رد: استفسار عن لغة بنيوزلندا
اقتباس:
المشاركة الأصلية كتبت بواسطة Banoosh
عليكم السلام
معاك علي ساكن في نيوزيلندا
1. طيران الكاثي باسيفيك جيد وما تحتاج فيزا حق أستراليا مثل الطيران الأماراتي
2. الأفضل تاخذ معاك كل الأوراق ألا عطوك أياها معهد أي أف حق تتسهل عليك يعطوك فيزا سياحية ويعرفو انك جاي حق دراسة ودافع مبلغ الدراسة, اذا رسلو لك الأوراق عن طريق الأيميل أطبعها وخلها معك
3. اللابتوب أكيد مسموح لك , لا تشيل معك أدوات حلاقة مثل الأمواس. المكينة أوكي. اهني متشددين في الأدوات الحادة. الأمواس مو غالية. أسعار الحلاقة بين على 15 و 20 دولار حق شعر. اهني تقريبا كل الحلاليق ما يحلقون لحية. تقريبا كل الناس اهني تحلق في البيت.
4. المعهد ممتاز وفيه أجانب كثير معظمهم لاتينيين ومن أوروبا وفي عرقيات صينية. المعهد يصير في السيتي قريب منك المطاعم والبنوك والأماكن الترفيه في السيتي. أهني بشكل عام الشعب طيب ما يأذي وغير عنصري. بالنسبة حق العوائل هذا يعتمد عليك تتوالم مع العائلة أو لا بس عموما المعهد ما يختار لك ألا العوائل الزينة. أذا بعض العوائل عندها مشاكل كثيرة مع الطلاب , يقوم المعهد بألغاء التعامل مع هذي العوائل.
5. تقدر تاخذ لك تذكرة مفتوحة لمدة شهر و راح يعطوك بطاقة اسمها AT Hop , تقدر تستخدم لمدة شهر مفتوحة وتدفع لها أو تحط فيها بيزات وتستخدمها على حسب المسافة ألا تقطعها. تقدر بعد تدفع حق الباص كاش اذا ما كنت تبي البطاقة. تاخذ البطاقة يطلع لك أرخص من انك تدفع كاش. وسائل النقل من 6 الصبح إلى 12 بالليل من الأثنين إلى الجمعة.أذا تحتاج معلومات أكثر أدخل على موقع النقل العام maxx.co.nz
6. تحتاج حوالي 175 دولار نيوزيلندي 468.50 اذا ساكن مع عائلة. انا حسبت لك راح تصرف 8 دولار للمواصلات في اليوم. المبلغ قد يكون أقل وهذا يعتمد على المسافة بين السكن والمعهد. المبلغ المتبقي يكفيك حق كوفي ووجبة غداء من برا كل يوم
7. المنطقة أمنه بالسيتي بالصبح والمساء.
8. رمضان تقدر تصلي في المسجد الموجود في السيتي AUT mosque عنوانه 9 Mount St, Auckland, 1010. يصلو كل يوم في رمضان ويسوو فطور جماعي. بالنسبة حق الصلاة في يوم عيد الفطر, اهني المسلمين يجمو ويصلو جماعة في مكان كبير
هذي صفحتهم في الفيسبوك راح يعلنو اليوم والمكان https://www.facebook.com/AklEidDay?fref=ts
أتمنى أني جاوبت على أستفساراتك
طيب يا الغالي الان لو اجيب معي مكينة الحلاقه بكرتونها ممنوع كمان انا بستخدمها لضمان سلامتي من انتقال عدو لا قدر الله
رد: استفسار عن لغة بنيوزلندا
اقتباس:
المشاركة الأصلية كتبت بواسطة Banoosh
المكينة أوكي بكرتون أو بدون كرتون بس حطها في الشنطة الكبيرة ألا بتدخلها داخل الطيارة
يعطيك العافيه ي غالي ممكن رقم جوالك اتواصل معاك واتس