إستفسار + كم نصيحة ع السريع ....

اقتباس:

المشاركة الأصلية كتبت بواسطة n-15

السلام عليكم ..

كيف الحال أخواني ..

أنا إن شاء الله طالع لنيوزلندا بعد شهرين لدراسة اللغة لمدة 10 أسابيع
وخاطبت المعهد قبل كم يوم عن طريق الإيميل واليوم أرسلوا لي قبول المعهد والعائلة
وشريت التذكرة قبل كم يوم ...

بس باقي لي كم شغلة حاب أستفسر عنها ..

كم يكفيني مصروف شخصي لمدة 10 أسابيع .. وكيف أخذ المبلغ معي هناااك ؟؟
وهل بطاقة الراجحي شغالة هناك ؟؟؟
وإذا فتحت لي حساب هناك هل يأخذوا رسوم ؟؟ وكم ؟؟

طبعاً أنا رايح إن شاء الله لمدينة كرايست شيرش ..

((((((نـــصــيـحة))))))

أقول للي يبون يطلعووون للدراسة إبعدوووووا عن شغل المكاتب أنا أموري كلها ضبطتها بنفسي ..
في البداية قلت خلني أشتغل على الإثنين أحاول أجيب قبول لنفسي بنفسي وبنفس الوقت أخلي المكتب يجيب لي قبول

أول شي من ناحية الطيران المكتب قالي 8800 ريال ((ذهاب وعودة))
وأنا حجزت تذكرة بنفسي عن طريق النت 6500 ريال ((ذهاب وعودة))
وفرت لي 2300 ريال ...!!

وجاب لي المكتب قبول من معهد .. ومن نفس المعهد جبت لي قبول بنفسي وطلع الفرق حول 5100 ريال ....!!

بالأخير وفرت 7400 ريال .......!!
هذي الطالب أولى فيها .. كلها ورقة يعبيها ويرسلها بضغطة زر يأخذ 7400 ريال ....!!

على العموم لا تنسوا إستفساري :)

وبالتوفيق للجميع :)
تحياتي

وعليكم السلام ورحمة الله وبركاته ..

الله يحيك اخوي ويبقيك وبإذن الله سفرية حلوة وتنبسط فيها :)

بالنسبة لمصروفك اتوقع يكفيك في الشهر 600 دولار نيوزلندي ( الدولار النيوزلندي يعادل 3.2 ريال سعودي تقريباً ) اذا دفعت العائلة والمعهد والتأمين وتوصيل المطار ..

( هذه حق أكلك وشربك وجوالك ومواصلاتك ) ..

خذ المبلغ كاش بالذات انه قليل .. يعني هو كله تقريباً 1300 دولار امريكي فماهو شي كثير ..

او لو حاب تاخذ بطاقة الراجحي طبعاً تشتغل وممكن تصرف منها في بعض الصرافات ..

ماني متأكد كم العمولة لكن لو حاب تسويها ما في مشاكل وفكرة برضوا ..

بالنسبة لموضوع المكاتب اللي داخل السعودية كلامك صح وانا اوافقك فيه تماماً ..

لكن المكاتب اللي جوا نيوزلندا تساعد الطالب كثير وممنوع انهم ياخذوا اي رسوم من الطالب وهذا الشي اللي انا عاجبني جداً ..

لكن حقيقي انصح الطالب انه يتواصل بنفسه ويضبط كل شي بنفسه بالذات اذا عنده لغة كويسة ..

عموماً ربي يوفقك في كرايستشيرش وان شاء الله تنبسط يا رب :)