حاجات كثيرة حاولوا تدوروا عنها
بعد المقدمة الخفيفة
ارجع لموضوعي
وهوا تجربتي انا مع المقابلات الشخصية واش الا حصل فيها
طبعا انا دخلت 3 مقابلات انقبلت في 1 وبس رفضتها والباقي اتشوت من الباب
الاولى
بعثات سابك
رحت واثق بزيادة كنت اعتقد انو حاطلع بدرجاتي رغم انف الجميع عشان جبت في الثانوي 98.8 والقدرات 89 والتحصيلي 87
بس الا حصل كان عكس كدا
طبعا سالني مجموعة اسئلة جاوبتها كلها واتخالفت معاه في وجهة نظر وحدة كالتالي
س \ اش الاشياء الا ما تحبها ؟
جاوبتو انو التدخين من طريق وانا من طريق
قلي طيب بكرة لما تتوظف في سابك حيكون في زملة لك يدخنو واش تسوي ؟
قلتلو المفروض شركة عالمية تكون على معايير عالية من النظافة والصحة والمفروض تمنعو التدخين في منشاات الشركة
قلي كلام جميل وحلو ويعني انتا استحالة تقبل تتوظف في بيئة مدخنين
قلتلو طبعا
الى نهاية المقابلة
الفائدة : حاول تكون اكثر ليونة مني ولا تسوي زي ما سويت انا قياسا بشتى المواضيع الا ممكن يسالها
ابو راس يابس زيي ما ينفع ترى
لازم تكون زي ما يبغوك
النتيجة حقت المقابلة كانت رسالة اعتذار عن عدم القبول
الثانية
ارامكو
طبعا مدري كيف عديت الاختبار حقهم كان جدا طويييل
المهم دق عليا واحد وقلي تعال خلاص قبول نهائي
طبعا انا فرحان
لما رحت في الصحرراء حقتهم دي الا شرق الخط السريع في جدة يقولي المسوؤل انو تخصصك حيكون جولوجيا
واخوكم في الله كان معشم على هندسة ولا ادارة
قلتلو جولوجيا عشان تشغلوني تحت البحر وخرجت من عندهم وانتهى عهدي مع ارامكو
الثالثة
الطيران المدني
وكان فيها اختبار سهل
وانقبلت ورحت المقابلة انا اخر فلة
متاخر وجنز وتي شيرت اصفر
واخر استهتار واوراق ناقصة كمان زيادة على دا كلو قلتلو في وسط المقابلة انا جي اكسب خبرة وبس
طبعا النتيجة بعد اسبوع رسالة نعتذر عن عدم قبولك اصلا ما ابغاها
-----------------------
---------------------
على النقيض صاحبي انقبل في ارامكو زيي ودرجاتو اقل مني وكمان ادراة بس عشان في المقابلة الشخصية لما سالو قلو واش اصعب شي مر عليك في حياتك
صاحبي قلو الروحة والرجعة من المدرسة كل يوم كان حوالي كيلو ونص مشي
المسوؤل اعجب بدا الكلام وحصل النصيب
في النهاية كلها قسمة ونصيب
انا جاني طب الاسنان لحدي
وفي ناس حتجيلهم البعثة لحدهم
بس كل شي يبغالو جهد واجتهاد + رضى الوالدين
ودعواتكم
LinkBack URL
About LinkBacks
؟؟ كيف اجاوب على ها السؤال ...وش عرفني فيه ؟ 
November 17th, 2009, 07:16 PM