مهم للطلبه في ايرلندا كي يحصلو على دعاء مني لهم

بسم الله الرحمن الرحيم
يا اخوان اتمنى الي عنده خبره يجاوبني على اسئلتي هذي بالتفصيل الممل ولا يختصر لانه هذا الشي مصيري واتمنى انكم تستحملون اسئلتي وتجاوبون عليها لتنالو الدعاء والثواب اولا

س\ انا ابي ادرس في ايرلندا هندسة اتصالات ابغى اعرف اسامي الجامعات الي عندهم هذا التخصص ويليت تذكرون لي اسم الجامعه ومكانها وهل هي معترفه او لاء

س\ ابغى منكم تجاوبوني عن افضل معهد اقدر استفيد منه باللغه ويكون زين مهو تجاري لا يكون معهد يعلمني من الالف لل ياء ويليت تذكرون اسمه ومكانه ويليت تحطون اسواء المعاهد الغشاشه علشان الواحد ياخذ الحيطه منهم ويكون على علم

س\ هل في شخص يقدر يجيب لي قبول من جامعه ومعهد تعرفون رقمه او اراسله عن طريق الايميل مافي مشكله نكون شاكرين

س\ عندكم ارقام مكاتب او اسماء مكاتب تجيب قبول لايرلندا ويكونون امجربين يعني مايكونون همهم بس تجاري اتمنى

س\ يليت تفيدوني هل تنصحوني بايرلندا او غير ايرلندا وكمان تقولون لي اذا كان بايرلندا عن الاماكن الي تفضلونها انتم يا اخواني

س\ الصعوبات الي تواجهونها يالسعودين ومشاكل الغربه معكم

س\ الراتب الي يجيكم من الملحقيه يكفي ولا لاء وكم يجيكم

س\ الايجارات غاليه والعيشه غاليه يعني هل با اكون باخر الشهر اشرب شاهي واكل بسكوت او بتكون حالتي كويسه لحد يقولي على حسب صرفك انت انا عارف بس ابي اعرف كيف العيشه مانبي نتوهق

س\ هل اقدر اشتغل في ايرلندا يعني اغسل اصحون اشتريلي سيكل وغسل سيارات يعني في شغلات ابيع في محل اي شي هل استطيع او لاء

س\ ايرلندا بارده او لاء يعني اجيب معي الفروه وملابس الشتا ولا يعني مهي بارده مواسم ويليت تذكررون لنا الشهور الي تكون بارده

س\ لو اخذت تخصص الحين وانا ادرس حبيت اغير تخصصي من هندسة اتصالات الى تخصص اخر هل استطيع اولا


واشكر لكم حسن الاستماع ويليت تجاوبوني باسرع مايمكن واسف اذا اطلت عليكم بس مالنا الى غيركم يا ابناء جلدتي يعني ماينفعك الى اهلك وربعك وناسك واخير الختام السلام

كل اسئلتك ماجب عليها صفحات متفرقه
تقدر تغير التخصص
والجو بارد مثلج بشتاء ومعتدل بصيف
الراتب بحدود9الاف وكم ميه طبعا بريال السعودي
ايرلندا الحلو فيها تقدر تتخرج بدري يعني مختصره مو تجلس سنوات كثير
بلنسبه لغاه في dcuوفيه ايملرد انا مسويه موضوع عن هذا المعهد افتحه واتفح
لنسبه لشغل ممنو من الوزاره ان الطالب يشتغل
والايجارات معروفه غاليه بلعاصمه واقل بلمدن
في مكتب نهج ومكتب تجسير ومكتب الين يجيبون لك قبول بس تدفع 300 قيمة فتح ملف لك ومراسلة المعاهد
اتمنى اكون اجبتك وادع لي تتيسر بعثتي ويوفقنا ربي

الرواتب و المخصصات الشهرية : http://www.uksacb.org/index.php?opti...dep&Itemid=131

انا ما ادري وش حكايه نهج مع فتح الملف كانه داخلين مستشفى

المهم الله يعينكم

طيب يا اخوان شرايكم بهل معهد في دابلن institue of جاوبوني بليز

اقتباس:

---

س\ ابغى منكم تجاوبوني عن افضل معهد اقدر استفيد منه باللغه ويكون زين مهو تجاري لا يكون معهد يعلمني من الالف لل ياء ويليت تذكرون اسمه ومكانه ويليت تحطون اسواء المعاهد الغشاشه علشان الواحد ياخذ الحيطه منهم ويكون على علم

---

DCU
UCD
هذه هي معاهد الجامعات الجيدة في دبلن ،

اقتباس:

