عائله بس عجوز

السلام عليكم


هلا وغلا شباااب


ابدخل بالموضوع على طوول

انا هذا اول يووم لي بـ ايرلندا عند عائله


ادرس بمعهد kaplan

خل المعهد لاني الى الآن مارحت له


بس انا ضايقه بي الدنيا لاني مع عائله ما اشوف الا العجووز وسامع ان معي كوووري بس ماشفته ...؟


المهم

انا كيف استفيد كذا


يعني من البيت للمعهد ومن المعهد للبيت


يعني ما اطلع مع شباب


انا يمكن القى سعوديين يمكن اطلع معهم
حتى ياليت القى سعوديين علشان اعرف الاماكن ووين اروح ووين اجي
بس ماهو دايم لاني ماراح استفيد كذا


الحين وش الحل اطلب نقل لعائله ثانيه ولا كيف..؟

اغلب العوائل عجوز او عجوز مع بنتها او ولدها
عوائلهم ليست بكثيرة العدد كما لدنا في السعودية.

طبيعي تحس بالوحدة والهدوء القاتل ولكن تعوذ من ابليس وان شاء الله تتسهل امورك مع العجوز واذا جاء الكوري سولف معاة انجليزي وان شاء الله رح تتطور لغتك.
ما رح تحصل عائلة اكثر من 3 او 4 اشخاص في بيت واحد واذا حصلت رح يكون ازعاج ما بعدة.

بالتوفيق ياغالي.

تدري وش المشكله


المشكله ماتعلمن وين المعهد

تجيب الخريطه وتقول رح مع الباص

طيب انا وش عرفني للمعهد علشان لاقربت لمه انزل من الباص


والله اليوم ضعت هع

بس قعدت احووس عند النهر مدري بحر الي عليه اجسار

عاد يوم مليت اخذت تاكسي ومشيت للبيت


بس الحين ما ادل المعهد والمشكله ودي اطلع واروح بس ما ادل وصعب اخذ تاكسي لاني لو ابتل على التكاسي عز الله راحت الفلوس

وحتى الباصات ماعرف وش طريقتهم



والكوري الي قلته صار ماهو فيه

شكل مغير العائله لان العجوز ماتدري وش السالفه تعطيك الخريطه وتقول رح سلامات...؟

انا ودي اطلع واروح واجي بس ما ادل قلق

هلآ بك آخوي ..
اذا كان الكوري معك بنفس المعهد .. رح معه بكرة بآلصبآح .. وهو يعلمك رقم الباص ووين توقف وكيذا ..
اذا هو في معهد ثاني .. واجب على العائلة تعلمك الطريقة .. واذا ماعلموك .. يفضل انك تغييرها ..

الباصات طريقتها .. آنهآ تطلع من الستي سنتر اللي فيه النهر .. وتتجه الى الحياء وتآخذ الناس وترجعهم للستي سنتر

كل حي أو كل منطقة معينة لها رقم باص يمر فيها .. أسأل العائلة كم رقم باصك ؟
اذا ركبت في الباص قل له ابي الستي سنتر .. ويقول لك بـ كم يورو ..

يفضل اذا نت بتطول في المعهد .. تآخذ بططاقة باص .. على حسب ماتبي .. شهر شهرين .. وتركب فيها زي ماتبي لو تركب في اليوم عشرين مرة بلاش

والله يحفظك .

الكوري ماهو موجود الظاهر هااج من العجوز الي عندي


اووووووووووم البلشه

تحسبن اعرف انقليزي وتقول رح مع الباص

ادري انه مع الباص بس وين انزل


يعني لو اعرف انقلش ماجيت لـ ايرلندا


عجووز مادري وش تبي

آآآهـ بس

اخوي انا لست في ايرلندا ولا اعرف شيء عنها ولكن النظام واحد في بريطانيا وايرلندا تقريبا
انت اسأل العجوز وقلها كم رقم الباص اللي يودني المعهد؟ وكم رقم الباص اللي يرجعني للبيت؟
انت استقر اللحين لما تتسهل امورك وبعدين فكر في النقل.
بقولك شيء كل شخص يسكن وانا واحد منهم اول اسبوع اسبوعين افكر اني انقل من السكن الجديد ولكن بعدها خلاص اتأقلم ومستحيل اطلع منة. اول الايام يمكن تحس بشوي نفسية ولكن ان شاء الله تعدي على خير.
اللحين ضبط امورك في المعهد وخلك من البيت للمعهد والطلعات باقي يمديك عليها ان شاء الله في الايام الجاية.
موفقك.

عندك قوقل استفسر عن مسارات الباصات وتحركها والله يوفقك هذا الي اقدر اقوله لك


وترى يمديك تطلع خويك الكوري من قوقل بعد !! هههههههههههه



^امزح

اقتباس:

---

المشاركة الأصلية كتبت بواسطة مازن2009

اخوي انا لست في ايرلندا ولا اعرف شيء عنها ولكن النظام واحد في بريطانيا وايرلندا تقريبا
انت اسأل العجوز وقلها كم رقم الباص اللي يودني المعهد؟ وكم رقم الباص اللي يرجعني للبيت؟
انت استقر اللحين لما تتسهل امورك وبعدين فكر في النقل.
بقولك شيء كل شخص يسكن وانا واحد منهم اول اسبوع اسبوعين افكر اني انقل من السكن الجديد ولكن بعدها خلاص اتأقلم ومستحيل اطلع منة. اول الايام يمكن تحس بشوي نفسية ولكن ان شاء الله تعدي على خير.
اللحين ضبط امورك في المعهد وخلك من البيت للمعهد والطلعات باقي يمديك عليها ان شاء الله في الايام الجاية.
موفقك.

---

المشكله ياخي بس عجوز...؟


انا كيف استفيد مافيه احد اسولف معه على الاقل

العجوز تخربط علي تحسبن بلبل بالانقليزي

والمشكله بعيده عن كل شي

مافيه سوبرماركت ولا فيه شي

اقتباس:

---

المشاركة الأصلية كتبت بواسطة нмợđi

عندك قوقل استفسر عن مسارات الباصات وتحركها والله يوفقك هذا الي اقدر اقوله لك


وترى يمديك تطلع خويك الكوري من قوقل بعد !! هههههههههههه



^امزح

---

كيف ابحث من وين...؟


اوووما ادووورهـ هههههههههههههههه


لو هو سعودي يمكن افكر

السلام عليكم
اخوي لما تدخل على جوجل .. ادخل على جوجل ماب .. وحط موقعك هو الموقع الافتراضي .. وبعدين روح للحصول على اتجاهات او get direction .. وحط اسم شارع بيتكم وشارع المعهد وبيطلع لك كيف تروح .. هذا لو معهدك قريب ..
لو معهدك بعيد .. ادخل على موقع Home - Dublin Bus
حط اسم الشارع اللي بتروح له وبيطلعو لك كل الباصات اللي تودي هذيك الجهة ذهاب واياب ..
او حط رقم باصك اذا تعرفه وشوف كيف مساره ..
اذا كنت تعرف رقم الباص بس ماتعرف وين تنزل .. انت شوف اسم اقرب شارع يمر عليه الباص لمعهدك .. ولما تركب قول للسواق اذا وصلت قول لي لاني مااعرف .. ولما توصلو بتسمعه يقول اسم الشارع بصوت عالي

بالنسبة للطلعة والروحه .. خذ لك خريطة دبلن .. او اذا عندك في الايفون
وامشي عليها .. وشوي شوي تحفظ الاماكن وتصير تدل كل شي ..