شخص يخطط السفر لنيزيلندا والدراسة بها ماجستير والعيش بها مدة طويلة

الله يوفقك

لكن انا اقول الماجستير في امريكا أفضل من نيوزلندا لأن الخطة أقصر بعدد السنوات والدراسة أسهل

بالتوفيق

درست في نيوزلندا و درست في بريطانيا : ) ..

نيوزلندا أعظم دولة ممكن تنبسط فيها , دولة خرافية بكل ما تحمله من معنى, فيها سحر من نوع خاص, مجرد ما تنزل مطار اوكلاند سبحان الله ينشرح صدرك هذا وانت واصل بعد رحلة متعبة ..
لكن للأمانة أنظمة التعليم عندهم معقدة جداً مو كصعوبة لكن كعملية كاملة process ..

بريطانيا أسوء دولة ممكن تعيش فيها خصوصاً اذا سكنت في لندن ولا الشمال أما الجنوب (برايتون - بورتسموث- بليموث . . ) جيد و سياحي ..
لكن ميزة بريطانيا انها international أكثر يعني تشوف كل جنسيات العالم في كل مكان و فاهمين الاجانب اضافة ان الشعب البريطاني شعب محترم لدرجة مبالغ فيها, شعب متحضر بشكل غريب ولا تصدق سالفة انه عنصري خخخخ بالعكس شعب بطل للغاية ..

إضافة أن الأنظمة التعليمية في بريطانيا بدون مجاملة والله شي محترم للغاية و لا تنسى المدة يعني سنة واحدة وانت مخلص ماستر و فاهم وش مطلوب منك بالحرف و الفاصلة ..

نيوزلندا دراسياً ما أنصحك اطلاقاً, انتظمت فترة في جامعة ويكاتو و نقلت لبريطانيا, للأمانة فرق السماء عن الأرض ..
لكن ميزة نيوزلندا لو تجلس فيها مليون سنة ما تمل, يعني لو ما تفرق معك عدد السنوات في الدراسة رح نيوزلندا ولا تفكر, دولة رايقة

امريكا مشكلتها القبولات للأجانب متعبة شوي ..

موفق عزيزي

للماجستير نظام الدراسه بنيوزلندا جدا معقد وصعب حقيقه. يعني اذا جاي ولغتك متوسطه اعمل حسابك على سنتين دراسة لغه هنا الين تجيب الدرجة المطلوبه في الايلتس من غير سنوات دراسة الماستر الثلاث. (دبلوم + دبلوم عالي+ ماستر)

استخير واجعل نيوزلندا اخر خيار للماستر واذا تبي تقرب لنا شوف استراليا نظامها التعليمي شبيه بالبريطاني ولو انهم يزيدون ترم دراسي تقريبا عن بريطانيا واولا واخيرا امريكا هي الافضل.

نصيحتي يالغالي
وخر عن نيوزلندا
انا متواجد فيها الان والله تجيب القرف ماعندك الا اوكلاند كل شيء فيها
ولا بس فيها شارع الكوين اللي هو حي الى الساعة 6 وبعدين لاحياة لمن تنادي
نصيحتي رح لامرييييييييييييكا وارتح
وهذه نصيحة من اخ

اميركا وانت مغممممممض

واستخير اولا

انا ذحين بنيوزلندا انا اقولك الامان هنا افضل من امريكا وبريطانيا وكندا يعني انا اسهر الين الساعه 12 او واحده الليل وبعدين ارجع ولا عندك مشكله يعني فيها مشكله بس على خفيف المهم انها احسن من غيرها من الدول العظمى من ناحية الامان لكن الماستر فيها مرا طويل واللغة فيها يبغالك سنيتن عشان تخلصها يعني نصيحه من اخ امريكا افضل وبعددين بريطانيا لكن عيب بريطانيا ماراح تعيش فيها وتنبسط بس راح تدرس وبس بالتوفيق حدد هدفك بالحياة وامشي لهدفك واي كلام مايعجبك اتركه وامشي مع الكلام الي يعجبك بالتوفيق ياخووي

شكرا لنصيحتكم يا اخوان ،
سبحان الله السنين تجري جري ،، زرت نيوزيلاندا ودرست كورس لغة وحاليا قدمت على الفيزا الكندية
وفعلا نيززيلاندا تصلح لدراسة اللغة والبكالوريس والدبلومات لكن ماجستير ما انصح ابد