عرض للطباعة
السلام عليكم ورحمة الله
عندي اختي تدرس بكالوريوس حاسب بجامعة الملك عبدالعزيز وباقي لها على التخرج سنة لظروف ممكن تقطع دراستها هنا وتسافر لنيوزلند
هل ممكن تتعادل لها المواد اللي درستها هنا وهل تحتاج دراسة سنة لغة قبل اكمال البكالوريوس وكم سنة ممكن تزود عليها الدراسة
ارجو افادتي ضروري ولكم الشكر ;)
اذا تبي نصيحتي الأفضل لها تكمل السنة في السعودية وبعدها تطلع ماجستير، لأن بصراحة نيوزلندا بالذات سيئين في معادلة المواد وممكن ما يسقطون عنها الا السنة التحضيريه مع كم ماده فراح تطول الدراسة على الأقل سنتين وزيادة
بالاضافة الى أنها لابد أنها تعدي اللغة أولاً وهذا بياخذ وقت ايضا، والشي الأهم أنها متعودة على نظام تعليمي في السعودية فصعب تدخل على مواد السنة الأخيرة في نيوزلندا مباشرة وتتأقلم راح تلاقي صعوبات والله أعلم
بالتوفيق
شكرا لك اخوي بس كيف ممكن أتاكد من سنوات الدراسة هل الملحقية ممكن تفيدني .
ممكن توضحين سؤالك أختي علشان أقدر أجاوبك
سؤالي شلون اتأكد بالضبط من معادلة المواد
وكم سنة ممكن تزيد عليها من غير اللغة ؟
يعطيك العافيه اخوي
هذا الشي الملحقية مالها علاقة فيه، بينك وبين الجامعة لما تقدمين على قبول ويعطونك القبول تعطينهم سجلك الاكاديمي من الجامعة السعودية باللغة الانجليزية طبعا مع وصف المواد تاخذينه من القسم، وتطلبين من الجامعة النيوزلنديه معادلة المواد
طبعا معادلة المواد تختلف من جامعة الى جامعة، الكليات تعادل أفضل من الجامعات،
على سبيل المثال أتذكر شباب معهم دبلوم كلية تقنية سنتين ونصف أسقطوا عنهم فقط السنة التحضيريه في الجامعة
بينما واحد آخر من الشباب معه دبلوم معهد ادارة سنة كاملة وأسقطت عنه كلية الوينتك السنة التحضيرية و سنة كاملة من التخصص وتبقى له سنتين دراسة فقط
الي عليك تقدمين اونلاين في كل الجامعات والكليات ولما توصلك القبولات اطلبي معادلة المواد وهم راح يعادلون لك ووقتها يكون بامكانك الاختيار على القبول الأفضل
على فكرة اذا كان عندكم بعثة أو عندك نية تقديم على بعثة فأنا أنصحك ما تعادلين المواد الآن فقط احصلي على قبول علشان تعطيك الملحقية بعثة على قبولك 5 سنوات للبكالوريوس وبعد ما تضمنين المدة كاملة وقتها تطلبين معادلة المواد من الجامعة بينك وبينهم لأن لو جبتي قبول سنتين مثلا راح تعطيك الملحقية بعثة سنتين فقط وهنا تكونين خسرتي كم سنة في الابتعاث خصوصا في حال التعثر في كم مادة ترى موضوع التمديد معقد شوي وياخذ وقت،
ولو حصلتي قبول جامعة خلال فترة اللغة أفضل من قبولك بامكانك التحويل مرة واحدة من جامعة الى أخرى
بالتوفيق
الله يجزاك بالخير كفيت ووفيت
اشكرك