المشاركة الأصلية كتبت بواسطة majed170
يا سعادة الملحق ثمانية اسابيع كثيرة جدا جدا ,, انا اشوف ان مهلة اسبوع واحد تخب عليهم ,,, يا سعادة الملحق ماعليك من البنات اللي بينسخون لك فتاوى ما ادري وش مصدرها او يبدون امتعاضهم الشديد او يصفونك بالرجعية ويصفون مجتمعنا بالرجعية او اننا ننظر لهم كعاهرات وكلام ابسط مانقول عنه انه كلام حريم سمعوه في برنامج تلفزيوني دغدغ مشاعرهم ودندن على اوتار عواطفهم وصدقوه ,,,
يا سعادة الملحق انا معك ومع قرارات الوزارة في ان المرأة لازم يكون معاها محرم ,, يرضى اللي يرضى وينطق اللي ينطق ,, وانا معك يا سعادة الملحق ان الموضوع يؤدي إلى اضرار اجتماعية وسلوكية واخلاقية وامنية خطييييرة جدا ,,,
يا سعادة الملحق انا لو كنت مكانك والله ممكن توصل معي المسألة إلى اني افصل كل مبتعثة تتحايل على النظام وتجلس لوحدها في بلد الغربة اذا ماجابت محرمها في خلال اسبوع او اقل ,, وأي وحده تجيني وهي مطفية النور وتقول الدين مايمنع ومن الكلام هذا ,, ودي اسألها على طاري الدين و دامها حريصة على الدين ,, هل يجوز لكم انكم تاخذون راتبين ( راتب الطالبه + راتب المرافق ) طالما انكم متحايلين على النظام والمرافق مو معاكم ؟؟ هذا لوحده اسمه مال حرام وسرقة مال عام واي وحده تسوي الشي هذا فأنا اعتبرها حرامية يجب ان تحاسب على جريمتها وكل القوانين السماوية والوضعية المدنية تقول نفس الشي ,, اشمعنى الحين تتكلمون عن الدين وان عاداتنا ضد الدين واننا نتعامل معاكم مثل العاهرات زي ماتقول بعض الردود وتتغاضون عن اكل المال الحرام والسرقة ,, فعلا انكم تكفرون العشير ,, ياااااااااويلكم من الله ,, الحكومة لو قالت ان المرافق ماله راتب او ماله تأمين صحي ولا تذاكر او غيره من الكلام هذا باقول معاكم حق انكم تتذمرون ,, لكن الحكومة تقول جيبوا محرم واحنا نصرف عليه ونعطيه راتب ونعطيه تأمين صحي ولو يبغى يدرس بندرسه ونعطيه تذاكر سفره وفووووق هذا كله تتكلمون وكأنكم مظلومات وحالتكم حالة ,, صدقت يا رسول الله عليك افضل الصلاة والتسليم ,, احمدوا ربكم على النعمة اللي انتوا فيها ,, واذا الوحدة تبغى تكون حرة نفسها تطلع متى مابغت وتروح وقت مابغت ,, وتسولف مع فلان وعلان وتكون مستقلة استقلال تاااااااام عن محرمها نقول لها مافيه احد ماسكك مع يدك ,, روحي سوي مع نفسك اللي تبغينه ,, اما تتشرطون على الحكومة ولا تعترفون باراء العلماء المعتبرين وتتهمون المجمتع السعودي بأقذر الصفات وفوق هذا تبغون المصاريف كلها تكون على الحكومة وعلى اهاليكم وبعدها تقولون مالكم شغل فينا فهذي اسمها بجاحة ,,
اذا انتوا متأثرات بالغربيات وكيف انهم مستقلات ولا احد يقول لهم ثلث الثلاثة كم ,, فتأملوا في حياتهم ,, وتأملوا كيف ان مافيه شي في مجتمعها يضمن لها حياة كريمة لو دارت عليها الدنيا ,, البنت الغربية تدخل على موقع كريجز ليست او باك بيج او اي موقع من مواقع الايسكورت وتعرض نفسها بتراب الفلوس بالرغم من انها موظفة ومتعلمة بس صارت لها ضروف وكان اسهل الحلول قدامها انها تبيع نفسها ,, لأن مافيه دين يردع ولا محرم يحمي ولا مسلم يغار ,, وانتوا لو نقص عليكم شي الدين والعرف اللي مهي عاجبتكم يلزمون الرجال انه يصرف عليكم ويأمن لكم حياة كريمة ,,,
ياشييييييييييييييينكم يالحريم اذا صرتوا تتكلمون عن الاستقلالية وخرابيط حوارات قنوات الهشك بشك
يا سعادة الملحق انا لو كنت مسؤول عنك والله لأعرضك لأشد الجزاء انت وكل الحلقين الثقافيين لأنكم مخلين البنات يسرحون ويمرحون على كيفهم بدون محارمهم ,,
احمدوا ربكم ياحريم اني مامسكت منصب في الوزارة ,,
