عرض للطباعة
احبتي اعضاء ملتقى الجميع ( مبتعث )
ودي أعرف بالنسبة للي قدم طلب استخراج فيزا للدراسة في نيوزلندا ،،، ويبي يعرف الخطو ة التالية بعد استلام الفيزا ( ان شاء الله ) عشان يكون مستعد نفسياً وذهنيا ... الخ ، وياريت بالتفصيل الممل حتى النهاية - يعني حتى تقول الوزارة هاذي تذاكرك وتوكل على الله .
اتمنى التفاعل من جميع الاحبة ( اعضاء ملتقانا الرائع ) :sleep:
هلا المثابر
بعطيك التفاصيل:
طبعا اذا وصلت الفيزا على طول تروح لمبنى وزارة التعليم العالي اللي في حي الورود بالرياض-شارع العليا
تاخذ معك جوازك وصوره منه - وتاخذ صوره من قبول الجامعه والمعهد - صوره من بطاقة الاحوال - وصوره من الفيزا اذا وصلت بالسلامه - صوره من آخر مؤهل دراسي - وكشف درجات اذا انت خريج جامعي - وتروح قرار الابتعاث اذا ماصدر في نفس اليوم بعد يوم او يومين بالكثير يصدر - اذا اخذت قرار الابتعاث خذ مه صوره وروح قدمها في نفس المبنى تحت ويعطوك امر الاركاب خذ التذاكر وشوف موعد السفر متى..؟؟؟ وتسافر بالسلامه...
واذا عندك اي استفسارات اخرى نحن حاضرين
مع أجمل تحياتي حروف العشق
طيب أخوي حروف العشق الله يعطيك العافية
تتوقع يسئلوني اذا كنت موظف وإلا مايسئلوني ،،، طبعاً انا موظف حكومي على وظيفة بسيطة ومرتب ابسط من البند اللي انا عليه ( يعني ماعليها حسووفة ) وش نصيحتك لي اخووي ، عسى ربي يوفقك .. قبل ما اروح لهم بالفيزا .اعذرني على الاطالة .
المثابر الله يوفقك
بس لاتقول انك موظف بس سؤال انت اخذت من العمل اجازه لمدة سنه مثلا يعني ناوي تكمل بالبعثه والا تشوف الاوضاع وترجع ؟؟؟؟