أرامكو ولا الطب

اخوي سعد قبل ما تفكر في الراتب فكر في راحتك انت و ميولك انت اكثر واحد تقدر تفيد نفسك
اما اذا تبي رأيي انا بس اكيد رايي بيكون مناسب لوضعي وليس لوضعك انت فاتوقع ان ارامكوا افضل
وتأكد انك اذا دخلت مجال ترغبه راح تبدع فيه انشالله اما اذا كان بدون رغبه او برغبة الغير فستمر عليه كموظف وانسان عادي في هذا المجال
والله يوفقك على كل حال

اخوي سعد
في البدايه اقولك مبروك والله يوفقك
قبل كل شي ..انظر الى رغبتك الاساسيه
او الاقرب لك
وشوف المجال اللي تحس انك راح تبدع فيه في المستقبل
ولاتفكر في الراتب لان الراتب متقارب وماكو فرق كبير
وانظر الى دراسة التخصص نفسه
وبعدها قارن بين ايجابيات وسلبيات كل وظيفه

بالتوفيق

ماشاء الله تبارك الله لاقوة إلا بالله العلي العظيم
الله يوفقك ويوفق جميع طلاب وطالبات العلم في كل مكان
رد مون لايت وسراب صحيح، رغبتك وهدفك لبناء مستقبلك: نقطتان مهمتان، فهنالك فرق كبير بين الطب وبين الهندسة فهما تخصصان مختلفان تماما؛ فالطب تخصص مرغوب وبما أنك ماشاء الله شطور وتفكيرك ممتاز وهو ميولك فأتوكل على الله فنحن بحاجة لأطباء سعوديين ولاتنسى الأجر الكبير من الله سبحانه وتعالى + دعاء المرضى + دعاء أهالي المرضى على الرغم من انه مشواره طويل شوية بس يعني مافرقت سنتين عن التخصصات الثانية ؛
وبعدها سنة الإمتياز والتخصص والزمالة..... يعني اللي يدخل طب لازم يكون عارف من أولها انه طريق العلم له يكون مستمر ليقرأ ويتعلم ويكتشف ويربط بين المعلومات من أول مايبدأه إلى ماشاء الله ولكنه طريق رااااااااااااااائع بإذن الله يكتشف فيه قدرة الله عزوجل في خلق كل جزيئات الإنسان من خلايا وأنسجة وشرايين و.....و.....و.... طبعا ممكن في كل مجال من مجالات الحياة الإنسان يكتشف قدرات الخالق سبحانه وتعالى كما في الأحياء، الكيمياء، الحديد، الجبال، السماء، الفلك كل العلوم، أنا إبنتي أنهت السنة الثانية من كلية الطب وكانت رغبتها ملحة لدخول الطب والحمدلله ربنا وفقها لدخوله، وابني الحمدلله أتقبل هذه السنة لدخول كلية الطب وقدم عالبعثات، ولله الحمد ويقول يا أمي أدعي لي إني أكتشف شئ جديد وأضيفه في عالم الطب، وبيستخير الله فعند ظهور نتائج الإبتعاث والمراحل التاليه لها والله يختار له ولكم مافيه الخير والصلاح ، أدعو الله أن يوفقكم جميعا أبناءنا الطلبة وبناتنا الطالبات في طريقكم الذي تتلمسون فيه علما، وأهم شئ يابني هدفك هدفك هدفك فكما ذكر مون لايت انه الإنسان يبدع في المجال ( التخصص ) الذي يرغبه، قال صلى لله عليه وسلم : "من سلك طريقا يلتمس فيه علما، سهل الله له به طريقا إلى الجنة"
فالله ييسر لكم طريقا إلى الجنة.

أما موضوع مميزات الرواتب فالطبيب معروف راتبه عال ، ووميزات ارامكو أعتقد انها مميزة أيضا لا أعرفها ولكن المهم انه يكون الشخص المقدم لدراسة الطب يكون بمميزات معينة أعتقد انها بإذن لله متواجدة فيك وبالتوفيــــــــــــــــــــــــــــق.

مشكوووووووورين وماقصرتوا بس ما جاوبتوني عن امكانية الابتعاث اذا توظفت في وزارة الصحة ؟

اخوي سعد الشباب ما قصروا ولا نقدر نزيد على كلامهم كلام لكن بقولك شي يمكن انك نسيتة لا تنسى الله يعني استخير وشوف الي بيصير والله يوفقك انما الخيرة فيما اختارها الله

أكيد هنالك بعثات من وزارة الصحة، وبرنامج خادم الحرمين إن شاء الله يستمر للخريجين والخريجات لإكمال مسيرتهم التعليمية، ولاتنسى الإبتعاث من جامعتك بعد تخرجك بتفوق لإكمال التخصص؛ أو أي جامعة أخرى من المملكة إذا طلبت وظيفة معيد تتعين عليها ومن ثم الإبتعاث بإذن الله.

دعواتي الخالصة بالتوفيق للجميع :gr_922: