ممكن احد يفيدني بخصوص حضانة الاطفال في هاميلتون
السلام عليكم ورحمة الله وبركاته
ممكن احد يفيدني بخصوص حضانة الاطفال في هاميلتون وكم سعرها في الاسبوع
وهل يختلف السعر بالنسبه للطفل الرضيع ؟
واذا فيه لهم رقم او بريد او شي ممكن اتواصل معهم او احجز عندهم ؟
وجامعة ويكاتوا هل يوجد فيها حضانه ؟
ياليت ياشباب تفيدوننا بهذا الخصوص :no:
تحياتي
رد: ممكن احد يفيدني بخصوص حضانة الاطفال في هاميلتون
وعليكم السلام ,,
وللأسف .. ماعندي خلفيه للموضوع
وماحبيت أطلع من غير رد
تحياتي لكـ ’’
رد: ممكن احد يفيدني بخصوص حضانة الاطفال في هاميلتون
مرحبا اخوي
هذي الحضانة قريبة من الجامعة CNI
Early Education services Trust
phone/07-8569426
www.cni-kindergarten.org.nz
رد: ممكن احد يفيدني بخصوص حضانة الاطفال في هاميلتون
اقتباس:
المشاركة الأصلية كتبت بواسطة راعي سويدة
الله يبيض وجهك ويوفقك والله ماقصرت
تقول قريبة من الجامعة CNI هل تقصد جامعة ويكاتوا او هذه جامعه آخرى ؟ او اسم الحضانه كذا ؟
اقتباس:
المشاركة الأصلية كتبت بواسطة أخت اخوها
وعليكم السلام ,,
وللأسف .. ماعندي خلفيه للموضوع
وماحبيت أطلع من غير رد
تحياتي لكـ ’’
والله ماقصرتي يكفي ردك
رد: ممكن احد يفيدني بخصوص حضانة الاطفال في هاميلتون
نعم اخوي قريبة جدا تبعد من جامعة ويكاتوا (طبعا ماعندنا الا جامعة وحدة وانا اخطيت يوم كتب cni لان هذا اسم من اسامي الحضانة انا كتب لك اسمها مثل ماهو مكتوب في الكرت)وهي مشي 7 دقايق إلى الجامعةوعلى السيارة 4 ثواني
تعرف الواير هاوس اللي قريب من الجامعة تخليه على يسارك وانت رايح للجامعة يجيك دوار اطلع مع الدوار يمين امش مسافة بسيطة جدا وتلقى مدرسة على يمينك وعندها مساحة عشب مثل الحديقة هي هاذي وقف عندها وامش تلقاها من مقابلتك على الطرف الثاني
رد: ممكن احد يفيدني بخصوص حضانة الاطفال في هاميلتون
الله يبيض وجهك ياشيخ ماقصرت والله
وماودي ازودها عليك لكن سؤال ان سمحت
انا تصفحت الموقع حقهم لكن ماتطرقوا لحضانة الرضيع لان الطفل الي معاي رضيع ومادري عن اسعارهم اذا عندك خبر عنها
لاني بحثت بالمواضيع في كل مكان ولم اجد مايفيدني بهذا الخصوص فقط الي يقول غالي ناررررررر بحوالي 5000 ريال بالشهر ؟؟؟؟؟
ومادري صراحه انا ماشي بعد شهر بإذن الله ولا اعلم اذا تكفي هالمكافئة او لا
اذا السكن بحوالي 4500 ريال والحضانه بحوالي 5000 ريال خلصت المكافاه !!!!!!! الله المستعااااااااان
وانا انتظر واحد من الشباب لغته كويسه يتصل عليهم بس مسافر الآن ..
رد: ممكن احد يفيدني بخصوص حضانة الاطفال في هاميلتون
يارجال ماعليك منهم ان كنت مبتعث راح يمشي للطفل مكافئة وبتكفي ان شاء الله اقصى سعر لقيتة في الحضانات 300 دولار نيوزيلندي في الاسبوع لو فرضنا انه ب300دولار راح تطلع في الشهر حول 3000ريال سعودي
انا قلت هذا اذا كان 300 انا الطفل اللي عندي ياخذون عليه حول 170 دولار
هونها وتهون أغلى شي عندهم حضانة الجامعة ب300دولار والحضانات كثيرة بس لازم تحجز لاني جلست اسبوعين ادور لي على حضانة
هذا حسب المعلومات اللي عندي والله اعلم.
رد: ممكن احد يفيدني بخصوص حضانة الاطفال في هاميلتون
االله يوفقك يارب على هذه المعلومات
لكن اخوي كلمهم خويي وقالوا انهم ماهم في هاملتون في ديره ثانيه بعيده عن هاملتون
؟؟؟
رد: ممكن احد يفيدني بخصوص حضانة الاطفال في هاميلتون
في البدايه احب اشكر راعي سويده على هذه المعلومات القيمه وعلى تجاوبه.
ثانياً اخوي Waikato فيه موقع اسمه Yellow Pages زي دليل الهاتف حقنا بس مطور.
تحط فيه إلى تبغى (مطعم، معرض، سوق .. الخ) ويطلع لك أماكنهم ووسائل الإتصال بهم وعنوانهم الإلكتروني. وانا حطيت Child Care&Education يعني تعليم الإطفال والإهتمام بهم (حضانه)
وحطيت مدينة هاميلتون وهذا إلي طلع لي:
Child Care&Education in Hamilton
تحياتي
رد: ممكن احد يفيدني بخصوص حضانة الاطفال في هاميلتون
السلام عليكم وشكرا اخ Mr.Dude
والاخ ويكاتوا بكرة ان شاء الله راح اجيب لك رقم مكتبهم المباشر عشان تستفسر منهم