اهلا وسهلا بالنسبه للهجره لابد تشوف الموقع وعليه تحدد حسب ظروفك اى نوع من انواع الفيزا تقدر عليه - الاستثمار مبلغه كبير ومتغير تقدر تشوف فى الموقع هو كام - وده معناه انك لو جاى على استثمار يبقى تاخد فيزه بزنسيس قبل ما توصل هنا
لكن لو مثلا انت هنا على فيزه اقامه دائمه فممكن تعمل بزنسيس من 25 الف الى 70 الف نيوزيلاندى
يكون عباره عن اما مطعم صغير او محل زى سوبر ماركت صغير وده بيكسب اوى
افضل شىء ان لو مبلغ الاستثمار علشان الفيزا كبير عليك يبقى تشوف الاقامه - ودى برضه حسب ظروفك الشخصيه ومؤهلاتك وعلى حساب النقط
الاسعار معقوله للمعيشه والميزه هنا ان كل اسبوع فى تخفيضات تصلك فى صندوق بريدك ببلاش عن كل شىء من اللبن الى الادوات الكهرابئيه فحتى لو فى شىء غالى ممكن تشتريه فى السبوع التخفيض ايا كان والميزه ايضا انك تشترى على اد ما انت عاوز يعنى ممكن فقط 3 تفحات او قطعتين لحم مثلا او فراخ وبالتالى يبقى مش غالى
السكن هنا عباره عن فيلات دور ارضى او 2 - بحديقه خاصه بك - الاسعار حسب المدن لكن ال 2 غرفه مثلا تقريبا من 220 الى 280 دولار فى الاسبوع ايجار يعنى او تسدد كل اسبوعين على حسب اتفقاك مع صاحب البيت
الكوارث بامر الله ولم يحدث شىء الا فى مدينه كريس تشرش تعرضت لزلزال ولكن الناس مدربه والخدمات على اعلى مستوى الحمد لله وكانوا بيمروا علينا فى البيت بيت بيت يطمنوا علينا - وكلنا عارفيين ايه الل نعمله - وربنا يسترها - وبالنسبه للوالده ربنا يديها الصحه العنايه هنا بالانسان ايا كان سنه على اعلى مستوى وكمان بالخصوص كبار السن - رعايه تامه وممكن يرسلوا لها فى البيت حد يخدمها ويساعدها بدون مقابل لو فى حاله صحيه تستدعى
المدن كلها جميله وممتازه انما ما اقدر اقول لك ايه الامن ده امر الله - بلاش مثلا مدينتى لو انت قلق لكن فى مدن اخرى فى الجزيره الشماليه وللعلم لو شفت الموقع كويس تلاقى ان الل يروح مدن غير اوكلاند مثلا يتم اضفاه نقا له لانها مدينه كبيره وزحمه
العاصمه اسمها ولنجتون وهى فى الجزيره الشماليه تقريبا 400 الف نسمه
ممكن كمان لما تتلطع على الموقع وتشوف اى المدن الل تزود من النقاط يبقى الافضل تقدم عليها علشان تكسب نقاط
ربنا معاك وبالتوفيق ان شاء الله
الدولار بين 5ونصف الى سته جنيه مصرى
موقع الهجره
www.immigration.govt.nz 
مدام علا كامل December 24th, 2012, 07:29 AM
7 " 
LinkBack URL
About LinkBacks
December 23rd, 2012, 03:35 AM
احنا عائلة مصرية تود الهجرة الى نيوزلندااحنا كنا بنفكر نروح على اساس الدراسة بس اكتشفنا انها مكلفة بالاضافة اننا قد ننفق اموالنا كلها هناك وفى النهاية لانحصل على الاقامة او الجنسية
وخصوصا اننا سنبيع كل مانملك فى مصر مما سيشكل خطورة عالية علينا ولا نود الرجوع مرة اخرى الى مصر
لذلك سؤالى هو هل يمكن استثمار الاموال فى نيوزلندا وفى هذه الحالة نحصل على اقامة ثم الجنسية لاحقا
وثانيا اود ان اعرف اقل استثمار يمكن ان ابدأ به هناك كم تكون تكلفته بس طبعا يكون فى العاصمة
وثالثا : كنت عايز اعرف اسعار الشقق فى نيوزلندا يعنى لو عايز مثلا شقة غرفة وحمام ومطبخ صغير كم تكون تكلفة شرائها بس طبعا تكون فى مكان كويس وياريت العاصمة
ورابعا : سمعت ان هناك زلازل وكوارث طبيعية فى نيوزلندا فهل الزلازل هناك يمكن التعايش معاها ام هى شديدة وخصوصا ان والدتى سيدة كبيرة فى السن وقلبها ضعيف وماهى المناطق االامنة التى لاتكثر فيها الكوارث الطبيعية
وخصوصاا اننا لم نتعود سابقا فى مصر على الكوارث الطبيعية
خامسا: مااخبار الاسعار فى نيوزلندا هل هى رخيصة وخصوصا فى الاكل ام لا؟
واخر سؤال كم سعر صرف الجنيه المصرى امام الدولار النيوزلاندى هل هو فعلا 5ونص ولا اكتر؟