---

س\ هل في شخص يقدر يجيب لي قبول من جامعه ومعهد تعرفون رقمه او اراسله عن طريق الايميل مافي مشكله نكون شاكرين

س\ عندكم ارقام مكاتب او اسماء مكاتب تجيب قبول لايرلندا ويكونون امجربين يعني مايكونون همهم بس تجاري اتمنى

---

المكاتب في السعودية ، نهج .، تجسير ... وهنالك مكتب آخر في الرياض - مخرج12 بالقرب من بنك البلاد

اقتباس:

---

س\ يليت تفيدوني هل تنصحوني بايرلندا او غير ايرلندا وكمان تقولون لي اذا كان بايرلندا عن الاماكن الي تفضلونها انتم يا اخواني

---

ايرلندا بلد أخضر × أخضر وجيد للدراسة .، سواءً لغة او دراسة اكاديمية جامعيه ..
ولكن ما ينقصها احيانا هو ندرة التخصصات في مجال معين !!

اقتباس:

---

س\ الصعوبات الي تواجهونها يالسعودين ومشاكل الغربه معكم

---

في الغربة ، الصعوبات هي اول اسبوع وكيفية التأقلم مع البلد ، الجو ، الأكل ، العادات والتقاليد .،
ولكن بعدما يتم فتح ملف للطالب ، وتصدر له اول مكاافاة ويتسخرج الاقامه والفيزا ، هنا نستطيع القول ان الطالب استقر في بلد البعثه
وهذا تقريباً يستغرق شهر الى شهر ونصف فقط .،

اقتباس:

---

س\ الراتب الي يجيكم من الملحقيه يكفي ولا لاء وكم يجيكم

---

لو لم يكفي ، لما عشنا في بلد البعثه !!
الحمدلله يكفي ونص وثلاث ارباع ;)

اقتباس:

---

س\ الايجارات غاليه والعيشه غاليه يعني هل با اكون باخر الشهر اشرب شاهي واكل بسكوت او بتكون حالتي كويسه لحد يقولي على حسب صرفك انت انا عارف بس ابي اعرف كيف العيشه مانبي نتوهق

---

بالعقل والحكمه ، وبالتوفير والاقتصاد وشراء الضروريات ونسيان الترفيهيات قليلاً .،
نستطيع ان نعيش ، سواء في ايرلندا او السعودية .،
هنالك اشخاص ( يطفرون ) في اواخر الشهر ولكن عن نفسي ولله الحمد لم ( أطفر ) !
لم اكن مقتصد ، ولم ابخل ع نفسي بشيء .، ولكن افعل كل شيء بعقلك قبل ان تتخذ قرارك .،

اقتباس:

---

س\ ايرلندا بارده او لاء يعني اجيب معي الفروه وملابس الشتا ولا يعني مهي بارده مواسم ويليت تذكررون لنا الشهور الي تكون بارده

---

ايرلندا بلد المطر ، ولو مر اسبوع بدون امطار ، فأعلم بأنه يتعتبر كارثة ع ايرلندا لأنه مصدر الماء لديهم !!!
الجو ، انا متأقلم معه ولم يعد بارداً بالنسبة لي ، وجو السعودية حالياً في الدمام يعتبر ( حار ) بالنسبة لي !!
في دبلن ، لا تستطيع ان تتوقع الجو ، ويمكنك رؤية 4 فصول في يوم وااااحد !!
احضروا ملابس شتوية ، وصيفية .. لأنك ستستخدم الصيفية للجلسة في المنزل ، لأن البيت مزود بالـ ( الهيتر ) !

اقتباس:

---

س\ لو اخذت تخصص الحين وانا ادرس حبيت اغير تخصصي من هندسة اتصالات الى تخصص اخر هل استطيع اولا

---

تستطيع ان تغير ( تخصص - جامعه - دولة ) ، يمكنك ذلك ولكن يجب ان تخبر الملحقية والمعامله تكون بينهم وبين الوزاره كذلك



بالتوفيق

يارب يوفقك يا ايرش هل هل معلومات الي افدتني فيها وعسى يارب تتفتح لك من كل جهه ويرحم والديك وترجع معاك الشهاده الي رايح علشانها وتكون تفيد وطنك واهلك والناسك

اقتباس:

---

المشاركة الأصلية كتبت بواسطة رسام على شط البحر

بسم الله الرحمن الرحيم
يا اخوان اتمنى الي عنده خبره يجاوبني على اسئلتي هذي بالتفصيل الممل ولا يختصر لانه هذا الشي مصيري واتمنى انكم تستحملون اسئلتي وتجاوبون عليها لتنالو الدعاء والثواب اولا

