كم الحد الأعلى الممكن طلبه من معهد اللغة بجامعة أوكلاند؟؟ ووش السالفة ؟

السلام عليكم ورحمة الله وبركاته

أسعد الله أوقاتكم وعمرها بالذكر والسرور


أحبتي الأفاضل قدمت على جامعة أوكلاند لتخصص الطب البشري
ووصلني قبول لمعهد اللغة والسنة التحضيرية والدراسة الجامعية
طبعا عن طريق أحد المكاتب في الرياض وهو مكتب "هدف"

وبقي الدفع للمعهد لإتمام إجراءات التأشيرة لكن المكتب يقول :
أنه يجب الدفع للمعهد قيمة دراسة سنة كاملة للغة (60,000 ريال) !!

استغربت انا انه المعهد يطلب مبلغ باهظ مثل هذا وتم ارسال إيميل للمعهد
من اسبوع مفادة كم أقل مبلغ ممكن تحويلة لإتمام إجراءات الفيزا ولم يصل رد حتى الآن .
وأنا أحاول أنجز أموري عشان أسجل في شهر أكتوبر مع برنامج سفير



فهل تقدرون تفيدوني مدى احتمالية ان المعهد يطلب المبلغ كامل لمدة سنة ؟
أو إن كانت السالفة صارت لأحد منكم أو من معارفكم من قبل ؟
ولو افترضنا اني راح أكتفي بلغة لمدة أربعة أشهر ؛ ماذا يكون موقف المعهد من الملبغ المتبقي ؟

مرحبا أخوي،
أولا لازم تعرف أن المكتب يتمنى أنك تحول المبلغ كامل علشان يضمن حصوله على نسبته من الجامعة في أسرع وقت، ولو حولت للجامعة مبلغ سنة كاملة الآن راح يتحصل على مبلغ بحدود 25% من الي راح تدفعه هذا غير الي أخذه منك علشان يجيب لك القبول وهنا نتكلم عن مبلغ بحدود 15 ألف ريال، لذلك أتمنى أنك تحط ببالك أن كلام المكتب غير صحيح ومافي شي يجبرك أنك تحول المبلغ كامل دفعة واحدة، ولو اصروا تقدر تدرس بأي معهد ثاني لحين انضمامك للبعثة ووقتها تقدر تنقل لمعهد الجامعة،

ثانيا الدراسة اذا كانت جينيرال انجلش فالمعاهد تتعامل بالأسبوع ولك الحرية في تحديد تاريخ بداية ونهاية كورس الانجليزي، أو اذا كان عندهم نظام بلوك من عدد من الأسابيع فلازم تلتزم بتاريخ البداية والنهاية للبلوك ولكن بشكل عام البلوك الواحد ما يتجاوز 12 أسبوع الى 16 كحد أقصى حتى وان كانت الدراسة اكاديمية فهذه هي مدة الكورسات تقريبا،

ثالثا هم ما يعرفون مستواك في اللغة وما يعرفون كم المدة الي تلزمك لانهاءها فكيف يجبرونك على دفع مبلغ سنة كاملة؟

نصيحتي لك اذا كنت مقتنع بالمعهد بأنك تقولهم بأنك راح تدفع مبلغ 5-6 أشهر فقط، سبب دفع مبلغ هالمدة الطويلة هو أن الفيزا الدراسية تتحصل عليها على كامل المبلغ المدفوع وليس على مدة القبول، بمعنى أنك لو حولت مبلغ دراسة لغة لمدة 5 أشهر فراح يعطونك فيزا مدتها 5 أشهر، وأنت تحتاج الى فيزا ما تقل عن 5 أشهر علشان تقدر تقدم على البعثة بعد مرور 4 أشهر من دراستك اللغة لأنه من شروط البعثة أنك تقدم بعد مرور 4 أشهر بوجود فيزا سارية ولو انتهت قبل التقديم أو بقي عليها أقل من 4 أسابيع احتمال يرفض الطلب ويطلبون منك تجديد الفيزا لذلك اختصر على نفسك واتبع الخطوات بالشكل السليم،

عموما أتوقع المعهد ما رد عليك لأن قبولك عن طريق مكتب وهو الي مفروض يتواصل معهم، ارجع للمعهد وقلهم أنك اصلا ما تحتاج دفع مبلغ سنة كاملة والبعثة راح تجيك بعد 5 أشهر، وقلهم انك راح تدفع حق مدة 5-6 أشهر ولو رفضوا قلهم ان عندك قبول في معهد آخر عن طريق مكتب آخر ووقتها شف ردة الفعل لأن الجامعة ما تجبرك اصلا على دراسة اللغة عندهم