خبراء ايرلندا ساعدوني اخوكم محتاجكم :))
السلام عليكم ورحمه الله وبركاته
اول شي عيدكم مبارك مقدما وكل عام وانتم بخير وتقبل الله طاعتكم
اخوانى باذن الرحمن راح اكون في دبلن بتاريخ 3-10-2011
دراستي راح تبدا في تاريخ 5-10-2011 مدتها 10 اسابيع فقط وطبعا فل تايم درسه مكثفه لاني موظف حكومي وماعندي اجازه الا 3 شهور وان الله عطانا طولت عمر معاكم بكمل السنه القادمه 6 شهور اخري لاني طالع علي حسابي الخاص
معهدي هو
engilsh in dublin
English in Dublin, The Best English Study School in Ireland
شباب وبنات بس ابي استفسر هل استفسارات واللي يعرف لا يقصر معاى
1- المعهد سئلني تبي انسويلك تأمين ولا لا ؟ ما ادري شقوله اي ولا لا وتامين شنو اهو بالضبط؟
2- بالنسبه للعائله انا طالب من المعهد يوفر لي عائله بس ياجماعه اكثر من شخص كلمني هنا وبره المنتدي يقولي اطلب منهم عائله متحضره ترفلر وقولهم مابي نكرز ما ادري اذا هل جمله صح ولا لا
وينصحوني الشباب اختار عائله مافيها شباب صحيح ؟؟؟
انتظر اجاباتكم وشكرا
رد: خبراء ايرلندا ساعدوني اخوكم محتاجكم :))
رد: خبراء ايرلندا ساعدوني اخوكم محتاجكم :))
أنصحك تاخذ سكن عن طريق المعهد لمدة أسبوعين فقط و بعدها إذا ناسبك الوضع مع العائلة مدد أنت المدة
مباشرة مع العائلة و بيطيح عليك في السعر ، بس نصيحة لا تعلمهم بالسعر اللي خذه عليك المعهد للسكن
لأن المعاهد تعطي العوايل في الغالب أقل من اللي تاخذه منك ، عشان كذا إذا حبيت تواصل مع العايلة إسألهم
كم يعطيكم المعهد عاد أنت وشطارتك ، من واقع تجربة مع المعهد اللي أنا معهم لقيتهم زايدين علي في سعر السكن
مع العائلة 35 يورو لجيوبهم ، خذ المعهد 195 يورو ولقيته يعطي راعية البيت 160 يورو بس ، و اتفقت مع راعية
البيت على نفس المبلغ لأني لقيت السكن مناسب و راعيته جداً محترمة و البيت قريب من السنتر والمعهد بحيث أني
قدر أروح له على رجولي.
أشرط على المعهد أن السكن يكون قريب من السنتر و يكون في عائلة ما فيها تدخين و لا عندهم حيوانات و يكون في منطقة
آمنة.
وأنصحك ما يكون عندهم أطفال ترا الأطفال علة بالإضافة أن أمهم بتنشغل بالعيال عن الإهتمام بك.
أما بالنسبة للتأمين تقدر تسوية عندك في الديرة أنا سويته 380 ريال في الراجحي للتأمين في مركز (نسيت اسمه) الملز
آخر شارع الستين قبل جسر الخليج يجيك على اليمين قبل الإشارة.
رد: خبراء ايرلندا ساعدوني اخوكم محتاجكم :))
مشكور اخوي سعد ما قصرت بس بسئلك عن الفيزا
لازم اسويها فيزا دراسيه عالشان ادرس بالمعهد؟ ولا عادي اقدر اسويها فيزا سياحيه
رد: خبراء ايرلندا ساعدوني اخوكم محتاجكم :))
بالنسبة للفيزة يعطونك السفارة فيزة زيارة وأنت واقف لمدة 3 شهور إذا كل الأوراق جاهزة
و أما الفيزا لمدة ستة أشهر قد تتأخر من يومين إلى شهرين أنت وحظك.
اللي أعرفة أن الأخوة اللي جاءوا هنا لدارسة اللغة خذوا فيزة زيارة 3 شهور مثلي.
وحسب ما سمعت من مصادر غير موثقة أنك تقدر تمدد الفيزا بعد ما توصل وقبل ما تنتهي لثلاثة شهور أخرى
بشرط أنك تقدم إثباتات بتسجيلك في معهد للمدة المطلوبة والله أعلم.
رد: خبراء ايرلندا ساعدوني اخوكم محتاجكم :))
حلو تمام الله يبشرك بالخير
انا من لكويت بس اللي بعرفه الحين يعني لما اسوي فيزا سياحيه مدتها ٣ شهور اقدر اروح ايرلندا فيها وادرس فيها بالمعهد ولا راح يرفض المعهد ويقولي لازم فيزا سياحيه؟
رد: خبراء ايرلندا ساعدوني اخوكم محتاجكم :))
رد: خبراء ايرلندا ساعدوني اخوكم محتاجكم :))
وأنا اخوك أعتقد أن الكويت ما تخلى من مراكز تدريبية تقوم بترتيب كل أمورك حاول ترتب معاهم
بس أنتبه لموضوع السكن من ناحية السعر و المدة.
وأنصحك لاتجي وأنت مارتبت مع المعهد اللي بتدرس فيه من قبل.
يحليلي مسويلي فيها فاهم و قاعد أفتي على جميع الأصعدة و أنا مالي إلا أسبوع بس هههههههههه
رد: خبراء ايرلندا ساعدوني اخوكم محتاجكم :))
مشكور يا خوي سعد ما ادري شفيهم الشباب هني ولا واحد تنازل شوي وري علي لو بكلمه :(
عالعموم اخوي سعد ان رتبت من لكويت مع مكتب بيطلع نااار
ابي بس استفسار اقدر اطلع فيزا سياحيه وادرس فيها بالمعهد ولا ما بيرضوون ؟
رد: خبراء ايرلندا ساعدوني اخوكم محتاجكم :))
اخوي الفيزا السياحية خاصة بالسياحية فقط
وممكن تخش معهد وما يهتم بهذا الشيء وممكن معهد اخر يقول لا لازم فيزا دراسية
انا افضل انك تقدم دراسية
وانتبة من المكاتب لانها غالية وثانيا ترسلك معهد كله عرب يعني كأنك في الكويت
