رأيي أم رأي موظفة السفارة

الاخوة طلاب نيوزيلاندا

أولا أتوجه بالشكر لكل من كتب في هذا المنتدى من الموجودين او المغادري للمنتدى

واخص بالذكر العضو (الماسي) الله يجزاه ألف خير ولا يهون الباقين الحقيقة اني اقضي

أغلب وقتي منذ شهرين في قراءة مواضيع المنتدى لانه جاني قبول من جامعة أوتاقو

في 25 نوفمبر2011 بعد مضي سنه وسته شهور من يوم قدمت (لا أحد يستغرب).

عموما تقريبا فهمت من الاخوة الاعضاء انه بالنسبه للفيزا الافضل تستخرجها من نيوزيلاندا

وانه نسوى البصمات هنا أفضل وهذا ما فعلته بناء على نصيحة الاخوة الاعضاء(الماسي)

ورحت اليوم للسفارة وأخذت خطاب للخارجية وعملت البصمات لكن في السفارة أعطتني الموضفة

باقي الاوراق فقلت لها أنا بطلع الفيزا من هناك قالتلي كم مدة الدراس قلت لها اربع سنوات اعترضت

وقالت لازم فيزا حاولت أوضح لها اني بادخل بفيزة زائر وتذكرة عودة اقل من ثلاثة شهور وبعدين

أدبر أموري فاصرت على رأيها وأصريت على رأيي وقالتلي بيرجعوك من المطار لو أكتشفوا أي شي.

وأنه فيه طلاب رجعوا من المطار وبعد نقاش غيرت الموضوع وسألتها هل لو عملت التحاليل هنا في

المراكز إلي تعتمدوها هل تنفع في نيوزيلاندا قالت ماأدري ممكن بس قبل ثلاثه شهور وهي مدة الصلاحية.

الخلاصة

هل رأيي صحيح اني اخذ البصمات والتحاليل (التكلفة 1000ريال)واستخرج الفيزا من نيوزيلاندا

وهل استطيع التقديم من أول أسبوع (كأني قريت انه لازم يمر شهرين)

(أتمنى من لديه تجربه ان لايبخل علينا)

عند دخولك نيوزيلندا بفيزة زاير لمدة ثلاث اشهر يجب ان يكون معك تذكرة عودة

وبخصوص الدراسه بعض الطلبة رجعوهم وبعضهم مشت معاهم

وموظفة السفارة نصحتك النصيحة الافضل لانه من عندك تاخذ فيزا كامله على مدة الدراسه في حال لو دفعتها او احضرت ضمان بنكي بكامل الملبلغ لكامل الفترة.

أو اذا ماعندك استعداد تنتظر لما تخرج الفيزا , تعال بالبصمات والكشف الطبي وعند دخولك البلد لاتذكر لهم الفترة كامله حتى لايرجعونك.

وبالتوفيق

أخوي مسعود شاكر ومقدر لمداخلتك

الي فهمته ان الكشف الطبي ينفع في نيوزيلاندا

والي مافهمته ان بعض الطلبه مشو وبعضهم رجعوهم

وياليت توضح ايش أقولهم لما أوصل المطار .

قل لهم جاي سياحه ولاتخرج من اوراقك شي سوا تذكرة العوده

وبخصوص الكشف الطبي فيه مستوصفات معتمده من السفاره النيوزيلنديه بالرياض

والافضل سو الكشوفات الطبيه من هنا

اهم شي جيب معك البصمات

ألف شكر أخوي مسعود كلامك واضح

بس فيه سؤال اخير ماجاوبتني عليه

هل أستطيع التقديم على الفيزا من أول اسبوع أوصل فيه؟

أي نعم تستطيع اخوي تقدم من اول اسبوع

انا انصحك والله تطلعها من السعودية اريح لك انا طلعت فيزتي من السعودية وكان هذا الكلام نهاية 2008 وعطوني فيزا الى نهاية 2012 ومرتاح, اما الشباب اللي طلعو فيزا من نيوزيلاندا ما يمديهم يمسكون جوازهم الا و هم طالبين فيزا لان الحكومة النيوزيلاندية تعطيك الفيزا بالتقسيط مثلا تعطيك شهرين او ثلاثة شهور وهكذا و انت براحتك

أخي ساحر القلوب

أشكر لك مداخلتك وياليت توضح أكثر يعني ليش

يعطوهم شهرين ثلاثه اذا كان عندهم قبول جامعه لمده أطول

أو انك تقصد طلاب اللغة فقط.

عموما أخوي اناقريت كل ما يتعلق بموضوع الفيزا في المنتدى

ووصلت الى انه أفضل شي انك تسوي بصمات من السعودية وتدخل

بفيزه زائر وبعدها تقدم بس بشرط تكون الجامعة أو المعهد تقدم فيزا on line

وهذا إلي راح أسويه انشاء الله...(أي أحد عنده رأي اخر ياليت يفيدنا)

شاكر ومقدر مداخلتك يالغالي