بجاوبك باللي اقدر عليه واعذرني في الباقي
س\ انا ابي ادرس في ايرلندا هندسة اتصالات ابغى اعرف اسامي الجامعات الي عندهم هذا التخصص ويليت تذكرون لي اسم الجامعه ومكانها وهل هي معترفه او لاء
شيك موقع وزارة التعليم العالي راح يفيدك

س\ ابغى منكم تجاوبوني عن افضل معهد اقدر استفيد منه باللغه ويكون زين مهو تجاري لا يكون معهد يعلمني من الالف لل ياء ويليت تذكرون اسمه ومكانه ويليت تحطون اسواء المعاهد الغشاشه علشان الواحد ياخذ الحيطه منهم ويكون على علم
افضل معهد في ايرلندا DSE دبلن سكول اوف انقلش
صراحة المعهد هذا له قضل علي ما انساه كنت في مشكلة وماقصروا معاي ساعدوني
س\ هل في شخص يقدر يجيب لي قبول من جامعه ومعهد تعرفون رقمه او اراسله عن طريق الايميل مافي مشكله نكون شاكرين
www.dse.ie يس اول شي تاكد هل هو معترف فيه من وزارة التعليم لاني انا رحت له على حسابي الخاص انا كنت السعودي الوحيد في المعهد
س\ عندكم ارقام مكاتب او اسماء مكاتب تجيب قبول لايرلندا ويكونون امجربين يعني مايكونون همهم بس تجاري اتمنى

س\ يليت تفيدوني هل تنصحوني بايرلندا او غير ايرلندا وكمان تقولون لي اذا كان بايرلندا عن الاماكن الي تفضلونها انتم يا اخواني
شوف اخوي ايرلندا صغيرة جدا لدرجة انا لفيناها في احد الرحلات المدرسية
بس فيها مميزات منها :
-اجمل بنات العالم راح يدرسون معك سواء ايطاليات او المانيات او حتى اسبانيات المعاهد مليانه بنات بالجنسيات اللي ذكرتها خصوصا الاسبان
-الشعب فرندلي ومتواضع لدرجة ماتصدقها
-طبيعه جميلة جدا
-جو ولا احلى
- نظام مواصلات رائع بس انتبه من التكاسي :yeah:
بس اكثر الشباب اللي قابلتهم طفشانين يقولون الديرة صغيرة
س\ الصعوبات الي تواجهونها يالسعودين ومشاكل الغربه معكم
اذا كنت مدخن راح تواجه صعوبه لان البكت بـ 9 يورو = 52 ريال تقريبا
س\ الراتب الي يجيكم من الملحقيه يكفي ولا لاء وكم يجيكم
حوالي 1900 يورو تنقص او تزيد 50 ماني متاكد
حسب صرفيتك بس دبلن غالية حيل انا اعرف روس كانوا يدرسون معي يقولون دبلن اغلى من موسكو !
س\ الايجارات غاليه والعيشه غاليه يعني هل با اكون باخر الشهر اشرب شاهي واكل بسكوت او بتكون حالتي كويسه لحد يقولي على حسب صرفك انت انا عارف بس ابي اعرف كيف العيشه مانبي نتوهق
ايه الاجارات غالية افضل لك تسكن مع عائلة يكون شامل الفطور والغدا وبكذا راح توفر وسعر العوائل ثابت الليلة 25 يورو
س\ هل اقدر اشتغل في ايرلندا يعني اغسل اصحون اشتريلي سيكل وغسل سيارات يعني في شغلات ابيع في محل اي شي هل استطيع او لاء
اذا لقيت وظيفة تقدر
س\ ايرلندا بارده او لاء يعني اجيب معي الفروه وملابس الشتا ولا يعني مهي بارده مواسم ويليت تذكررون لنا الشهور الي تكون بارده
في الصيف درجة الحرارة 19 في الظهر وتنفحض ال 12 في الليل
الحين تحت الصفر بدرجة او ثنتين تقريبا
س\ لو اخذت تخصص الحين وانا ادرس حبيت اغير تخصصي من هندسة اتصالات الى تخصص اخر هل استطيع اولا


واشكر لكم حسن الاستماع ويليت تجاوبوني باسرع مايمكن واسف اذا اطلت عليكم بس مالنا الى غيركم يا ابناء جلدتي يعني ماينفعك الى اهلك وربعك وناسك واخير الختام السلام

---

اي سؤال اعرفه عن دبلن انا حاظر
واذا حبيت ادلك على عوايل للسكن كلمني

تسلم يالغالي وربي يوفقك يالذيب ماقصرت

ايرش / فور يو

الله يعطيكم العافيه معلومات نستفيد منها

الله يكتب اجركم